TAHIUL᷊E 18:12 - WUKE SUSI WATTI'U AL᷊AL᷊USASSA

¹² Taumata apan ma'ola'a inolaanna lal᷊eo udde ia'arantinnu Mawu Ruatanu, wuṛṛu ana waugu udde manga walahanna udde nilimbuaṛṛan-Ne wuassu saruannu.

TAHIUL᷊E 18:12 Referans Kwoze

IMAMATTA 18:24

Arie watangannu ma'ola'a paddarosa ringannu manga inolaanna udde, ana waugu ringannu olangnge udde manga walahanna apan uatana'a su Kanaan tantal᷊anna i yamiu taambe, buatte nanggalusa'a wadangngi mangitou. Ana waugu udde i mangitou nilimbuaṛṛannu Mawu, tadea'u i yamiu wotongnge mamanua su wanua udde.

TAHIUL᷊E 9:4

Napawe Mawu Ruatanu buatte nallimbuakka si mangitou hunan kamiu, arie massunna manungku i yamiu niapiddi Tou inaiaroddi iapatahuanna leta'a udde ana waugu i yamiu tuttuṛṛutta apulun Mawu Ruatanu na'oman sara i yamiu suṛṛinone manengkamma leta'a. Mangke tawe! Mawu nallimbuakka manga walahanna udde hunan kamiu ana waugu i mangitou lal᷊eo. Mawu namalan kamiu manahuanna leta'i mangitou, ana waugu i Tou ma'apulu manipussu pa'aire-Ne su iupungngu al᷊amonanu i Abraham, i Ishak wuṛṛu i Yakub.

IMAMATTA 18:25

I mangitou buatte na'ola'a al᷊awo'u pallal᷊aghu apan ma'arantinna udde, na'oman sara leta'i mangitou lai nabbal᷊i ma'arantinna. Ne Mawu nakkuumanni mangitou wuṛṛu tawe namalan mangitou matana'a poiaroddi. Arawe i yamiu imbaṛṛangnga ma'ola'a manga pallal᷊aghu udde. I yamiu sarangkanambone, taumatan Israel wuṛṛu taumata raho apan uatana'a suadio'a ringanni yamiu, ṛinone tumuṛṛutta atoranna wuṛṛu parentan Mawu,

TAHIUL᷊E 14:27

Imbaṛṛangnga mamalan taumatan Lewi apa uawanua su manga soanu masusa; naungete manungku i mangitou udde tawe uatahuanna leta'a sassane.

YEHEZKIEL 31:11

Ne i Ya'u manol᷊a'i tou wuṛṛu sarun manantilla su tembonannu araratuanna waine, apan sarun ma'ola'a si tou uasul᷊ungngu al᷊al᷊eone.

TAHIUL᷊E 22:5

Wawine imbaṛṛangnga malluṛṛen laubbu esakka wuṛṛu esakka imbaṛṛangnga malluṛṛen laubbu wawine, ana waugu inolaannu taumata aroddi ipaddantinnu Mawu Ruatanu.

2 MARARATU 23:24

Su mappaamattu manga tita apan uawoṛṛetta sulal᷊ummu wuke apan niasombanganni Imam Bahewa Hilkia su Wal᷊en Mawu, sarangkanambone apan taṛṛa waggo ṛimuudda wuṛṛu taṛṛa si'atta nilimbuaṛṛani Ratu Yosia wuassu Yerusalem wuṛṛu wuassu ahewallu leta'u Yehuda, ana see i tou nandamonen anambon mongannu amonanna, paal᷊uanna, wuṛṛu manga saranapa apan ipappaatta ipassubba manga monganna.