TAHIUL᷊E 23:23 - WUKE SUSI WATTI'U AL᷊AL᷊USASSA

²³ Arawe amungkangngu i yamiu ringannu apulun naungngu maddiandin Mawu Ruatanu ṛinone i yamiu manipussa riandi udde.

TAHIUL᷊E 23:23 Referans Kwoze

AMSAL 20:25

Paṛṛingidda paapia-pia tantal᷊anna taambe maddiandin sasamba su Mawu. Wotongnge mariaddi i'o sarun sumassilla sal᷊immurine.

WATTI'U MANGA RASUL 23:21

Arawe arie Tuangnga madaringikka darorongngi mangitou udde, ana waugu appatu pul᷊o pia lebene taumata apan tantal᷊anna uaimbuni mangampangnga si tou su lal᷊anna. I mangitou sarangkanambone suete nassalu tawe umanna wuṛṛu ma'inumma amungkangngu i mangitou taambe naapate si Paulus. Orassa indi i mangitou nasaddiate; ete uaraṛṛaddo sasimbakki Tuangnga.”

WATTI'U MANGA RASUL 23:12

Tiṛṛabbine ruaallo atonna, manga taumatan Yahudi, nanattakke ma'ammula. I mangitou nassalu tawe umanna ara'e ma'inumma amungkangngu i mangitou taambe naapate si Paulus.

DARALO 116:18

I ya'u sarun manipussu paaire'u su Mawu, su saruannu anambon al᷊aṛṛanang-Nge

1 SAMUEL 14:24

Su allo udde manga taumatan Israel nallomete ana waugu mal᷊unussa, ana waugu i Saul buatte nassalu arendi, “Niawontohante taumata apan niumanna manga anna su allo indi, tantal᷊anna ya'u taambe naawal᷊issa taddu'u naungku su saruannu seetta.” Ana waugu udde tawe saran sangkatou apan niumanna su allo massallo udde.

1 SAMUEL 1:11

Wua'udde i Hana nabbisara pa'aire, wisarane, “Mawu Apan Lembontaṛṛino, tannoi'o allangngu indi! Ellehete asasusan allangngu. Naungete allangngu wuṛṛu arie maabul᷊in allangngu! Amungkangu I'o mangonggolu sangkatou ana'a esakka, allangngu maddiandi i tou sarun ionggolla Si'o su al᷊o'engngu pabbiaṛṛanne. Allangngu maddiandi lai manungku utangnge sarun tawe pol᷊oanna.”

REENGANNA 30:2

Amungkangngu sangkatou esakka maddiandi ara'e ma'ire ringannu riandi ringannu sasalu su Mawu, na'oman sara i tou uanaungnga watanganne aiitannu sambau riandi, i tou ṛinone ma'ola'a apa apan pina'irene udde, wuṛṛu tawe wotongnge mamahia.

MAL᷊AṚṚUUNGNGA 11:35

Aroddi i Yefta naasilo, i Yefta mangke nasusa na'oman sara i tou nanggesa'a laungnge, lapiddu nabbisara, “Uare ana'u, naungku natuno! Anio ete i'o napaasusan naungku? I Ya'u buatte nassalu su Mawu, wuṛṛu i ya'u tate maapangul᷊en bisara'u apia!”

MATIUS 5:33

“I yamiu masingkatta manungku iupungngu al᷊amonang kite pia al᷊aṛṛa'a ereindi: Arie pangawusu. Apa apan suete nipa'irenu ringannu pasasalu su saruannu Ruata, ṛinone udde olaannu.

TAHIUL᷊E 23:22

I yamiu tawe marosa amungkangngu tawe naddiandin Mawu.

TAHIUL᷊E 23:24

Amungkangngu i yamiu tantal᷊anna u'amatta su waillu anggoru taumata waine, i yamiu wotongnge umanna wuan anggore walate apulun kamiu, arawe imbaṛṛangnga mangalludda itaṛṛo su so'anna.

YEREMIA 44:17

Al᷊awo'a apan buatte pina'ireng kami, sarun olaanni yami lai. I yami sidutu sarun mangngonggollu sasamba su Ratun Surga, wuṛṛu mallal᷊innu anggore maola'a sasamba si tou ere inanaramanne apan ilallagu su manga soan Yehuda wuṛṛu su manga lal᷊annu Yerusalem apan a'olaannu al᷊amonan kami, manga ratu wuṛṛu manga tembonannu araratuanni yami see lai i yami sassane. Sutempo udde i yami uatahuanna manambo anna, i yami su lal᷊umanna'a, wuṛṛu tawe asasusa apa-apa.

IMAMATTA 27:2

atoranna indi iapaamatta su walahannu Israel. Napawe sangkatou ionggola maola'a sasamba su Mawu ipanubbussa riandine sassane, taumata udde wotongnge tubbusannu roitta anambone

YOSUA 9:18

Arawe taumatan Israel tawe maapamate si mangitou, ana waugu manga piaṛṛa'u Israel buatte nassalu si mangitou sulal᷊ummu arannu Mawu Ruatan Israel. Anambon taumatan Israel sussamboṛṛen olangnge udde su manga piaṛṛa'i mangitou.

DARALO 50:14

Onggola'e sasamba adiangkamanna su Ruata, panipusse paairenu si Tou Apan Atanggaṛṛanne.