TAHIUL᷊E 28:4 - WUKE SUSI WATTI'U AL᷊AL᷊USASSA

⁴ Nial᷊amatante i yamiu, ma'oman sara manga anangngu manambo, hessin letangngu lumambalanna wuṛṛu sapi see lai ambingnga dombanu anambone a'atambanna.

TAHIUL᷊E 28:4 Referans Kwoze

AMSAL 10:22

Ana waugu tumba'u al᷊amattu Mawu taumata nabbal᷊i ala; mammanara maṛṛimadda tawe maatamba darotongnga.

TAHIUL᷊E 7:13

I Tou sarun marangngu wuṛṛu mangal᷊amatta si yamiu, mao'man sara anangngu manambo, wuṛṛu reengannu a'atambanna. I Tou sarun mangal᷊amatta manga wawail᷊annu, na'oman sara maghesin gandumma, anggore wuṛṛu lanan zaitun. I Tou sarun mangal᷊amata si yamiu na'oman sara manambo sapi wuṛṛu ambinga dombanu. Anambon al᷊amatta udde sarun sengkamanni yamiu su wanua apan ionggolu Mawu si yamiu, uasul᷊ungngu paaire-Ne su iupungngu al᷊amonanu.

PANDARIADDI 49:25

Ruatan iamangngu nantul᷊ungngu; Apan Lembon Taṛṛino nangal᷊amatta si'o ringannu uranna wuassu langitta wuṛṛu ua'e wuassu wantan leta'a. Ringannu ana'a wuṛṛu sapi,

DARALO 128:3

Awingngu naal᷊ihidda punnu anggore apan masuwukka sulal᷊ummu wal᷊enu. Manga anangngu naal᷊ihidda lal᷊uwon punnu zaitun uapal᷊iwutta meddanu.

TAHIUL᷊E 28:11

I yamiu sarun onggol᷊annu manambo ana'a. Winatangnga papadul᷊ianannu manambo wuṛṛu hessin letangngu nilumambalanna su wanua apan nipa'iren Mawu su iupungngu al᷊amonanu apan ionggola si yamiu.

DARALO 107:38

Mawu nangonggolu ana'a manambo si mangitou, wuṛṛu winatangngi mangitou sidutu aatambanna.

IMAMATTA 26:9

I Ya'u sarun mangal᷊amatta si yamiu wuṛṛu mangonggolu ana'a pulunna apan manambo si yamiu. Apa apan buatte Ta'u pina'ire si yamiu, i Ya'u sarun mapaatipussa.

AMSAL 13:22

Taumata mapia mannantangngu pussa'ane su ana'a pulunne; paa'alan taumata marosa sahipunanna maola'a tatahuannu taumata apan matul᷊idda wiakke.

PANDARIADDI 22:17

i Ya'u sarun mangal᷊amatta si'o ringannu lumambalanna wuṛṛu ma'ola'a papapulunnu anambone naal᷊ihidda anumputanna su langitta wuṛṛu anambone naal᷊ihidda anne su apannu tahal᷊oangnga. Anangngu pulunnu sarun malluṛṛugu manga seetti mangitou.

AMSAL 20:7

Al᷊aṛṛana'a naauntungnga amungkangngu pia iamangnga apan mapia wuṛṛu mabbiakka matul᷊idda.

1 TIMOTIUS 4:8

Mannarammu wadangnga tumba'u addio'a hunane, arawe mannarammu pangangimanna mahuna su al᷊awo'u inolaanna, ana waugu pia paaire su ipabbiakka tempo indi wuṛṛu tempo addantane.

DARALO 127:3

Manga ana'a uddewe aonggollu Ruata, mangke atonna i mangitou uddewe al᷊amatta.

PANDARIADDI 39:5

Nanattaka orassa udde, ana waugu i Yusuf, Mawu nangal᷊amatta amonannu taumatan Mesir udde wuṛṛu sarangkanambone apan tatahuananne, mawae ete su wal᷊en ara'e su wawail᷊anna.

TAHIUL᷊E 28:3

Nial᷊amatante manga soa wuṛṛu manga wawail᷊annu.

TAHIUL᷊E 28:5

Nial᷊amatante pangangitingnga gandumma see lai anna apan niola'i yamiu wuassu gandumma udde.

TAHIUL᷊E 28:18

Niawontohante i yamiu, na'oman sara tumba'u matul᷊u anangngu, hessin letangngu, see lai ambinga dombanu.