TAHIUL᷊E 15:11 - WUKE SUSI WATTI'U AL᷊AL᷊USASSA

¹¹ Su ammul᷊annu taumatan Israel sidutu sarun pia siri pira taumata asiangnga wuṛṛu pia auranganne. Ana waugu udde i ya'u mandolokki yamiu tadea'u masambiolo si mangitou.”

TAHIUL᷊E 15:11 Referans Kwoze

MARKUS 14:7

Taumata asiangnga sidutu su wallatti yamiu. Suapan tempo amungkangngu i yamiu maapulu, i yamiu wotongnge mantul᷊ungngi mangitou. Arawe i Ya'u tate mal᷊annu su sampunna ringanni yamiu.

MATIUS 26:11

Taumata asiangnga sidutu isudde su wallatti yamiu, arawe i Ya'u tawe mal᷊annu su sampunna ringanni yamiu.

YOHANES 12:8

Taumata asiangnga sidutu su wallatti yamiu, arawe i Ya'u tawe.”

TAHIUL᷊E 15:8

Arawe i yamiu ṛinone masambiolo wuṛṛu mapawallasa su taumata udde anambone ere pappandumanne.

AMSAL 22:2

Taumata ala wuṛṛu taumata asiangnga pia sambau inolanna apan uasul᷊ungnga: ete Mawu apan nandiaddi si mangitou sarangkanambone.

LUKAS 12:33

Wal᷊ua'e darotongngu wuṛṛu anggil᷊a'e roinne su taumata asiangnga. Ola'e sulal᷊ummu ririnu tampan doitta apan tawe maṛṛenessa, eteudde darotongnga apan uaraddo su surga. Darotongnga udde tawe mawul᷊i ana waugu taṛṛa ta'o tawe maapanna'o wuṛṛu wiangnga tawe maahohakka.

WATTI'U MANGA RASUL 2:45

I mangitou nabal᷊u'u manga sarannapa wuṛṛu pussa'a mangitou, see tinahia roinne si mangitou sarangkanambone tumuṛṛuttu hausannu sangkatou-sangkatou.

MATIUS 5:42

Amungkangngu manga taumata maddorongnga manga apa si yamiu, anggil᷊a'e si tou. Wuṛṛu arie lai mapaawelengngu taumata apan maapulu mabballassa sarannapa si'o.”

TAHIUL᷊E 15:7

Napawe i yamiu uatana'e su wanua apan nionggolu Mawu Ruatanu si yamiu, ana see pia sambau soa niaabbaanna taumata sambalahannu pia auranganne, taumatan balahannu pia urangnge, arie tumba'u maṛṛingiddu watangannu sassane wuṛṛu tawe massumbala si tou.

AMSAL 31:20

I tou tawe mapiikka su taumata awussa; i tou masaṛṛionto'a su taumata apan ma'itul᷊ungnga.

YEHEZKIEL 18:7

I tou tawe saran paassa mallinga ara'e mangaṛṛo. Manga saranapa ere wataṛṛun taumata apan pia awallassa si tou sidutu iappawelenge. Taumata apan niamal᷊unusanna nionggolanni tou anna wuṛṛu taumata apan tawe laubba, i tou nianggilanne laubba.

SASABANGNGA 23:11

Arawe su tonna appitune leta'a udde ṛinone iwalan kamiu. Su al᷊annun tonna udde i yamiu tawe wotongnge mangammulu saranapa apan tinumuwo sassane su wawail᷊annu. Wala'e udde onggol᷊a'a su taumata asiangnga, wuṛṛu lambene su winatangnga matengnga. Wala'e aroddi lai su waillu anggore wuṛṛu manga punnu alu zaitunnu.

AMSAL 19:17

Mantul᷊ungngu taumata asiangnga naal᷊ihidda ere nangonggollu awallassa su Mawu; ne ete Mawu lai apan sarun mabbal᷊issa.