TAHIUL᷊E 20:8 - WUKE SUSI WATTI'U AL᷊AL᷊USASSA

⁸ Manga tembonannu tantara lai ṛinone mamasingkattu indi si yamiu, ‘Apa suwallati yamiu pia taumata apan itattangngone wuṛṛu matal᷊o? Amungkangngu pia, i tou wotongngete mapul᷊e, tadea'u i tou tawe maaurangnga naungngu taumata wal᷊ine.’

TAHIUL᷊E 20:8 Referans Kwoze

MAL᷊AṚṚUUNGNGA 7:3

Nariaddi, al᷊iata'e su tantaranu, ‘Isai apan uapendamma matta'utta, paal᷊ihakka manantangngu Wowon Gilead indi mabelengnga su wal᷊ene.’ ” Ne pia 22.000 su atoune apan napul᷊e; wuṛṛu tumba'u 10.000 su atoune apan natana'a.

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

TAHIUL᷊E 1:28

Nariaddi, ipa'ura i ite mai poiaroddi? Manga taumata apan nirolokki ite poiaroddi ewe'e naata'utta si ite ringannu nabbal᷊o manungku walahanna udde mattohasanna wuṛṛu mabbaṛṛanianna wuassi ite, wuṛṛu manungku i mangitou uatana'a su manga soa pia darandungnge atanggakke sara langitta. I mangitou naasilo wawalla poiaroddi!’

SONDAPPA 3:16

Arawe i yamiu ma'ihamma; tawe mal᷊oso, tawe lai masunge. Ana waugu udde i yamiu sarun Ta'u imuta iapaasabanga wuassu lal᷊ummu moṛṛong-Ku.

LUKAS 9:62

Mawu Yesus nabbisara taumata udde, “Taumata apan mannattakke mammajeko see manaile liudda, tawe ṛinone maola'a lal᷊oṛṛon araratuannu Ruata.”

TAHIUL᷊E 23:9

“Su tempo i yamiu tantal᷊anna uapapangalo, i yamiu ṛinone mallinda'u al᷊awo'a apan ma'alal᷊eo si yamiu.

REENGANNA 32:9

I mangitou na'omate su wawal᷊annu Eskol wuṛṛu naasilote lai leta'a udde. Arawe su tempo i mangitou nabelengnga, i mangitou namata'utta walahannu Israel sumutta watukku wanua apan nionggolu Mawu si mangitou.

REENGANNA 13:31

Arawe manga taumata apan nabelengnga suadio'a ringanni Kaleb udde nabbisara, “Tawe, i ite tawe maapangalo si mangitou. Tumana'u soa udde mattohasanna wuassi ite.”

1 KORINTUS 15:33

Arie awahianna! Pagahahawe apan lal᷊eo, mandal᷊eo pallal᷊agu mapia.

TAHIUL᷊E 20:9

Napawe manga tembonannu tantara buatte nabbisara manga tantara, ṛinone ita'e lai manga piaṛṛa'u manga wuntuanna.

AMSAL 24:10

Napawe i'o niawul᷊iannu antimma sulal᷊ummu tempo apan susa, ne i'o nasutta taumata lome.