TAHIUL᷊E 26:14 - WUKE SUSI WATTI'U AL᷊AL᷊USASSA

¹⁴ Wuassu sasamba udde tawe saran addio'a apan ta'u nianna su tempo i ya'u lullal᷊o, ara'e ta'u niapidda su liuddu wal᷊en su tempo i ya'u na'ola'a al᷊al᷊eo, ara'e ta'u nionggola maola'a wiakku taumata nate. I ya'u matuṛṛutta Si'o, oh Mawu; al᷊awo'u parenta-Nu buatte ta'u niola'a.

TAHIUL᷊E 26:14 Referans Kwoze

IMAMATTA 7:20

Amungkangngu taumata uminassa ṛemessa udde su tempo i tou tantal᷊anna nassal᷊a, i tou tate lai mareengnga al᷊aṛṛana'u Ruata.

HOSEA 9:4

Su manga wanua udde i yamiu tawe mapangonggollu sasamba anggore ara'e winatangnga ipalluassa naungngu Mawu. Pabbawiakku sarun maaola'a suapan taumata apan umanna mabbal᷊i marosa, ere anna apan aannananna su lal᷊aghun pallal᷊abbingnga. Anna udde tumba'u pia gunane ipallaidda tiannu; saran addio'a tawe iapidda su Wal᷊en Mawu maola'a sasamba poiaroddi.

IMAMATTA 21:11

I tou buatte nionggola si Ya'u maola'a pussaa-U, nariaddi tawe wotongnge mandal᷊eo watanganne. I tou lai tawe wotongnge mandal᷊eo Rasang-Ku ringannu sumabbangnga wua'isudde wuṛṛu sumutta watukku wal᷊en apan pia binal᷊unanna, salaiwe udde winal᷊unannu iamangnge ara'e ianangnge sassane.

IMAMATTA 21:1

Mawu nandolokki Musa niapawal᷊on parenta indi su manga imam papapulunni Harun, “Sangkatou imam tawe wotongnge mandal᷊eo watanganne ana waugu nirumanta nallaghun pallal᷊abingngu manga tuṛṛangnge,

DARALO 106:28

Wua'udde su Peor i mangitou massubba si Baal, wuṛṛu niumanna sasamba apan ionggola su manga monganna.

MALEAKHI 2:13

Wuṛṛu indi inolaannu apan waine. Mezbah Mawu niammoanni yamiu ringannu allom mata; i yamiu lulluai wuṛṛu sussangitta ana waugu tate lai manengkamma manga sasambanu.

YEHEZKIEL 24:17

Arie ma'oman sara lal᷊uainu aringiṛṛanna. Arie umamatta tawe tatindungu pua, arie tawe apampakku ledda, ere taumata apan lullal᷊o. Arie lai hatinu taapanna, wuṛṛu arie umanna rotin lal᷊al᷊o.”

TAHIUL᷊E 16:11

Su saruannu Mawu Ruatanu su tampa apan buatte nipile-Ne, i yamiu ṛinone lulluassa susampunna ringannu manga anangngu, manga allangngu wuṛṛu taumatan Lewi, taumata raho, ana'a asisitimpal᷊ussa wuṛṛu manga inawal᷊uanna apan uatana'a su manga soanu.

TAHIUL᷊E 26:13

pabbisarate su Mawu Ruatanu, ‘Wuassu sepere mapul᷊o hessin leta'a apan ṛinone ionggola Si'o, Mawu, tawe saran addio'a apan natantangnga su wal᷊e'u; sarangkanambone buatte ta'u nionggola su taumatan Lewi, taumata raho, ana'a asisintimpal᷊ussa wuṛṛu inawal᷊uanna, ere buatte nirolokku Mawu Ruata'u si ya'u. Wuassu parentan Mawu su ola'u sasamba sepere mapul᷊o tawe ta'u nilawanganna.

TAHIUL᷊E 26:15

Wuassu tampa-Nu apan na'ukkassa su surga sal᷊andeanna I'o mangintanno mata-Nu wuṛṛu mangal᷊amatta Israel; al᷊amate lai wanua apan ala wuṛṛu masuwukka apan buatte nionggolu Mawu si yami ere lai su paaire-Nu su iupungngu al᷊amonan kami.’ ”

YEREMIA 16:7

Taweddu lai apan mappulu ma'ola'a andeangnga ipallimbatta taumata apan tantal᷊anna lullal᷊o. Taweddu lumal᷊o suadio'a ewe'e lai ringannu taumata apan niawul᷊iannu iamangnga ara'e inangnga.

TAHIUL᷊E 15:5

sawal᷊iate i yamiu matuṛṛutta su Mawu Ruatanu, wuṛṛu ringannu maadunna ma'ola'a al᷊awo'u manara apan ta'u irolokka si yamiu allo indi.

DARALO 18:22

I ya'u tuttuṛṛutta parentan Mawu wuṛṛu tawe tumal᷊iudda Ruata'u.