TAHIUL᷊E 25:19 - WUKE SUSI WATTI'U AL᷊AL᷊USASSA

¹⁹ Ana waugu udde, amungkangngu Mawu Ruatanu buatte nangonggolu wanua udde si yamiu wuṛṛu i yamiu matammudda wuassu al᷊awo'u seetta apan uatana'a maraninu, anambon taumatan Amalek udde ṛinone pateanni yamiu, ma'oman sara i mangitou tate naunganna lai. Imbaṛṛangnga abbul᷊iananna!”

TAHIUL᷊E 25:19 Referans Kwoze

SASABANGNGA 17:14

Mawu nabbisara si Musa, “Woṛṛeta'e ola'u auntunganni yamiu indi tadea'u sidutu nannaunganna. Wal᷊oa'a si Yosua manungku i Ya'u sarun mamate taumatan Amalek.”

1 SAMUEL 14:48

I tou napapangalo ringannu matohassa wuṛṛu waṛṛani wuṛṛu ana see namaddon taumatan Amalek, see lai namallossu taumatan Israel wuassu taṛṛinon taumata taṛṛa aṛṛo.

TAHIUL᷊E 9:14

Arie pa'annamma manal᷊are si Ya'u. I Ya'u inaite mamate si mangitou ma'oman sara i mangitou tate naunganna lai. Arawe i'o Ta'u olaanna iamangngu sambau ṛuanganna apan magewal᷊anna wuṛṛu mattohasanna wuassi mangitou.’

SASABANGNGA 17:16

Unni Musa, “Wattea'e paatanggakka waneṛṛa Mawu! Mawu napapangalo nandoappa taumatan Amalek saran mal᷊annu-l᷊annu!”

ESTER 7:10

Etearoddi Haman nihantongnga su diṛṛi apan buatte niolangnge panggantonganni Mordekhai. Wua'udde nompo'e asasa'un datu.

ESTER 3:1

Manga pira tempo wua'udde Ratu Ahasyweros nananegu sangkatou aranne Haman maola'a perdana menteri. Haman uddewe ana'i Hamedata wuassu papapulunni Agag.

1 TAWARIKH 4:43

I mangitou namate manga taumatan Amalek lambene, ana see namanuate isudde nanattakka orassa udde.

1 SAMUEL 27:8

Sutempo al᷊annune udde i Daud wuṛṛu tantarane masokka lai mamangalo taumatan Gesur, taumatan Girzi, wuṛṛu taumatan Amalek; manga walahanna udde mal᷊annute uatana'a su wageangngu leta'a udde. I tou mammangalo su leta'a udde araune naddatingngu Sur, wuṛṛu nasal᷊a watukku Mesir.

YOSUA 23:1

Allannune napawe Mawu nangonggolu atatammudda su ṛuangannu Israel; i mangitou tate lai mata'uttu wawansagu seetta. Su tempo udde i Yosua timmadete atonna.

YOSUA 7:12

Ana waugu udde i mangitou tawe naataṛṛanga sumaruanna seetta. I mangitou nienggenannu seetta ana waugu i mangitou sassane lai niaṛṛiaannu ṛuumanna pateanna. I Ya'u madirite tumantalongnga si yamiu lai, amungkangu manga saranapa apan tawe wotongnge anuanna udde taambe nitutunga.

YOSUA 6:3

I'o wuṛṛu tantaranu ṛinone mabbarissa mamal᷊iwutta soa udde paassa allo massallo al᷊annune annumu allo.

SASABANGNGA 33:14

Unnu Mawu, “I yamiu sarun Ta'u lu'aranna tadea'u wotongnge maatahuanna leta'a apan Ta'u pinaire.”

TAHIUL᷊E 12:9

ana waugu i yamiu taambe naasutta su wanua apan nionggolu Mawu Ruatanu si yamiu, su tampa apan botongnge pamanuanni yamiu ringannu matammuda.

TAHIUL᷊E 26:1

“Napawe i yamiu nasuttate su wanua apan nionggolu Mawu Ruatanu si yamiu wuṛṛu uatana'e isudde,

YOSUA 11:23

Ahewallu wanua udde niaṛṛon Yosua ere buatte nirolokku Mawu si Musa, ana see nionggola su walahannu Israel maola'a pussa'a mangitou. Wanua udde nitahia, wuṛṛu suapan ṛuanganna naasomba sambau wageangnge. Walahannu Israel nangillol᷊ote napapangalo wuṛṛu wanuane lai mal᷊anganna wuṛṛu su al᷊al᷊uassa.

TAHIUL᷊E 3:18

Tempo udde i ya'u nangonggolu parenta indi si mangitou: Mawu Ruatanu nangonggola si yamiu wageangngu leta'a su samba'a ra'in Sal᷊ukku Yordan maola'a tampaatatanaannu. Arawe manga tantaranu ṛinone pia lutangnge wuṛṛu malliu Sal᷊ukku Yordan malliu dorone manga ṛuangannu Israel waine.

TAHIUL᷊E 21:23

winal᷊unanna udde tawe wotongnge iwala isudde su al᷊o'engngu ṛabbi, arawe ṛinone ilabbingnga allo udde lai. Winalunanna apan ua'ele udde, mandantan bontogu Mawu Ruata su wanua udde. Nariaddi, labbinga'e winal᷊unanna udde tadea'u i yamiu tawe mandal᷊eo wanua apan nionggolu Mawu Ruatanu si yamiu.