TAHIUL᷊E 15:20 - WUKE SUSI WATTI'U AL᷊AL᷊USASSA

²⁰ Suapan tonna i yamiu sangkamonanna ṛinone uminassa ṛemessa su saruannu Mawu Ruatanu, su tampa apan nipilen Mawu.

TAHIUL᷊E 15:20 Referans Kwoze

TAHIUL᷊E 14:23

Su saruannu Mawu Ruatanu, su tampa apan nipile maola'a tampa patataṛṛamawuanna, i yamiu ṛinone umanna sasamba sepere mapul᷊o wuassu gandumma, ua'e anggore, lanan zaitun see lai ana'u sapi wuṛṛu ambinga dombanu apan paarorone niasungkanga. Ola'e olangnge udde, tadea'u saran mal᷊annu-l᷊annu i yamiu masingkatta mangaddata Mawu Ruatanu.

TAHIUL᷊E 12:17

Su tampa wawanuannu imbaṛṛangnga i yamiu umanna sasamba sepere mapul᷊o wuassu inasaharannu eteudde gandumma, anggore, lanan zaitun, sapi ara'e ambinga dombanu apan paarorone niasungkangnga, sasamba ipamaekka riandinu, sasamba apulun naungngu ara'e sasamba waine.

IMAMATTA 7:15

Ṛemene ṛinone inasanna su allo binatangnga udde ionggola, saran addio'a tawe wotongnge itantangnga maddatingngu tiṛṛabbi marua'allone.

TAHIUL᷊E 12:11

Wua'udde Mawu Ruatanu sarun mamile sambau tampa suapa i Tou ṛinone subbanna. Ete isudde i yamiu ṛinone inai mangapiddu al᷊awo'a apan buatte niparenta, eteudde sasamba itattambunna wuṛṛu manga sasamba waine, sasamba sepere mapul᷊o wuassu inasaharannu wuṛṛu sasamba al᷊aṛṛaene apan buatte nipa'irenu su Mawu.

TAHIUL᷊E 12:14

arawe tumba'u su tampa apan nipilen Mawu suwallatu sambau tampa wageangngu walahannu. Tumba'u isudde i yamiu ṛinone mangonggolu sasamba itattambunna wuṛṛu ma'ola'a manara wal᷊ine apan ta'u niparenta si yamiu.