TAHIUL᷊E 17:6 - WUKE SUSI WATTI'U AL᷊AL᷊USASSA

⁶ Arawe i tou tumba'u wotongnge iṛṛuumanna amungkangu pia ruan katou mattiala ara'e nilumebbe; sangkatou taumata tawe wotongnge iṛṛuumanna pateanna amungkangngu tumba'u sangkatou matatialane.

TAHIUL᷊E 17:6 Referans Kwoze

REENGANNA 35:30

Sulal᷊ummu hatton pamamate, taumata apan niansil᷊anna namate, tumba'u wotongnge iapaasal᷊a wuṛṛu iṛṛuumanna pateanna amungkangngu inolaanna udde wotongnge iapasingkatu ruan katou matatiala ara'e nilumebbe. Sangkatou matatiala taambe apangimananna manungku aansilla udde atonna.

IBRANI 10:28

Taumata apan tawe tumuṛṛutta tita apan suete nionggoli Musa, iṛṛuumanna mate ringannu tawe ampungnge, amungkangu pia sakassi darua ara'e sire tallu, i tou niatialante nassal᷊a.

1 TIMOTIUS 5:19

Arie manengkamma aansilla su saruannu sangkatou piaṛṛa'u jamaatta, tabane'e tohasannu ruan katou sakassi ara'e nallebe wua isudde.

MATIUS 18:16

Arawe amungkangngu tawe, apira'e sangkatou ara'e ruang katou lai. Ana waugu sulal᷊ummu Wuke Susi uawoṛṛetta, ‘Mattingkatul᷊ungnga darua ara'e sire tallu sakassi pandumanne mapal᷊iatta'u sangkatou niaṛṛiaannu pasasal᷊a.’

TAHIUL᷊E 19:15

“Tumba'u sangkatou matatiala tawe ipaatta mapal᷊iatta'u sangkatou niansil᷊anna udde nassal᷊a; mattingkatul᷊unga ruan katou pappandumanna su hatto udde.

2 KORINTUS 13:1

Indi atallunete i ya'u rumanta mattembo si yamiu. Sulal᷊ummu Wuke Susi uawoṛṛetta, “Suapan hatto ṛinone pia matatialane darua ara'e sire tallu, wakkute udde hatto udde atonna.”

YOHANES 7:51

“Tumuṛṛuttu Tita, sangkatou tawe wotongnge iṛṛuumanna amungkangngu hattone taambe niaringiṛṛanna wuṛṛu pallal᷊agune niparikisanna.”