TAHIUL᷊E 22:1 - WUKE SUSI WATTI'U AL᷊AL᷊USASSA

¹ Amungkangngu sapi ara'e domba pussa'an sangkatou sambalahannu nial᷊iwune wuṛṛu i yamiu naasilo winatangnga udde, ariewe maielembaga, arawe apira'e winatangnga udde wuṛṛu welenga'e su tatahuanne.

TAHIUL᷊E 22:1 Referans Kwoze

YEHEZKIEL 34:16

Iapa nawul᷊i Ta'u reaanna, iapa nilamammiṛṛane sarun Ta'u iapidda mapul᷊e, iapa nal᷊essa Ta'u wa'isanna, wuṛṛu iapa maradda'a ta'u undamanna; arawe iapa matawa wuṛṛu matohassa sarun Ta'u pateanna, ana waugu i Ya'u mallal᷊u'adda apan ma'ola'a apapia.

YESAYA 58:7

Tahiate annu su manga taumata apan mal᷊unussa, tarimmata'e manga taumata lallele su wal᷊enu. Onggol᷊eten laubba su taumata tantol᷊e, wuṛṛu arie mapawelengngu tuṛṛangngu apan ṛinone itul᷊ungnga.

AMSAL 24:11

Arie mapapaddua mamallossu taumata apan buatte niṛṛumanna pateanna; ambangewe taumata apan tantal᷊anna iaapidda su tampa panggahantonganna.

1 PETRUS 2:25

Dorone i yamiu ere domba nilamammiṛṛanne, arawe orassa indi yamiu suete niapidda apia tumantalongnga Mallal᷊u'adda wuṛṛu Mamamadul᷊i niawanu.

MATIUS 15:24

Mawu Yesus sinumimbakka, “I Ya'u nirolokka tumba'u su walahannu Israel, nangillembo si mangitou apan nial᷊iwune.”

MATIUS 10:6

Arawe roote su wallattu taumatan Israel, nangillembo si mangitou apan nial᷊iwune.

YEHEZKIEL 34:4

Manga domba apan lome tawe paddul᷊iananni yamiu, iapa maradda'a tawe undamanni yamiu, iapa nal᷊essa tawe wa'isanni yamiu, wuṛṛu iapa nilamammiṛṛane tawe reaanna wuṛṛu iapidda apia. Ewe'e lai anambon manga domba udde niola'i yamiu ringannu maṛṛagissa.

YESAYA 8:17

Mawu buatte namunin batangan-Ne wuassu pallaṛṛiten Yakub, uman-Ne, arawe i ya'u mangngimanna wuṛṛu uaantimma si Tou.

AMSAL 28:27

Isai apan mangngonggolla taumata asiangnga sarun tawe asueanne. Isai manutubbu mata su awusu taumata asiangnga sarun awontohanna.

IMAMATTA 20:4

Amungkangngu tumana'u soa nanutubbu mata su inolaannu taumata udde wuṛṛu tawe mapaamattu ṛuumanna pateanna su taumata udde,

1 KORINTUS 9:9

Sulal᷊ummu Wuke Musa uawoṛṛetta, “Sapi apan tantal᷊anna maṛṛinda gandumma ana see matontonga watune wuassu raene, arie paṛṛapinge moṛṛongnge.” Apa tumba'u sapi apan pappadul᷊ianannu Ruata?

TAHIUL᷊E 22:2

Amungkangngu tatahuanne marau wal᷊ene, ara'e i yamiu wagga tanne isai tatahuanne, apira'e winatangnga udde su wal᷊enu. Amungkangngu tatahuanne rumanta maddea'a, tantil᷊a'e si tou.

AMSAL 27:10

Arie paabul᷊iane hawenu ara'e hawen iamangngu. Sulal᷊ummu asasusa imbaṛṛangnga maisumbala su tuṛṛangngu; al᷊indonganna marani maareganna wuassu tuṛṛangnga apan marau.

ZAKARIA 7:9

“Manga pira tonna nal᷊iu i Ya'u nangonggollu manga parenta indi su uma-Ku, ‘I yamiu ṛinone mabbiakka su atatul᷊idda, paa'akkanna wuṛṛu masaṛṛionto'a su sansul᷊ungngu.