TAHIUL᷊E 2:24 - WUKE SUSI WATTI'U AL᷊AL᷊USASSA

²⁴ “Napawe i ite buatte sinumabbi leta'u Moab, Mawu nabbisara si ite; ‘Orassa indi roote i yamiu lumiu Sal᷊ukku Arnon. I Ya'u sarun manantilli Sihon si yamiu, ratun Amori apan uaparenta su Hesybon, suadio'a ringannu wanuane. Pangaloite i tou, ana see atana'ete letangnge.

TAHIUL᷊E 2:24 Referans Kwoze

DANIEL 4:17

Eteudde inaappuanni yami manga mala'ekatta apan uasaddia wuṛṛu uatehamma. Pandumannu Ruata Apan Atanggaṛṛanne uataṛṛino araratuannu taumata wuṛṛu i Tou apan nangonggollu araratuanna udde su anambon taumata apan nipile-Ne, ewe'e lai su taumata apan tawe gunane saran addio'a.’

DANIEL 2:38

Tuangku noilang-Nge uataṛṛino su wageangngu runia apan pia tumanangnge wuṛṛu su al᷊awo'u manu'u winalanganna wuṛṛu winatangnga waine. Tuangku sassane uddewe pua wul᷊awanna wuassu paal᷊uanna udde.

YEHEZKIEL 29:20

Leta'u Mesir Ta'u ionggolla si tou maola'a lal᷊antakku manga inasaharanne, ana waugu tantarane buatte nammanara huna-U. I Ya'u, Mawu Apan Atanggaṛṛanne buatte nabbisara.

YEREMIA 27:5

“Ringannu taṛṛino-U apan bahewalla wuṛṛu ringannu atatoha-U i Ya'u wotongnge mangonggolla sisai-sai apan ipaapulu-U.

2 TAWARIKH 36:23

“Eteindi parentan Kores, ratun Persia! I ya'u buatte nitenegu Ruata uataṛṛino su surga mabbal᷊i ratu su ahewallu runia, wuṛṛu nandolo'u niapaola'a wal᷊e-Ne su Yerusalem su leta'u Yehuda. Nariaddi, i yamiu sarangkanambone apan nabbal᷊i al᷊aṛṛana'u Ruata ṛinone mabelengnga poiaroddi! Antimanna Mawu Ruatanu mallu'adda si yamiu.”

YOSUA 6:16

Su appitune namal᷊iwutta, aroddi manga imam nattiuppa trompeta, i Yosua namarenta anambon tantara iapahahio. I Yosua nabbisara, “Mawu buatte nanantilu soa indi si yamiu!

TAHIUL᷊E 2:36

Ringannu tul᷊ungannu Mawu, i ite wotongnge naapangaṛṛo anambon soa udde, manatakka wuassu Aroër, su pentakku Wawal᷊annu Arnon, wuṛṛu soa su pattangngannu wawal᷊anna udde, maddatingngu wageangngu leta'u Gilead. Tawe soa apan darandungnge matohassa si ite.

EZRA 1:2

“Eteindi parentan Kores, ratun Persia. Mawu, Ruata tembonanne su surga buatte na'ola'a si ya'u ratu su ahewallu runia, wuṛṛu nangonggollu manara si ya'u tadea'u mapararisikku Wal᷊en-Ne su Yerusalem su leta'u Yehuda.

REENGANNA 21:12

Wua'udde i mangitou naddasanna su Wawal᷊annu Zered.