TAHIUL᷊E 15:10 - WUKE SUSI WATTI'U AL᷊AL᷊USASSA

¹⁰ Onggol᷊a'e si tou ringannu naungnga mal᷊uassa wuṛṛu tawe iwata'a, ne Mawu Ruatanu sarun mangal᷊amatta al᷊awo'u inasaharannu.

TAHIUL᷊E 15:10 Referans Kwoze

AMSAL 22:9

Taumata apan naungnge mapia sarun al᷊amatannu Mawu, ana waugu i tou mattahia wiakka su taumata awussa.

IBRANI 13:16

Arie ma'abul᷊i ma'ola'a apapia wuṛṛu uatatul᷊ungnga, ana waugu eteindi manga sasamba apan ma'al᷊uassa naungngu Ruata.

YESAYA 58:10

Onggol᷊eten kanna su taumata apan mal᷊unussa, wuṛṛu ontol᷊ete manga taumata apan aallanganna. Amungkangngu inolaanni yamiu aroddi, ne ararandumma apan uapal᷊iwutta si'o, sarun mabbal᷊i masemakka ere allo.

TAHIUL᷊E 14:29

Anna udde wuattu taumatan Lewi ana waugu i mangitou tawe naatahuanna leta'a, wuṛṛu wuattu taumata raho, asisimpal᷊ussa wuṛṛu manga inawal᷊uanna apan mabbiakka su manga soanu. I mangitou wotongnge rumanta wuṛṛu mangal᷊appa sarangkanambone apan pappandumanni mangitou. Amungkangngu inolaanni yamiu aroddi, ne Mawu Ruatanu sarun mangal᷊amatta al᷊awo'u manaranu.”

TAHIUL᷊E 24:19

Amungkangngu i yamiu mangammulu hessin letangngu, imbaṛṛangnga mabelengnga mangal᷊appa gandumma lambene apan natantangnga. Gandumma udde ṛinone iwala aroddi su taumata raho, ana'a asisintimpal᷊ussa wuṛṛu manga inawal᷊uanna, tadea'u i yamiu al᷊amatannu Mawu Ruatanu sulal᷊ummu al᷊awo'u manaranu.

YESAYA 32:8

Arawe taumata apan mapia buddine manggol᷊agu manga inolaanna apan mapia wuṛṛu pallal᷊agune lai mapia.

WATTI'U MANGA RASUL 20:35

Sulal᷊ummu al᷊awo'u hatto, i ya'u suete nanul᷊adda si yamiu manungku ringannu mammanara maṛṛimadda ereindi, i ite ṛinone mantul᷊ungngu manga taumata lome. Ana waugu i ite ṛinone mannaungnga apa apan suete niwal᷊o Mawu Yesus, ‘Lembon su lal᷊umanna'a i ite mangonggolla, wuassu i ite manengkamma.’ ”

TAHIUL᷊E 15:4

Mawu Ruatanu sarun mangal᷊amatta si yamiu su wanua apan nionggoli Tou si yamiu. Ne suwallatu walahannu tawe taumata asiangnga,

1 PETRUS 4:11

Taumata apan namasingkatu watti'a, ṛinone mamasingkatu watti'a wuassu Ruata; taumata apan mangngimbe taumata waine, ṛinone mangimbe ringannu atatohassa wuassu Ruata, tadea'u al᷊awo'u manaran, Duata wotonge wantuhanna sulalummi Yesus Kristus. Ete i Tou apan uataṛṛino wuṛṛu ṛinone wantuhanna ma'oman sara mal᷊annu-l᷊annu. Amin.

ROMA 12:8

Taumata apan pia asingkatta mangngonggolu sasasa su taumata waine, ṛinone atonna-tonna mangonggolu sasasa su taumata waine, taumata apan pia al᷊amatta mantul᷊ungngu taumata waine ringannu darotongnge, ṛinone ma'ola'a udde ringannu naungnga mawawo wuṛṛu mal᷊uassa. Taumata apan pia asingkatta mammiaṛṛa'a, ṛinone atonna-tonna mammiaṛṛa'a. Taumata apan pia al᷊amatta mamasilon darangngune su taumata waine, ṛinone ma'ola'a ringannu naungnga mal᷊uassa.

MATIUS 25:40

Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

TAHIUL᷊E 14:19

Anambon taṛṛangassa apan pia papaidde udde ipappalli, nariaddi imbaṛṛangnga inasanna.

TAHIUL᷊E 28:8

Mawu Ruatanu sarun mangal᷊amatta inasaharannu wuṛṛu malloṛṛo wal᷊ingkakku ringannu gandumma. I Tou sarun mangal᷊amatta si yamiu su wanua apan nionggoli Tou si yamiu.

MANNANASE 11:1

Addoa'e roinnu salal᷊ummu manara su wanua waine. I'o sarun maasomba auntunganna su allo sal᷊immurine.

TAHIUL᷊E 15:18

Amungkangngu i yamiu mamallosu sangkatou allangnga, arie i yamiu sumassilla, ana waugu al᷊annune annummu tonna i tou buatte nammanara ringanni yamiu ana see lal᷊antakke tumba'u satengah haddin su sangkatou allangnga. Paatuṛṛutte su parenta udde, ne Mawu Ruatanu sarun mangal᷊amatta al᷊awo'u inasaharannu.”