TAHIUL᷊E 25:9 - WUKE SUSI WATTI'U AL᷊AL᷊USASSA

⁹ awingngu tuṛṛangnge apan nate udde ṛinone mangundanin tou su saruannu manga tembonannu soa, malluatta silopen taumata udde, mangaddu hatine wuṛṛu mabbisara, ‘Arendi ṛinone ola'anna su taumata maddiri mangonggolu pangangawanna su tuṛṛangnge.’

TAHIUL᷊E 25:9 Referans Kwoze

REENGANNA 12:14

Mawu sinumimbakka, “ Unnu wisara hatine niadduannu iamangnge, wal᷊inewe sulal᷊ummu pitu allo al᷊anune i tou ṛinone uapasanna asasili? Pasal᷊iua'a i tou wuassu paddasananna pitu allo al᷊annune, wua'udde i tou wotongngete sumutta apia.”

YOHANES 1:27

I Tou nirumanta sal᷊immurine wuassia'u, arawe mamu'a tal᷊in sapatu-Ne lai ya'u tawe wotongnge.”

MARKUS 10:34

I mangitou sarun mangal᷊uandaga si Tou, wuṛṛu mangaddu si Tou, manansara si Tou, wuṛṛu mangarussan Tou. Arawe su allo atallune i Tou sarun mabangunna apia.”

MARKUS 1:7

I tou namasingkattu watti'a indi, “Ṛaddoi wuassia'u sarun dumanta taumata apan maggewal᷊anna wuassia'u. Umaruutta mamu'a tal᷊in sapatu-Ne lai ya'u tawe su ṛinone.

MATIUS 27:30

I mangitou nangaddu si Tou, wuṛṛu nanganu ta'in-Ne udde, see nipuulla su pua-Ne.

MATIUS 26:67

See i mangitou nangaddu hati Mawu Yesus, wuṛṛu namuulla si Tou. Piaddu lai namero si Tou,

YESAYA 50:6

I ya'u nangonggollu liu'u su taumata apan mamuulla si ya'u; wuṛṛu wambala'u su taumata apan mangabutta omengku. I ya'u tawe nallinda'u hati'u sutempo i ya'u haggeloanna wuṛṛu a'adduanna.

YESAYA 20:2

Tatallu su tonnane wua'udde, Mawu nandolokki Yesaya ana'i Amos nalluatta sapatune wuṛṛu nasa karongnga apan nilluṛṛene. I tou tinumuṛṛutta wuṛṛu niumamatta tantol᷊e wuṛṛu tawe sapatune.

AYUB 30:10

I ya'u a'ellehanni mangitou addio'a wuṛṛu maarantinna, ewe'e lai hati'u niadduanni mangitou.

1 SAMUEL 2:30

I Ya'u, Mawu Ruatan Israel, dorone buatte naddiandi, amonannu wuṛṛu ṛuangannu sarun mangimbe si Ya'u maola'a imam sarangkal᷊o'enge. Arawe orassa indi Ya'u maddiriten olangnge udde lai! Ana waugu apan mangngaddatta si Ya'u, sarun Ta'u addatanna arawe isai mallobbossa si Ya'u, sarun Ta'u lobbosanna lai.

TAHIUL᷊E 25:8

Ana see manga tembonannu soa mamago taumata udde wuṛṛu maggahatton tou. Amungkangngu i tou mangke maddiri,

TAHIUL᷊E 25:10

Ṛuangannu taumata udde sarun tumelengnga su Israel sasagoanne, ‘Ṛuangannu taumata apan pinalluattanna silopene.’ ”

RUT 4:6

Taumata udde sinumimbakka, “Amungkangngu aroddi, ne i ya'u tawe maasuungnga. Orassa indi mappianne ta'ute ipallosa hakka'u eteudde taumata apan paarorone mamalli leta'a udde. Tawe gunane i ya'u mamalli leta'a ana waugu leta'a udde sarun mabbal᷊i tatahuanannu papapulungku. Mappianne i'ote pamalli leta'a udde.”