TAHIUL᷊E 28:21 - WUKE SUSI WATTI'U AL᷊AL᷊USASSA

²¹ Radda'a see lai radda'a sarun maṛṛia'a si yamiu, ma'oman sara panginsueanne tawe saran sangkatou apan ta'e uatana'a su wanua apan wawanuanni yamiu udde.

TAHIUL᷊E 28:21 Referans Kwoze

IMAMATTA 26:25

I Ya'u sarun mandantan pangalo su pattangngannu ipakkuumanni yamiu ana waugu i yamiu buatte nilumawanga pa'aire-U si yamiu. Wuṛṛu amungkangngu i yamiu ma'ammula su soanu maddea'a pattillummanna, i Ya'u sarun mandantan radda'a apan tawe iapapia, na'oman sara i yamiu sarun manantilu watangannu su seennu.

YEREMIA 24:10

I Ya'u sarun mandanta si mangitou pangalo, ṛutumma, wuṛṛu sa'itta ma'oman sara i mangitou sarangkanambone mate wuṛṛu taweddu matantangnga su wanua indi apan buatte Ta'u nionggolla si mangitou wuṛṛu al᷊amona mangitou.”

YEREMIA 15:2

Amungkangngu i mangitou maiwal᷊o si'o watukku apa i mangitou massal᷊iu, simbakke arendi, ‘Mawu nabbisara, apan nitantunna mate ana waugu maradda'a wala'e i tou mate ana waugu sa'itta. Apan nitantunna mate sulal᷊ummu pangalo wala'e i tou mate sulal᷊ummu pangalo! Apan nitantunna mate ana waugu mal᷊unussa wala'e i tou maten al᷊al᷊unussa! Apan nitantunna maola'a tawananna wala'e i tou iluranna maola'a tawananna!’

REENGANNA 14:12

I Ya'u sarun mamate si mangitou ringannu mandantan radda'a ma'al᷊iu. Arawe i'o sarun Ta'u olaanna iamangnga wuassu sambau walahanna apan maggewal᷊anna wuṛṛu mattohasanna wuassi mangitou!”

YEREMIA 16:4

I mangitou sarun mate amatannu sa'itta apan mangipiddi mangitou su papate, wuṛṛu i mangitou sarun mate sulal᷊ummu pangalo ara'e maten al᷊aṛṛutumma. Tawe saran sangkatou apan lumuai ara'e mallabbingngi mangitou. Winal᷊unanni mangitou sarun massal᷊iawukka ere pupukka su leta'a, wuṛṛu inasannu manu'u winalanganna wuṛṛu winatangnga mal᷊aṛṛaga.

2 SAMUEL 24:15

Ne Mawu nandantan radda'a su taumatan Israel nanattakka wuassu marua'allo udde naddatingngu tempo apan buatte nitantun-Ne. Su ahewallu Israel 70.000 suatoune nate.

REENGANNA 25:9

Arawe tantal᷊anna udde ingana'a nate 24.000 su atoune.

SASABANGNGA 5:3

I Musa wuṛṛu i Harun nabbisara, “Ruatan taumatan Ibrani buatte naipasilon batangan-Ne si yami. Wala'awe yami inai su wadda'a araune tallu allo amatanna tadea'u mangonggolu sasamba su Mawu, Ruatang kami. Amungkangngu yami tawe mallaghun udde, yami sarun patean-Ne ringannu radda'a ara'e pangalo.”

MATIUS 26:7

sangkatou wawine nirumanta ringannu Mawu Yesus. I tou uaapiddu wotolla sambau, lal᷊oṛṛone lana mawangngi apan maarega. Su tempo Mawu Yesus tantal᷊anna uaianna u'anna, wawine udde namobokku lana mawangngi udde su pua Mawu Yesus.

1 MARARATU 8:37

Amungkangngu wanua indi naṛṛiaannu ṛutumma ara'e al᷊aṛṛussa'itta, wuṛṛu manga sasuanna naṛṛangu su anginna mal᷊oso, radda'a ara'e niinassu taṛṛangassa, ara'e amungkangngu uman-Nu pangaloannu seetta, ara'e nirumadda'a,

AMOS 4:10

I Ya'u nangirimmu al᷊aṛṛusa'itta si yamiu ere lai Ta'u niiringnga su Mesir. Manga taumata saṛṛen tumuwo Ta'u nipate sulal᷊ummu pangalo, wuṛṛu manga awal᷊onu niaṛṛo. I Ya'u nalloṛṛo paddasanannu ringannu manga winal᷊uananna apan hal᷊urune maataddu'a ngirunna. Salaiwe aṛṛoddi, i yamiu ta'e lai maddiri mabbelengnga ringang-Ku.

ZAKARIA 14:12

Mawu sarun mandantan al᷊aṛṛusa'itta apan maata'utta su anambon balahanna apan buatte napapangalo nando'appa Yerusalem. Mata wuṛṛu lila mangitou, ewe'e lai ahewallu watanganni mangitou sarun mawukku'a tantal᷊anna i mangitou ta'e wiakka.