TAHIUL᷊E 28:32 - WUKE SUSI WATTI'U AL᷊AL᷊USASSA

³² Su saruannu matanu manga al᷊aṛṛanangngu sarun ionggola su taumata raho maola'a allangnga. Miallo-miallo matanu mapal᷊atta maddea'a manga anangngu, arawe sahaddu udde tawe gunane, ana waugu i mangitou tate mabelengnga.

TAHIUL᷊E 28:32 Referans Kwoze

YOEL 3:6

Tumana'u Yehuda wuṛṛu Yerusalem niapiddi yamiu marau wuassu wanuane; wua'udde niwal᷊u'i yamiu su walahannu Yunani.

TAHIUL᷊E 28:41

I yamiu sarun maasomba ana'a esakka wuṛṛu wawine, arawe i mangitou iasametta su pangalo, ma'oman sara i yamiu awul᷊ianni mangitou.

2 TAWARIKH 29:9

Manga iamangngi ite nate sulal᷊ummu pangalo, wuṛṛu ana'a, awingngi ite niapiadda naola'a taumata niatawanna.

MIKHA 4:10

Ei tumanana'u Yerusalem, paggaṛṛuannate wuṛṛu sasal᷊iomante ere wawine apan tantal᷊anna mangngunsiwe! Ana waugu, orassa indi i yamiu ṛinone manantangngu soa wuṛṛu matana'a su wadda'a. I yamiu ṛinone inai watukku Babel, arawe poiaroddi Mawu sarun mamallossi yamiu wuasu manga seenu.

AMOS 5:27

Amungkangngu i Ya'u mandammen kamiu su sambau wanua apan marau su Damsyik. I Ya'u Mawu aranne Ruata Apan Lembontaṛṛino buatte nabbisara.”

YEHEZKIEL 24:25

Mawu nabbisara si ya'u, “Ne, taumata apan mattate, sarun Ta'u anuanna wuassi mangitou Wal᷊e-U apan matohassa udde, apan buatte naola'a ilalluassa wuṛṛu ilallala'i mangitou, wuṛṛu apan a'ellehanna wuṛṛu tattemboanni mangitou ringannu al᷊al᷊uassu naungnga. See i Ya'u sarun manganu al᷊aṛṛana'i mangitou.

LAL᷊ALLU 5:17

Wowon Sion nallannabba wuṛṛu nitantangnga; poiaroddi asun ahuranganna pasi lallele. Ana waugu udde naungngi yami nasusa, i yami lulluai na'oman sara aellegi yami mal᷊abbukke.

LAL᷊ALLU 4:17

Matan kami naasilote, ual᷊aṛṛaddo sumbala apan tawe rumanta. I yami uaantimma aontollu sambau walahanna, apan ṛinone tawe mapangonggollu manga apa.

LAL᷊ALLU 2:11

Mata'u hinumanne ana waugu lulluai tawe illol᷊one, ṛimuu'u massusa tawe sumandingnge. Naungku natuno naasilo ahahohakku walahanna; naasilo al᷊aṛṛana'a see bayi ana'a maradio'a napinsanna su manga lal᷊annu soa.

YESAYA 38:14

Tingi'u mallannu ma'adio'a wuṛṛu massi'ome, naal᷊ihidda ana'u manu'u winalanganna i ya'u sussal᷊ande. Mata'u nal᷊otakke uatingngara langitta, Mawu, pallosa'awe i ya'u wuassu asasusa indi.

DARALO 119:123

Mata'u maṛṛagete uaṛṛaddo sasumbala-Nu apan manal᷊amatta, i ya'u uaṛṛaddo apapallossa apan pina'ire-Nu.

DARALO 119:82

Mata'u nal᷊ol᷊ote uaṛṛaddo Si'o manipussa paaire-Nu, i ya'u nabbisara, “Tingngerate I'o malluassa si ya'u?”

DARALO 69:3

I ya'u nal᷊ioṛṛo'a su lota apan mal᷊al᷊umma, tawe tampa pamaheṛṛanne. I ya'u nawul᷊ussa su ua'e apan mal᷊al᷊umma, nielekku lua'u ṛuabba.

AYUB 17:5

Tumuṛṛuttu sasanato'a, isai mangalae ringanna tumba'u ana waugu auntunganna, manga anangnge sassane sarun manengkamma wawal᷊inne.

AYUB 11:20

Arawe taumata lal᷊eo sarun ma'ellega ringannu u'al᷊iwu, waugu i mangitou tawe aontolla. Tumba'u sambau antimmi mangitou eteudde papate paal᷊ihakke rumanta.”

TAHIUL᷊E 28:65

Suwallatu manga walahannu udde i yamiu tawe maasomba atatammudda, wuṛṛu tawe apan botongnge isaggo pussaanu; Mawu sarun ma'ola'a si yamiu sussal᷊impawakka wuṛṛu naungnga maadio'a tawe antimma.

TAHIUL᷊E 28:18

Niawontohante i yamiu, na'oman sara tumba'u matul᷊u anangngu, hessin letangngu, see lai ambinga dombanu.

REENGANNA 21:29

Ore walahannu Moab, i'o nasilakate! Matataṛṛamawu si Kamos, i'o matete! I'o niwalan mongannu mabbal᷊i tumatal᷊angnga, manga wawinenu mabbal᷊i taumata nisamettu ratun Amori.

TAHIUL᷊E 28:31

Sapinu sarun pototanna su saruannu matanu, arawe i yamiu tawe maa'inassa. Manga keledainu sarun inai iapidda tantal᷊anna aellehanni yamiu wuṛṛu sarun tawe iul᷊e. Manga dombanu sarun ionggola su manga seennu wuṛṛu taweddu mangontolla si yamiu.

LAL᷊ALLU 1:18

Arawe ete Mawu apan naṛṛino, ana waugu parenta-Ne ta'ute nil᷊awanganna. Daringiṛṛewe i ya'u, ei manga walahanna, ellehete i ya'u apan uatataṛṛangnga. Manga umbasanna wuṛṛu maṛṛuala'u niatawanna, wuṛṛu niapidda watukku pamuanganna.

MIKHA 2:1

Nasilakate manga taumata apan manggolagu al᷊al᷊eo tantal᷊anna ual᷊allowangnga su tampan tatiil᷊anna sutempo ṛabbi, ana see niola'a sutempo marua allo ana waugu i mangitou pia atatohassa ipa'ola'a udde.

AYUB 31:8

ne wala'e taumata waine umanna anna apan ta'u niasi'a, wuṛṛu anambon inasaharangku maṛṛimunsa'a.