TAHIUL᷊E 18:22 - WUKE SUSI WATTI'U AL᷊AL᷊USASSA

²² Amungkangngu sangkatou nabi mabbisara ringannu arannu Mawu, arawe wisarane udde tawe nariaddi, ne sasi'atta udde wal᷊ine wuassu Mawu. Nabi udde mabbisara ringannu aranne sassane wuṛṛu i yamiu ariete mata'utti tou.”

TAHIUL᷊E 18:22 Referans Kwoze

TAHIUL᷊E 18:20

Arawe amungkangngu sangkatou nabi waṛṛani mamasingkattu sambau tanata wuassu arang-Ku sumbal᷊i Ya'u tawe nandolokki tou ma'ola'a aroddi, i tou ṛinone mate; aroddi lai suapan nabi apan mabbisara ringannu arannu manga Mawu waine udde ṛinone mate.’

2 MARARATU 20:1

Sutempo udde i Ratu Hizkia nirumadda'a pinsula apan mawakkata na'oman sara maraniten nate. I Nabi Yesaya ana'i Amos nattembo si tou wuṛṛu nabbisara, “Mawu nannanata tadea'u i Tuanga sarun manginsue al᷊awo'u manara, ana waugu i Tuanga tate mapia wuassu radda'a. Tate mal᷊annu lai i Tuanga sarun nate.”

YUNUS 4:2

Wua'udde i tou inumal᷊iomanna, “Oh Mawu, wal᷊inewe buatte ta'u niwal᷊o tantal᷊anna taambe nanantangngu wal᷊e'u dorone, manungku I'o sarun ma'ola'a arendi? Ana waugu udde i ya'u lapiddu tinumal᷊angngu watangangku watukku Spanyol! I ya'u masingkatta manungku I'o Ruata apan maakkanna wuṛṛu marangngu, ombon sabbare, masaṛṛionto'a, wuṛṛu sidutu uasaddia mamal᷊u ṛiinnu pallaṛṛuumanna.

YESAYA 41:22

Rantate, wuṛṛu si'ata'e apa apan sarun mariaddi, tadea'u i yami masingkattu panginsueanne sal᷊immurine. Wattia'e manga arariadianna dorone, tal᷊aa'e atappassane tadea'u i yami masingkatta.

AMSAL 26:2

Naal᷊ihidda manu'u winalanganna tuttalla'a wuṛṛu mannalangnga su winalanganna, aroddi lai wawontoga tawe maṛṛino su taumata apan tawe sal᷊ane.

YUNUS 3:4

Yunus sinumutta su soa udde wuṛṛu napawe buatte niumamatta su al᷊o'engngu allo, i tou mannattakke mannase, wisarane, “Appatu pul᷊o su allone lai, Niniwe sarun maṛṛimunsa'a!”

TAHIUL᷊E 18:21

Asinungka i yamiu maiwal᷊o sulal᷊ummu naungngu, ‘Ereapa yami masingkata apa tanatan sangkatou nabi udde darantane wuassu Mawu ara'e tawe?’

1 MARARATU 22:28

Unni Mikha, “Amungkangngu i Tuangnga mabbelengnga ringannu sal᷊amatta, atappasanne Mawu tawe nabbisara si ya'u! Sarangkanambone apan uasemodda isindi maola'a matatiala.”

1 SAMUEL 3:19

I Samuel a'atambanna ahewalle. Mawu uarundinganna si tou wuṛṛu na'ola'a anambon wisaran Samuel udde atonna matipussa.

ZAKARIA 2:13

Paal᷊annabbe i yamiu sarangkanambone su saruannu Mawu! Ana waugu i Tou buatte nanantangngu tampa wawanuan-Ne su surga.