TAHIUL᷊E 23:18 - WUKE SUSI WATTI'U AL᷊AL᷊USASSA

¹⁸ Wuṛṛu lai roitta ina'ul᷊e sinumandaga imbaṛṛangnga iapidda su Wal᷊en Mawu Ruatanu ipamaekka riandi, ana waugu Mawu Ruatanu maddantinnu sumasandaga su tampan pasasubbanna wuṛṛu roitta wawaekku sussandaga.

TAHIUL᷊E 23:18 Referans Kwoze

FILIPI 3:2

Paatehamma su saruannu manga taumata apan ma'ola'a inolaanna lal᷊eo, manga taumata apan wotongnge isaggo ‘asu’. I mangitou mammata'a tadea'u manga taumata udde iapa sunatta.

SONDAPPA 22:15

Arawe manga taumata apan ma'ola'a pallal᷊agu lal᷊eo, taṛṛa wal᷊i'i mata, manga taumata sussandaga, taṛṛa pate, masasubba paal᷊uanna, wuṛṛu manga taumata taṛṛa wahia, mapia ringannu wisara ara'e lai ringannu pallal᷊agu, anambon taumata udde tampane su liuddu soa udde.

MATIUS 7:6

Arie mangonggolu sarannapa na'ukkassa su asu, tadea'u asu udde tawe mangawal᷊i'a mamangalo si'o. Wuṛṛu arie mangonggolu mutiara su wawi, tadea'u wawi udde tawe maṛṛinda mutiara udde.”

2 PETRUS 2:22

Apa apan a'olaanni mangitou napal᷊iatta'u sasanato'a indi, “Asu sarun umanna apia anna apan buatte nimutane,” wuṛṛu “Wawi apan buatte nireno, sarun mabelengnga apia tumal᷊inggi su tona.”

HABAKUK 1:13

Arawe ereapa I'o maataṛṛangnga ma'ellega manga taumata lal᷊eo apan maṛṛagissa udde? Wal᷊inewe I'o tumaniten susi ipa'ellega al᷊al᷊eo? Wal᷊inewe I'o tattaṛṛa muta ma'ellega tawe atatul᷊idda? Nariaddi, anio I'o sidutu mal᷊annaaba sutempo taumata na'ukkassa niṛṛimunsa'u taumata lal᷊eo?

YEHEZKIEL 16:33

Sangkatou sumasandaga sidutu maasomba wawaekke, arawe nawal᷊i'a ete i'o apan mangngonggollu aonggolla su manga arangnguannu, ewe'e lai nisal᷊ongngu i mangitou ringannu roitta tadea'u rumanta suapan tampa see matiilla suadio'a.

YESAYA 61:8

Mawu nabbisara, “I Ya'u marangngu atatul᷊idda wuṛṛu maddantinnu pangangallanga se'e lai al᷊al᷊eo. I Ya'u sarun mangonggollu hadinu ringannu uaatokka, wuṛṛu mangiittu paddariandi sarangkal᷊o'enge ringanni yamiu.

AMSAL 26:11

Naal᷊ihidda asu nabelengnga nangalluppa mutane, aroddi lai taumata woddo apan nanul᷊en awawoddone.

DARALO 22:16

Tonggol᷊angku namara ere pilessa, lila'u naddeetta su saṛṛangaddu moṛṛongku. Mawu, I'o nanantangku su wowon awu naal᷊ihidda taumata natete.

TAHIUL᷊E 23:21

Amungkangngu i yamiu maddiandin sambau saranapa su Mawu Ruatanu, imbaṛṛangnga isoṛṛotta manipussa riandi udde, ana waugu Mawu Ruatanu sidutu mannusi, wuṛṛu i yamiu narosate amungkangu tawe manipussa.

IMAMATTA 18:22

Imbaṛṛangnga esakka matatamba rundussa esakka; Ruata maddantinnu inolaanna udde.

MALEAKHI 1:14

Niawontohante iapa taṛṛa wahia apan mangngonggollu sasamba si Ya'u winatangnga apan tawe aregane, amungkangngu suwallattu winatangnga papadul᷊iananna pia binatangnga apan mapia apan buatte nipa'irene si Ya'u! Ana waugu ete i Ya'u Ratu Mawantuga, wuṛṛu aaddatannu anambon balahanna.”

TAHIUL᷊E 12:6

Watukku tampa uddewe i yamiu ṛinone mangapiddu manga sasamba itattambunna see lai manga sasamba waine, manga sasamba sepere mapul᷊o waussu inasaharannu see lai manga sasamba waine, sasamba wawaekka riandinu, sasamban tawe niwata'a wuṛṛu ana'u sapi wuṛṛu ambinga dombanu apan paarorone niasungkangnga.

IMAMATTA 7:16

Amungkangngu pia sangkatou uaapiddu sasamban paddarame ipanipussa riandine, ara'e maola'a sasamban apulun naungnge sassane, salaiwe tawe inasanna allo udde abbi. Lambene wotongnge inasanna tiṛṛabine.

IMAMATTA 19:29

Imbaṛṛangnga mangadio'a manga anangngu wawine ringannu ma'ola'a si mangitou sussandaga su kuil. Ringannu ma'ola'a aroddi yamiu nandal᷊eo arannu wanuanu, wuṛṛu manga inolaanna apan tawe matataṛṛino sarun manambo isudde.

IMAMATTA 20:13

Amungkangngu sangkatou esakka natatamba rundussa esakka, itarua na'ola'a pallal᷊aghu apan dal᷊eo wuṛṛu ma'asili, wuṛṛu itarua ṛinone iṛṛuumanna pateanna. Itarua nate ana waugu pasasalan tarua sassane.

TAHIUL᷊E 22:21

ne wawine udde ṛinone iapidda watukku ngaran wal᷊en hagurangnge. Su tampa udde manga esakka wuassu soa udde ṛinone manuntungngu watu si tou ma'oman sara mate. Wawine udde buatte na'ola'a inolaanna apan ma'asili walahanni ite ana waugu natatamba taambe na'awingnga su tempo i tou ta'e uatana'a ringannu iamangnge. Ringannu makkumanni tou i yamiu mangnginsue al᷊al᷊eo udde.

MIKHA 1:7

Manga paal᷊uanne apan maarega sarun ṛimunsaanna, wuṛṛu suapan saranapa apan nionggolla su manga wawine apan mammanara su kuil sarun tutunganna, see al᷊awo'u paal᷊uanne sarun ṛimunsaanna. Manga saranapa uddewe ina'ul᷊en patataṛṛamawune su mongannu asasuwukka. Orassa indi sarangkanambone udde sarun ṛuwoannu manga seetta olanna sasamba aadiangkamanna su manga monganni mangitou.”

1 MARARATU 14:24

Su manga tampa udde i mangitou ma'ola'a pasasndaga ma'ola'a sambau pasasubba su monganna. Ewe'e lai esakka mamanawa naola'a sumasandaga. Taumatan Yehuda na'ola'a anambon inolaanna maarantina apan niola'u manga walahanna apan buatte nilimbuaṛṛannu Mawu su tempo taumatan Israel sinumutta su wanua udde.