TAHIUL᷊E 17:20 - WUKE SUSI WATTI'U AL᷊AL᷊USASSA

²⁰ Amungkangngu i tou mabbasa ringannu maṛṛimadda, i tou tawe ma'ellega ete i tou apianne wuassu manga taumata walahanna sambau, wuṛṛu tawe lumawangnga parentan Mawu ringannu al᷊awo'u inolaanna. Ana see i tou wuṛṛu papapulunne sarun mamarenta walahanna udde ma'oman sara pallal᷊awanne.”

TAHIUL᷊E 17:20 Referans Kwoze

1 MARARATU 15:5

Mawu na'ola'a olangnge udde ana waugu i Daud buatte nalluassa naung-Nge. I Daud tawe saran paassa tawe maddaringikka manga parentan Mawu, tumba'u su hatton Uria taumatan Het udde.

TAHIUL᷊E 5:32

Tuṛṛa-tuṛṛangku, paatuṛṛutta ringannu mapia al᷊awo'u parentan Mawu Ruatanu si'o. Imbaṛṛangnga lumawangnga saran sambau wuassu manga parenta udde.

YESAYA 2:12

Su allo udde Mawu Apan Lembontaṛṛino sarun mapawawon sarangkanambone apan mannanggakku watanganne wuṛṛu makkuumannu sarangkanambone apan mawunga wuṛṛu matanggakka.

2 KORINTUS 12:7

Arawe tadea'u i ya'u tawe tumaniten mamarabunga ana waugu aellega apan wahewalla udde, i ya'u nionggol᷊annu lihiddu radda'a su wadangku apan maola'a ahiddu Setanna. Radda'a udde nionggola ipamuulla si ya'u, tadea'u i ya'u tawe mamarabunga.

HABAKUK 2:4

Wuṛṛu paanaungete: Taumata apan dal᷊eo tawe masal᷊amatta, arawe taumata apan tuttuṛṛutta apulun Duata sarun mabbiakka ana waugu tatuṛṛunne su Ruata.”

MANNANASE 8:13

Arawe mawal᷊i'a taumata lal᷊eo maasomba manambo asasusa. Pabbiaṛṛanne mal᷊ihakka mal᷊iudda ere lintau. I tou sarun mate ta'e saṛṛen tumuwo ana waugu i tou tawe matuṛṛutta su Mawune.

AMSAL 27:24

ana waugu paa'ala tawe mattaṛṛangnga mal᷊annu, ewe'e lai taṛṛino ipamarenta lai sidutu saran mal᷊annu-l᷊annu.

AMSAL 10:27

Pangaddate Mawu, ne i'o sarun mabbiakka mal᷊annu; taumata lal᷊eo mate tatal᷊anna taambe tempone.

DARALO 132:12

Amungkangu manga anangngu matuṛṛutta su paaire-U, wuṛṛu maddaringikka manga parenta-U, ne saran mal᷊annu-l᷊annu papapulunni mangitou mallol᷊ossa si'o maola'a ratu.”

DARALO 19:11

Titan Mawu udde maareganne wuassu wul᷊awanna tutune, mattemanganna wuassu pul᷊a apianne.

2 TAWARIKH 34:27

i'o sinumassilla wuṛṛu sinumallungngu watangannu su saruang-Ku. I Ya'u buatte namansaga sarun makkuumannu Yerusalem wuṛṛu tumanangnge, arawe napawe i'o naaringikka i Ya'u mammansaga, i'o nilumuai wuṛṛu nanggesa'a laungngu tatialan massusa. I Ya'u buatte naddaringikka aal᷊iomannu,

2 TAWARIKH 33:23

Arawe uapapaṛṛalan iamangnge, Amon tawe sinumallungngu watanganne, wuṛṛu tawe nabbal᷊i'a ringannu Mawu; ewe'e i tou maddosanna wuassu iamangnge.

2 TAWARIKH 33:19

Sulal᷊ummu wuke Watti'u Manga Nabi buatte niwoṛṛetta lai aal᷊iomanni Manasye wuṛṛu sasimbakku Ruata su aal᷊iomanna udde, see lai watti'u manga rosane tantal᷊anna i tou taambe awawal᷊u, manga tampa pasasubbanna paal᷊uanna wuṛṛu manga paal᷊uannu Monganni Asyera apan nilanginne, wuṛṛu manga monganna apan sassubbanne.

2 TAWARIKH 33:12

Sulal᷊ummu asasusane udde i tou sinumallungngu watanganne su saruannu Mawu Ruatane, wuṛṛu niumal᷊iomanna maddorongnga aontolu Mawu.

2 TAWARIKH 26:16

Napawe i Ratu Uzia matohasse, i tou nabbal᷊i mawunga, wuṛṛu udde panattaṛṛannu nanawon araratuanne. I tou nilumawangnga parentan Mawu Ruatane ana waugu sinumutta su Wal᷊en Mawu manambunnu amania su wowon mezbah amania.

2 TAWARIKH 25:19

I'o Amazia, tuttal᷊umama manungku i'o buatte namaddon taumatan Edom, arawe mappianne i'o paatana'e su wal᷊en. Ipa'ura uaradea'a hatto apan tumba'u manilaka watangannu wuṛṛu tumanangngu?”

2 MARARATU 14:10

I'o, Amazia, nabbal᷊ite mawunga, ana waugu i'o buatte namaddon taumatan Edom. Ne wal᷊inewe auntunganna udde wotongngete? Mappianne i'o paatana'e su wal᷊en! Ipa'ura maddea'a hatto tumba'u manilaka watangannu wuṛṛu tumana'u soanu?”

1 MARARATU 11:36

Arawe sambau ṛuanganna sarun Ta'u iwala si tou, tadea'u sidutu pia sangkatou wuassu papapulunni Daud apan mamarenta ana waugu i Ya'u su Yerusalem, soa apan buatte Ta'u nipile maola'a tampa patataṛṛamawuanna si Ya'u.

1 MARARATU 11:34

Salaiwe aroddi Ya'u tawe manganu abbi ahewallu araratuanna udde wuassi tou. I tou sarun Ta'u iwala mammarenta su al᷊o'engngu pabbiaṛṛanne. Olangnge udde Ta'u niola'a ana waugu allang-Ku i Daud, apan buatte Ta'u nipile wuṛṛu matuṛṛutta su manga tita-U wuṛṛu manga parenta-U.

1 SAMUEL 15:23

Ana waugu lullawangnga Mawu al᷊al᷊eone nassul᷊ungngu ere taṛṛa wal᷊i'immata, wuṛṛu naungnga mawunga al᷊al᷊eone ere massubba monganna. Ana waugu i Tuangnga buatte nilumawangnga parentan Mawu, ne Mawu lai tate manga'u si Tuangnga sangkatou ratu.”

TAHIUL᷊E 17:11

Sengkampe laṛṛawessi mangitou wuṛṛu amata'e sarangkanambone apan buatte tinantunni mangitou ma'omana sara su inolaanna addio'a lai.

TAHIUL᷊E 12:32

Tuṛṛutte sarangkanambone apan ta'u nirolokka si yamiu; arie pattambai ara'e hainganna.

TAHIUL᷊E 12:28

Panutukke ringannu mapia al᷊awo'a apan buatte ta'u nirolokka si yamiu, ne i yamiu ma'ola'a apan apianne wuṛṛu ipaapulun Mawu Ruatanu, na'oman sara i yamiu wuṛṛu pappapulunnu masal᷊amatta wuṛṛu su lal᷊umanna'a saran mal᷊annu-l᷊annu.”

TAHIUL᷊E 12:25

Amungkangngu i yamiu tumuṛṛutta parenta udde, Mawu sarun mal᷊uassa, wuṛṛu i yamiu see lai papapulunnu sarun su lal᷊umanna'a.

TAHIUL᷊E 8:2

Paanaungete! Appatu pul᷊o su tonnane al᷊annune Mawu Ruatanu uapiaṛṛa'i yamiu sulal᷊ummu amatanna marau sumabbi wadda'a. Amamatta udde pandumanne pa'annamannu Mawu si yamiu, tadea'u i Tou wotongnge maasilo apa apan uaraddo sulal᷊ummu naungngu wuṛṛu tanne i yamiu sarun tumuṛṛutta manga parenta-Ne.

TAHIUL᷊E 4:2

Apa apan nirolo'u, arie pattambai ara'e hainganna sarangkadio'a. Paatuṛṛute manga parentan Mawu Ruatanu apan ta'u nionggola si yamiu.

1 PETRUS 5:5

Aroddi lai tuṛṛangnga, manga umbasanna maṛṛuala. Paatuṛṛuta su manga timmade. Tuṛṛanga sarangkanambone ṛinone tawe mamarabunga wuṛṛu uaa'imbe sangkatou ringannu sangkatou ringannu awawawon naungnga. Ana waugu sulal᷊ummu Wuke Susi uawoṛṛetta arendi, “Ruata mannompola taumata mawunga, arawe mandangngu taumata naungnge mawawo.”

DARALO 119:102

I ya'u tawe mangadio'a tita-Nu, ana waugu ete apan nanantiro si ya'u.

1 SAMUEL 10:25

Wua'udde i Samuel nanal᷊a'a su walahanna udde su ola'u taṛṛino wuṛṛu manaran datu, ana see niwoṛṛetti tou sulal᷊ummu wuke apan niaddo su tampa susi. Wua'udde i Samuel nandolokku walahanna udde niapaapul᷊e su wal᷊en sangkatou-sangkatou.

2 SAMUEL 22:23

Anambon tita-Ne ta'u raddaringiṛṛanna manga parenta-Ne tawe abbul᷊ianangku.

1 MARARATU 2:3

Pammanarate apa apan niparentan Mawu Ruatanu si'o. Paatuṛṛutte su anambon manga tita wuṛṛu manga parenta-Ne apan uawoṛṛetta sulal᷊ummu Wuke Musa, tadea'u watukkuapa i'o inai i'o sarun mahessi sulal᷊umu al᷊awo'u manaranu.

1 MARARATU 15:3

I Abiam na'ola'a manga rosa ere iamangnge. I tou tawe ringannu ahewallu naungnga matammuda su Mawu Ruatane, uapapaṛṛalan Daud, iupungnge.