TAHIUL᷊E 22:24 - WUKE SUSI WATTI'U AL᷊AL᷊USASSA

²⁴ Sulal᷊ummu hatto udde i mangitou ṛinone iapidda su liuddu soa wuṛṛu tuntungannu watu ma'oman sara mate. Maṛṛuala udde ṛinone pateanna ana waugu i tou tawe niumui maiontolla, ana waugu olangnge udde nariaddi sulal᷊ummu soa, suapan aintul᷊ine wotongnge iaringikka. Wuṛṛu esakka udde ṛinone pateanna ana waugu i tou natatamban maṛṛuala apan piate parene. Ringannu nakkuumanni tarua, i yamiu mangngisue al᷊al᷊eo udde.

TAHIUL᷊E 22:24 Referans Kwoze

TAHIUL᷊E 21:14

Amungkangngu su allo sal᷊immurine i'o maddiriten tou lai, i tou wotongngete iapaapul᷊enu ringannu mapia. Tawe wotongnge i tou olaanna ere sangkatou allangnga ara'e iwal᷊ungngu, ana waugu i tou buatte niwata'a matatambanu.”

1 KORINTUS 5:2

Salaiwe aroddi, i'o ta'e matanggakka. Arawe ṛinone i yamiu masusa wuṛṛu mapaasabangngu taumata ma'ola'a inolaanna ereudde wua dinganni yamiu.

MATIUS 1:24

Napawe i Yusuf napu'ote, i tou tinumuṛṛutte su ereapa apan suete niwatti'u mala'ekattu Mawu si tou. I tou naawingke Maria.

MATIUS 1:20

Tantal᷊anna i Yusuf maṛṛingiddu olangnge udde, i tou nabal᷊iawa. Sulal᷊ummu bal᷊iawane udde, i tou naasilo sangkatou mala'ekattu Mawu nabbisara si tou, “i Yusuf, papapulunni Daud, arie pa'ata'utta ma'awingngi i Maria; ana waugu ana'a apan sulal᷊ummu illoṛṛone udde nariaddi wuassu taṛṛinon Ghaṛṛaho Duata.

PANDARIADDI 29:21

Wua'udde i Yakub nabbisara si Laban, “Pitu tonna nal᷊iute; wala'ewe i ya'u maawingngu ana'i Papa.”

TAHIUL᷊E 22:23

Unnu wisara sulal᷊ummu soa pia sangkatou esakka niaratinganna uatatamban sangkatou maṛṛuala apan buatte natatamban taumata waine.

TAHIUL᷊E 22:25

Arawe baine lai olangnge amungkangngu su wailla sangkatou esakka nakkampassa sangkatou maṛṛuala apan piate tanangane waine. Sulal᷊ummu olangnge udde tumba'u esakka udde apan ṛinone iṛṛuumanna pateanna.

AYUB 31:11

Napawe rosa apan lal᷊eo udde atonna niola'u, i ya'u ṛinone manengkamma ṛuumanna.

IMAMATTA 20:10

Amungkangngu sangkatou Israel sinumandaga ringannu awingngu taumata sambalahanne, i tou wuṛṛu wawine udde ṛinone iṛṛuumanna pateanna.

TAHIUL᷊E 17:7

Manga matatialane ṛinone manuntungu watu paarorone su taumata udde, tatantalongannu anambon tumana'u soa. Ringannu aroddi yamiu mangnginsue al᷊al᷊eo.

YEHEZKIEL 16:38

I'o sarun Ta'u iṛṛuumanna ana waugu pasasandaga wuṛṛu pamamate apan buatte niolangngu udde. Sulal᷊ummu naungdal᷊eo wuṛṛu asasa'u-U i'o sarun Ta'u iṛṛuumanna pateanna.