TAHIUL᷊E 26:13 - WUKE SUSI WATTI'U AL᷊AL᷊USASSA

¹³ pabbisarate su Mawu Ruatanu, ‘Wuassu sepere mapul᷊o hessin leta'a apan ṛinone ionggola Si'o, Mawu, tawe saran addio'a apan natantangnga su wal᷊e'u; sarangkanambone buatte ta'u nionggola su taumatan Lewi, taumata raho, ana'a asisintimpal᷊ussa wuṛṛu inawal᷊uanna, ere buatte nirolokku Mawu Ruata'u si ya'u. Wuassu parentan Mawu su ola'u sasamba sepere mapul᷊o tawe ta'u nilawanganna.

TAHIUL᷊E 26:13 Referans Kwoze

DARALO 119:176

I ya'u nial᷊iwune ere domba apan nawul᷊i, ne rantate wuṛṛu rea'ete allang-Ngu indi, ana waugu i ya'u tawe manantangngu manga parenta-Nu.

DARALO 119:153

Pa'ellege asasusa'u wuṛṛu sal᷊amatewe i ya'u, ana waugu i ya'u tawe manantangngu tita-Nu.

DARALO 119:141

I ya'u indi taumata addio'a wuṛṛu lal᷊ebbone, arawe i ya'u tawe maabul᷊in al᷊aṛṛang-Ngu.

2 KORINTUS 11:31

Ruata, Iamangngu Mawu Yesus masingkata manungku i ya'u tawe mangawusu. Aranne raloanna saran mal᷊annu-l᷊annu.

2 KORINTUS 1:12

I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

WATTI'U MANGA RASUL 24:16

Ana waugu udde i ya'u sidutu ma'ola'a apapia, tadea'u naungku waresi su saruannu Ruata wuṛṛu waresi su saruannu taumata.

AMSAL 3:1

Ariewe paabul᷊iane sarangkanambone apan buatte ta'u niaṛṛa'a si'o, ana'u. Naungewe sidutu parenta'u,

DARALO 119:139

Asasa'u erete waṛṛa sulal᷊ummu wadangku ana waugu see'u naabul᷊in al᷊aṛṛang-Ngu.

DARALO 119:93

Sarangkal᷊o'enge i ya'u tawe mapanantangu parenta-Nu, ana waugu ringannu udde I'o namiakka si ya'u.

DARALO 26:6

Lima'u niukkasa tatialan tawe nassal᷊a, wuṛṛu u'amatta mammal᷊iwutta mezba-Nu, oh Mawu,

TAHIUL᷊E 26:12

Suapan tonna atallune i yamiu ṛinone mangonggolu sasamba sepere mapul᷊o, eteudde sepere mapul᷊o wuassu hessin letangngu su imam Lewi, taumata raho, ana'a asisintimpal᷊ussa wuṛṛu inawal᷊uanna, ma'oman sara suapan soanu i mangitou maasomba anna apan pappandumanni mangitou. Amungkangngu buatte,

TAHIUL᷊E 14:29

Anna udde wuattu taumatan Lewi ana waugu i mangitou tawe naatahuanna leta'a, wuṛṛu wuattu taumata raho, asisimpal᷊ussa wuṛṛu manga inawal᷊uanna apan mabbiakka su manga soanu. I mangitou wotongnge rumanta wuṛṛu mangal᷊appa sarangkanambone apan pappandumanni mangitou. Amungkangngu inolaanni yamiu aroddi, ne Mawu Ruatanu sarun mangal᷊amatta al᷊awo'u manaranu.”

1 TESALONIKA 2:10

I yami mabbiakka ringannu na'ukkassa, su ṛinone wuṛṛu tawe angngone su saruanni yamiu apan mangngimante si Kristus. Ete i yamiu udde naola'a tialan kami; aroddi lai Ruata.

TAHIUL᷊E 26:14

Wuassu sasamba udde tawe saran addio'a apan ta'u nianna su tempo i ya'u lullal᷊o, ara'e ta'u niapidda su liuddu wal᷊en su tempo i ya'u na'ola'a al᷊al᷊eo, ara'e ta'u nionggola maola'a wiakku taumata nate. I ya'u matuṛṛutta Si'o, oh Mawu; al᷊awo'u parenta-Nu buatte ta'u niola'a.