TAHIUL᷊E 20:10 - WUKE SUSI WATTI'U AL᷊AL᷊USASSA

¹⁰ Amungkangngu i yamiu inaite mamangalo sambau soa, onggol᷊eten tempone asuene manga tumanangnge manantillu watanganne.

TAHIUL᷊E 20:10 Referans Kwoze

EFESUS 2:17

Ana waugu udde Mawu Yesus nirumanta namasingkattu Watti'u Al᷊al᷊uassa su ola'u paddarame udde si yamiu; mawae si yamiu wal᷊ine taumatan Yahudi apan rorone marau wuassu Ruata, ara'e lai su taumatan Yahudi apan marani Ruata.

2 KORINTUS 5:18

Sarangkanambone udde nimmanara Ruata. Sulal᷊ummi Kristus napaa'aukki ite apia ringanni Tou, see nandolokki ite tadea'u manga taumata waine wotongnge lai pia paa'aukka ringannu Ruata.

WATTI'U MANGA RASUL 10:36

Manga tuṛṛangnga masingkate lal᷊oṛṛon watti'a apan niapaasingkattu Ruata su walahannu Israel. Eteudde Watti'u Al᷊al᷊uassa su ola'u padarame sulal᷊ummu Mawu Yesus Kristus, eteudde Mawun anambon taumata.

ZAKARIA 9:10

Mawu nabbisara, “Manga keretan pangalo wuassu Efraim sarun Ta'u iramme, anambon awal᷊o su Yerusalem sarun Ta'u iapaawul᷊i wuṛṛu al᷊awo'u anaanna sarun Ta'u ṛimunsaanna. Ratunu sarun umal᷊iatan paddarame su manga walahanna. Wuassu tahal᷊oangnga watukku tahal᷊oangnga i Tou uataṛṛino, wuassu Sal᷊ukku Efrat maddatingngu pentakku runia.”

YESAYA 57:19

I Ya'u sarun mangonggollu atatammudda su anambon taumata, mawae ete marani aroddi lai marau. I Ya'u sarun mapaapian uma-U.

TAHIUL᷊E 20:9

Napawe manga tembonannu tantara buatte nabbisara manga tantara, ṛinone ita'e lai manga piaṛṛa'u manga wuntuanna.

TAHIUL᷊E 20:11

Amungkangngu i mangitou namu'essa manga ngaran soa wuṛṛu nanantillu watanganne, i mangitou sarangkanambone ṛinone maola'a allangngi yamiu wuṛṛu mattaṛṛuallangnga si yamiu.

MAL᷊AṚṚUUNGNGA 21:13

Wua'udde anambon walahannu Israel nandolokku daroloṛanna su manga taumatan Benyamin apan uatana'a su manga wowon batu su Rimon tadea'u mangahe mallaṛa'u paddarame.

TAHIUL᷊E 2:26

“Wua'udde i ya'u nandolokku daroloṛṛanna wuassu wadda'u Kedemot inai ringanni Ratu Sihon wuassu Hesybon iapapasingkattu darorongngu paddarame indi;

MAL᷊AṚṚUUNGNGA 11:12

Wua'udde i Yefta nandolokku taumata inai ringannu ratun Amon iapawal᷊o arendi, “Apate pasasal᷊an kami na'oman sara i yamiu mamangalo wanuan kami?”