TAHIUL᷊E 28:20 - WUKE SUSI WATTI'U AL᷊AL᷊USASSA

²⁰ Amungkangngu i yamiu pia pallal᷊agu lal᷊eo wuṛṛu mannol᷊a'u Mawu, i Tou sarun mandantan asasusa, pattatatiakka wuṛṛu asasahadda su al᷊awo'u inolaanni yamiu, ne su tempo apan mal᷊ihakka i yamiu pateanna abbi.

TAHIUL᷊E 28:20 Referans Kwoze

MALEAKHI 2:2

Pangaddatte si Ya'u ringannu pallal᷊agunu. Amungkangngu i yamiu maddiri maddaringikka wisara-U, i yamiu sarun Ta'u wontohanna. Sarangkanambone apan sengkamanni yamiu ma'ola'a al᷊amatta sarun mawal᷊u mabbal᷊i wawontoga. Mangke atonna, sarangkanambone apan mapia udde buatte Ta'u niwontohanna, ana waugu i yamiu tawe maddaringikka parenta-U.

YESAYA 66:15

Atonna, Mawu sarun dumanta ringannu putungnga; i Tou sarun suma'e kereta-Ne naal᷊ihidda anginna al᷊isusu, tadea'u mapasabbangngu asasa'u-Ne, wuṛṛu mammuṛṛeangnga ringannu ma'ikkatta.

YESAYA 51:20

Suapan pentakku lal᷊anna manga taumatanu nal᷊iundu'a niasueannu ikkatta ere rusa apan nul᷊ussa su pu'itta. I mangitou naṛṛiaannu asasa'u Mawu, wuṛṛu naṛṛinoannu lal᷊imbuakku Ruatanu.

TAHIUL᷊E 4:26

Antimanna langitta wuṛṛu runia allo indi maola'a matatialane manungku amungkangngu i yamiu tawe matuṛṛutta si ya'u, i yamiu sarun mal᷊ihakka mawul᷊i wuassu leta'a apan wawanuanni yamiu su samba'an Sal᷊ukku Yordan udde. Yamu tawe mal᷊annu uatana'a isudde; i yamiu sarun insueanna pateanna.

YOHANES 3:36

Taumata apan mangngimanna Ana'a udde saru maasomba pabbawiakka tutune wuṛṛu saran mal᷊annu-l᷊annu. Arawe taumata apan tawe madaringikka Ana'a udde tawe maasomba wiakke. I tou iṛṛuumannu Ruata sarangkal᷊o'engnge.

YESAYA 30:17

Saṛṛiwu su atoune sarun tumal᷊angnga maasilo wawansagu sangkatou seetta, wuṛṛu wawansagu siri lima maaola'a si yamiu tumal᷊angnga abbi-abbi. Wuassu tantaranu tumba'u matantangnga sambau pul᷊on baneṛṛa su puiddu wuidda.

YESAYA 28:19

I yamiu sarun aṛṛiaannu asasusa mal᷊annu-l᷊annu wuṛṛu ṛinone maola'a bawawanna mamiallo, maruallo, allattune wuṛṛu ṛabbi. I yamiu sarun mangindon atata'utta napawe i yamiu maasunna tanatan Duata.

YOSUA 23:16

Napawe i yamiu lumawanna pa'aire apan buatte nirolokku Mawu Ruatanu tadea'u sidutu tattuṛutanna, wuṛṛu i yamiu inai mattaṛṛamawu su manga Mawu waine see lai massubba manga Mawu udde, ne Mawu sarun masa'u, wuṛṛu maṛṛuumanni yamiu. Su lal᷊ummu tempo apan mal᷊ihakka i yamiu sarangkanambone sarun mawul᷊i wuassu wanua apan mapia indi, apan nionggolu Mawu si yamiu.”

IMAMATTA 26:38

I yamiu sarun mate sulal᷊ummu pamuanganna, pateannu manga wanuan seennu.

1 TESALONIKA 2:16

Ewe'e i mangitou lai mammal᷊aatta si yami mabatti'a su manga walahanna wal᷊ine Yahudi watti'a apan wotongnge maasal᷊amatta manga walahanna udde. Ringannu aroddi manga taumatan Yahudi udde siddutu mannamba rosan mangitou na'oman sara reenganne masuungnga. Wuṛṛu orassa indi i mangitou panginsueanne niarantannu asasa'un Duata!

DARALO 7:11

Pattillumangku eteudde Ruata apan nanal᷊amatta taumata naunge matul᷊idda.

1 SAMUEL 14:20

Ana see i Saul wuṛṛu manga taumatane su sambau inaite watukku tampan papangaloanna. Isudde i mangitou naasilo pia al᷊iba'ukka su taumatan Filistin; i mangitou uapapangalo wuṛṛu uapapate.

TAHIUL᷊E 28:8

Mawu Ruatanu sarun mangal᷊amatta inasaharannu wuṛṛu malloṛṛo wal᷊ingkakku ringannu gandumma. I Tou sarun mangal᷊amatta si yamiu su wanua apan nionggoli Tou si yamiu.

YEREMIA 1:16

I Ya'u sarun makkuumannu uma-U, ana waugu i mangitou na'ola'a rosa wuṛṛu tinumal᷊iudda si Ya'u. I mangitou buatte nangonggollu manga sasamba su manga mawu waine, wuṛṛu nallanginnu manga paal᷊uanna lapiddu massubba si tou.

YEREMIA 19:4

Olangnge udde Ta'u olaanna ana waugu walahanna indi buatte nanantang-Ku. I mangitou nandal᷊eo tampa indi ringannu mangngonggollu sasamba su manga monganna apan awagananni mangitou, awaganannu al᷊amona mangitou wuṛṛu manga ratun Yehuda. I mangitou lai buatte nalloṛṛo tampa indi ringannu daṛṛa manga taumata apan tawe sal᷊ane.

MAL᷊AṚṚUUNGNGA 2:15

Napawe i mangitou inaite mapapangalo, Mawu nando'appa si mangitou, ere lai buatte niapasingkatta si mangitou. Ne i mangitou naapendampe asasusa apan lembon wahewalla.

AYUB 24:18

Wua'udde i Zofar nabbisara, “Taumata lal᷊eo nielekku manawangnga wahewalla, leta'a tatahuananne niwontohannu Ruata; waillu anggorene orassa indi mal᷊annabbe; tate lai mamamanara isudde.