TAHIUL᷊E 2:7 - WUKE SUSI WATTI'U AL᷊AL᷊USASSA

⁷ Paanaungete ereapa Mawu Ruatanu buatte nangal᷊amatta si yamiu su al᷊awo'u manaran kamiu. I Tou nappaddul᷊i tantal᷊anna mammal᷊intaddu wadda'a apan mal᷊alangnga indi. I Tou ual᷊u'adda si yamiu al᷊annune appatu pul᷊o su tonnane indi, wuṛṛu nangonggolu saranapa apan pappandumanni yamiu.

TAHIUL᷊E 2:7 Referans Kwoze

LUKAS 22:35

Wua'udde Mawu Yesus nabbisarate si mangitou, “Dorone su tempo i Ya'u nandolokki yamiu, tawe namalang kamiu mangapiddu dompetta, pato'a ara'e sapatu, apa auranganni yamiu su tempo udde?” “Tawe!” sasimbakki mangitou.

NEHEMIA 9:21

Al᷊annune appatu pul᷊o su tonnane su wadda'a mal᷊alangnga, I'o nanuungngu hausanni mangitou. Laubbi mangitou tawe saran paassa mahesa'a, leddan mangitou tawe humiadda ara'e maggandalla,

TAHIUL᷊E 29:5

Appatu pul᷊o su tonnane al᷊annune Mawu uapiaṛṛa'i yamiu u'amatta su wadda'a, arawe laungngu wuṛṛu silopenu tawe nal᷊al᷊eo.

DARALO 31:7

Taumata apan massubba paal᷊uanna ipabbinsi-Nu; arawe i ya'u mangimanna Si'o Mawu.

AYUB 23:10

Arawe i Tou masingkattu anambon dal᷊angku wuṛṛu suapan lempangku. Amungkangngu ere wul᷊awanna i ya'u iannamma, sarun asingkattanna manungku naungku waresi.

DARALO 90:17

Oh Mawu Ruatan kami, al᷊amatewe i yami, tadea'u al᷊awo'u manaran kami pia gessine.

PANDARIADDI 26:12

I Ishak nangasi'u wualanna wuṛṛu nabbaille su wanua udde, wuṛṛu tonna udde i tou naasomba hessine maṛṛasutta anambone wuassu wualanna apan niasingnge, ana waugu Mawu nangal᷊amata si tou.

PANDARIADDI 24:35

Mawu lembon nangal᷊amatta mawu'u udde wuṛṛu na'ola'a si tou ala manasai. Mawu buatte nangonggollu manambo domba, ambinga, sapi, unta, keledai, wuṛṛu lai sal᷊a'a, wul᷊awanna, see allangnga esakka wuṛṛu wawine.

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

PANDARIADDI 39:5

Nanattaka orassa udde, ana waugu i Yusuf, Mawu nangal᷊amatta amonannu taumatan Mesir udde wuṛṛu sarangkanambone apan tatahuananne, mawae ete su wal᷊en ara'e su wawail᷊anna.

YOHANES 10:27

Manga domba-U madaringikka tingi-U. I Ya'u ma'aillal᷊a si mangitou, wuṛṛu i mangitou uatantalongnga si Ya'u.

DARALO 1:6

Ana waugu taumata matuṛṛutta aehetanna wuṛṛu lal᷊u'arannu Mawu, arawe taumata lal᷊eo mattuddan papate.

PANDARIADDI 30:27

I Laban nabbisara si tou, “Paddaringikka asuene; i ya'u naasomba sondappa manungku Mawu buatte nangal᷊amatta si ya'u ana waugu i'o.

REENGANNA 14:33

Appatu pul᷊o su tonnane al᷊annune al᷊aṛṛanangngu sarun lumallele su wadda'a. Ana waugu i yamiu mal᷊awangnga, al᷊aṛṛanangngu udde sarun matataṛṛangnga, ma'oman sara taumata panginsueanne su wallati yamiu lai nate.

REENGANNA 14:34

I yamiu sarun mamasanna manga rosanu, appatu pul᷊o su tonnane al᷊annune; santonna ireengnga allo massallo wuassu appatu pul᷊o su allone apan ipappaatti yamiu ipamarikissa leta'a udde. I yamiu sarun maasingkatta erapa olangnge amungkangngu i Ya'u lumawangnga si yamiu!

REENGANNA 32:13

Mawu nasa'u su walahannu Israel na'oman sara i Tou namalan mangitou lullallele su wadda'a appatu pul᷊o su tonnane al᷊annune na'oman sara anambon taumata apan buatte nilumawangnga si Tou nate abbi.

TAHIUL᷊E 1:19

“Ana see uasul᷊ungngu parentan Mawu Ruatan kite, i ite manantangngu Wowon Sinai wuṛṛu umamatta sumabbi wadda'a apan mal᷊alangnga wuṛṛu masahadda mattuddan wageangngu panenteannu taumatan Amori. Su tempo i ite na'omate su Kades-Barnea,

TAHIUL᷊E 1:46

“Wua'udde i ite natana'e su Kades tumaniten mal᷊annu.

TAHIUL᷊E 2:6

I yamiu wotongnge mamalli anna wuṛṛu ua'e wuassi mangitou.’

TAHIUL᷊E 2:14

Udde nariaddi tallun pul᷊o ual᷊u su tonnane napawe i ite nanatangngu Kades-Barnea. Anambon tantara wuassu su tempo udde natte ere buatte niwal᷊on Mawu.

DARALO 107:4

Piaddu mammal᷊intaddu wadda'a mal᷊alangnga, wuṛṛu awagananna lal᷊anna watukku soa.

YEREMIA 2:2

mangal᷊iatan batti'a indi su anambon taumata su Yerusalem, “Ei Israel, i Ya'u mannaungnga i'o aroddi asatiane sutempo i'o ta'e dario'a; aroddi ahewalle darangngunu sutempo i ite buatte naawingnga. Watukku wadda'u anne i Ya'u tatantalongannu u'amatta su wageangngu leta'a apan tawe nisuananna.

HOSEA 13:5

Su leta'a maṛṛasa su wadda'a mamara, ete i Ya'u apan nallu'adda si yamiu.

AMOS 2:10

I yamiu buatte Ta'u niapidda sinumbangnga wuassu Mesir, wuṛṛu Ta'u niehetta niumamattu wadda'u anne appattu pul᷊o su tonane al᷊annune. Leta'u taumatan Amori buatte Ta'u nionggolla si yamiu maola'a wanuanu sassane.

PANDARIADDI 39:3

Tuangnge naasilo manungku Mawu nantul᷊ungngi Yusuf wuṛṛu ana waugu udde i Yusuf mahessi su al᷊awo'u manara apan mammanaranne.

SASABANGNGA 16:35

Manna udde nabbal᷊i wiakku taumatan Israel al᷊annune appatu pul᷊o su tonnane manansunna, ma'oman sara i mangitou maddatingke su Kanaan, sutampa i mangitou mamanua. (

REENGANNA 1:1

Su allo paarorone wul᷊anna aruane sulal᷊ummu tonna aruane napawe walahannu Israel buatte nanantangngu Mesir, Mawu nabbisara si Musa sulal᷊ummu Rasannu Mawu su wadda'u Sinai. Wisara-Ne,

REENGANNA 22:12

Mawu nabbisara si Bileam, “Imbaṛṛangnga i'o inai ringannu manga taumata udde, wuṛṛu imbaṛṛangnga mamontoga walahanna udde, ana waugu i mangitou buatte Ta'u nial᷊amatanna.”

TAHIUL᷊E 29:4

Arawe naddatingngu allo indi i Tou taambe namalan kamiu massunna sarangkanambone apan niapendamanni yamiu udde.