TAHIUL᷊E 19:15 - WUKE SUSI WATTI'U AL᷊AL᷊USASSA

¹⁵ “Tumba'u sangkatou matatiala tawe ipaatta mapal᷊iatta'u sangkatou niansil᷊anna udde nassal᷊a; mattingkatul᷊unga ruan katou pappandumanna su hatto udde.

TAHIUL᷊E 19:15 Referans Kwoze

REENGANNA 35:30

Sulal᷊ummu hatton pamamate, taumata apan niansil᷊anna namate, tumba'u wotongnge iapaasal᷊a wuṛṛu iṛṛuumanna pateanna amungkangngu inolaanna udde wotongnge iapasingkatu ruan katou matatiala ara'e nilumebbe. Sangkatou matatiala taambe apangimananna manungku aansilla udde atonna.

2 KORINTUS 13:1

Indi atallunete i ya'u rumanta mattembo si yamiu. Sulal᷊ummu Wuke Susi uawoṛṛetta, “Suapan hatto ṛinone pia matatialane darua ara'e sire tallu, wakkute udde hatto udde atonna.”

TAHIUL᷊E 17:6

Arawe i tou tumba'u wotongnge iṛṛuumanna amungkangu pia ruan katou mattiala ara'e nilumebbe; sangkatou taumata tawe wotongnge iṛṛuumanna pateanna amungkangngu tumba'u sangkatou matatialane.

IBRANI 10:28

Taumata apan tawe tumuṛṛutta tita apan suete nionggoli Musa, iṛṛuumanna mate ringannu tawe ampungnge, amungkangu pia sakassi darua ara'e sire tallu, i tou niatialante nassal᷊a.

MATIUS 18:16

Arawe amungkangngu tawe, apira'e sangkatou ara'e ruang katou lai. Ana waugu sulal᷊ummu Wuke Susi uawoṛṛetta, ‘Mattingkatul᷊ungnga darua ara'e sire tallu sakassi pandumanne mapal᷊iatta'u sangkatou niaṛṛiaannu pasasal᷊a.’

1 TIMOTIUS 5:19

Arie manengkamma aansilla su saruannu sangkatou piaṛṛa'u jamaatta, tabane'e tohasannu ruan katou sakassi ara'e nallebe wua isudde.

YOHANES 8:17

Sulal᷊ummu Tita Musa uawoṛṛetta arendi; Tatiala apan atonna eteudde tatiala wuassu ruang katou.

1 MARARATU 21:13

Ruan katou taumata lal᷊eo ua'ianna uasasaruanni Nabot, wuṛṛu su saruannu awadaalla itarua nangansilla si tou manungku i tou buatte nantal᷊an Duata wuṛṛu ratu. Ana waugu udde i tou niapidda watukku liuddu soa ana see tinuntungannu watu na'oman sara nate.

1 MARARATU 21:10

Doloṛṛa'a ruan katou taumata lal᷊eo ua'ianna uasaruanna si tou wuṛṛu mangansilla si tou manungku i tou buatte nantal᷊an Duata wuṛṛu ratu. Ana see apira'e i tou watukku liuddu soa, wuṛṛu tuntungken batu ma'oman sara mate!”

YOHANES 7:51

“Tumuṛṛuttu Tita, sangkatou tawe wotongnge iṛṛuumanna amungkangngu hattone taambe niaringiṛṛanna wuṛṛu pallal᷊agune niparikisanna.”