TAHIUL᷊E 12:5 - WUKE SUSI WATTI'U AL᷊AL᷊USASSA

⁵ Wuassu ahewallu wageangngu leta'u ṛuangannu Israel, Mawu Ruatanu sarun mamile sambau tampa tadea'u walahanni ite wotongnge rumanta su saruan-Ne wuṛṛu massubba si Tou.

TAHIUL᷊E 12:5 Referans Kwoze

TAHIUL᷊E 12:11

Wua'udde Mawu Ruatanu sarun mamile sambau tampa suapa i Tou ṛinone subbanna. Ete isudde i yamiu ṛinone inai mangapiddu al᷊awo'a apan buatte niparenta, eteudde sasamba itattambunna wuṛṛu manga sasamba waine, sasamba sepere mapul᷊o wuassu inasaharannu wuṛṛu sasamba al᷊aṛṛaene apan buatte nipa'irenu su Mawu.

TAHIUL᷊E 26:2

ne hessi paarorone wuassu al᷊awo'u sasuanna apan niammuli yamiu wuassu letangngu ṛinone itaṛṛo su so'anna, wuṛṛu apira'i yamiu watukku tampa apan nipilen Mawu Ruatanu.

2 TAWARIKH 7:12

Mawu naipasilon batangan-Ne apia si tou sutempo ṛabbi. Mawu nabbisara si tou, “Aal᷊iomannu buatte niraringiṛang-Ku wuṛṛu i Ya'u namarimmatu Wal᷊en indi maola'a tampa apan apianne pangonggol᷊annu sasamba si Ya'u.

TAHIUL᷊E 16:2

Roote watukku tampa apan nipilen Mawu inai mamototta suwallatu sambau wuassu ambinga domba ara'e sapinu, maola'a sasamban Paskah ipangaddata Mawu Ruatanu.

1 MARARATU 8:29

Antimanna allo ṛabbi I'o ual᷊u'adda wal᷊en indi apan buatte nipile-Nu maola'a tampa patataṛṛamawuanna Si'o. Antimanna wuassu tampa atatanaan-Nu su surga I'o maddaringikka wuṛṛu mangampungnga si ya'u see lai uman-Nu napawe yami sumaruanna wal᷊en indi wuṛṛu umal᷊iomanna Si'o.

DARALO 78:68

Arawe nipile-Ne eteudde ṛuanganni Yehuda, wuṛṛu Wuiddu Sion apan arangnguan-Ne.

TAHIUL᷊E 12:13

I yamiu imbaṛṛangnga mangongolu sasambanu su al᷊awo'u tampa apan nipilenu sassane,

KOLOSE 2:9

Ana waugu ahewallu paa'apulun Duata uatana'a sulal᷊ummi Kristus, eteudde su ola'u taumatane.

1 MARARATU 8:27

Arawe oh Ruata, mappuluwe I'o matana'a su runia indi? Langitta sarangkanambone lai tawe tumaniten mal᷊alangnga Si'o, nangillembote wal᷊en patataṛṛamawuanna apan ta'u niola'a indi!

1 MARARATU 8:20

Orassa indi Mawu buatte nanipussu pa'aire-Ne. I ya'u naola'e ratun Israel nallol᷊ossa iamangku, wuṛṛu i ya'u lai buatte napararisikku wal᷊en maola'a tampa patataṛṛamawuanna su Mawu, Ruatan Israel.

IBRANI 12:22

Arawe, i yamiu suete nirumanta watukku Wuiddu Sion wuṛṛu soan Ruata apan biakka, eteudde Yerusalem apan su surga ringannu mala'ekan-Ne su ṛiwune.

REENGANNA 7:89

Suapan i Musa sumutta sulal᷊ummu Rasannu Mawu, maggahatto Mawu, i tou ma'aringikka tingikku Mawu apan mabbisara si tou wuassu wowon lal᷊uubbu Wantallu Pa'aire su wallatu darua paal᷊uannu mala'ekatta.

1 TAWARIKH 22:1

Ne i Daud nbbisara, “Ete sutampa indi ṛinone iapararisikka Wal᷊en Mawu Ruata. Wuṛṛu ete su mezbah indi taumatan Israel ṛinone mangonggolu sasamba itattambunna hunane su Mawu.”

1 MARARATU 14:21

Sutempo i Rehabeam, ana'i Salomo, naola'a ratun Yehuda, uukki tou appattu pul᷊o assa su tonnane. I tou uaparenta mapul᷊o pitu su tonnane al᷊annune su Yerusalem. Wuassu ahewallu Israel soa udde buatte niṛṛae su Mawu maola'a tampa patataṛṛamawuanna si Tou. Inangi Rehabeam eteudde i Naama wuassu walahannu Amon.

YOSUA 18:1

Napawe naapangaṛṛote wanua apan pina'iren Mawu, su taumatan Israel sarangkanambone naammula su Silo, ana see i mangitou napararisikku Rasanna Darantan Mawu.

SASABANGNGA 25:22

Su tampa udde i Ya'u sarun maisasombanu, wuṛṛu wuassu wowon, su wallatu mala'ekatta darua udde, i'o Ta'u onggol᷊annu manga tita-U hunan balahannu Israel.”

YOSUA 9:27

Arawe i mangitou niola'a allanga eteudde mallaṛṛappo alu wuṛṛu mamasanna ua'en taumatan Israel wuṛṛu mezbah Mawu. Na'oman sara orassa indi i mangitou ta'e mammanara manara udde su tampa apan nipile Mawu maola'a tampa patataṛṛamawuanna su Mawu.

SASABANGNGA 15:2

Mawu mananahe'u apan matohassa; ete i Tou nanal᷊amatta si ya'u. I Tou Ruata'u, i ya'u maapulu maddalo si Tou, Ruata sassubbannu iupungngu al᷊amona'u, wabbantuhangku i Tou.

SONDAPPA 14:1

Wua'udde i ya'u naasilo, see niasiloanna Ana'u Domba udde uarisikka su wowon Wuiddu Sion. Suadio'a ringanni Tou pia 144.000 su atoune taumata apan su pakkanu sangkatou-sangkatou uawoṛṛetta aran-Ne wuṛṛu arannu Mawu Iamang-Nge.

SASABANGNGA 20:24

I Ya'u ola'ete sambau mezbah waussu leta'a, ana see onggola'e isudde domba wuṛṛu sapinu maola'a sasamba itattambunna wuṛṛu sasamba paddarame. Su al᷊awo'u tampa apan buatte nitantunna si yamiu maola'a tampa patataṛṛamawuanna si Ya'u, i Ya'u sarun dumanta wuṛṛu mangal᷊amatta si yamiu.

TAHIUL᷊E 12:4

Su tempo i yamiu massubba Mawu Ruatanu, ariewe mattanno ola'u manga taumata udde massubba manga monganni mangitou.

TAHIUL᷊E 12:18

I yamiu wuṛṛu manga anangngu, suadio'a ringannu manga allangngu wuṛṛu manga taumatan Lewi apan utana'a su manga soanu, ṛinone umanna sasamba udde su saruannu Mawu Ruatanu, su tampa apan nipilen Mawu Ruatanu. Wuṛṛu su tampa udde i yamiu ṛinone lulluassa ana waugu al᷊awo'u inasaharannu.

TAHIUL᷊E 14:23

Su saruannu Mawu Ruatanu, su tampa apan nipile maola'a tampa patataṛṛamawuanna, i yamiu ṛinone umanna sasamba sepere mapul᷊o wuassu gandumma, ua'e anggore, lanan zaitun see lai ana'u sapi wuṛṛu ambinga dombanu apan paarorone niasungkanga. Ola'e olangnge udde, tadea'u saran mal᷊annu-l᷊annu i yamiu masingkatta mangaddata Mawu Ruatanu.

TAHIUL᷊E 14:24

Amungkangngu tampa apan nipilen Mawu Ruatanu tumaniten marau wuassu wal᷊enu na'oman sara sepere mapul᷊o wuassu inasaharannu apan ionggolu Mawu Ruatanu si yamiu tawe iapiddi yamiu isudde, ne

TAHIUL᷊E 15:20

Suapan tonna i yamiu sangkamonanna ṛinone uminassa ṛemessa su saruannu Mawu Ruatanu, su tampa apan nipilen Mawu.

TAHIUL᷊E 17:8

Amungkangngu pia ghatto apan tawe iainsue manga mallaṛṛuungnga isudde ana waugu tumaniten masahadda, erenai manga hatton pamamate nipattatudda ara'e tawe nipattatudda, patatiakka su ola'u leta'a ara'e ual᷊alessa awa'a, i yamiu ṛinone inai watukku tampa apan nipilen Mawu Ruatanu.

TAHIUL᷊E 31:11

i yamiu ṛinone mabbasa manga tita indi ringannu tingikka ma'ikkata su manga taumatan Israel apan dumanta massubba Mawu Ruatanu su tampa apan nipile-Ne.

YOSUA 22:11

Manga taumatan Israel waine naaringikka walahanna sandingananni mangitou nabbisara, “Manga taumata ṛuanganni Ruben, i Gad wuṛṛu ṛuanganni Manasye su samba'an ra'in Yordan suete napararisikku sambau mezbah su Gelilot maranin Sal᷊ukku Yordan su wageangngu leta'i ite!” Ne i mangitou sarangkanambone naammulla su Silo inai mamangalo manga ṛuangannu Israel su wageangngu ra'in Sal᷊ukku Yordan udde.

EZRA 3:2

ana see Yesua ana'i Yozadak see ringanne manga imam wuṛṛu Zerubabel ana'i Sealtiel see manga tuṛṛangnge, na'ola'a apia mezbah Duatan Israel. Ringannu aroddi i mangitou wotongnge manambbunnu amania isudde, uasul᷊ungngu manga tatantiro apan uawoṛṛetta sulal᷊ummu buke Titan Musa allangngu Ruata.

EZRA 6:12

Antimanna Ruata apan buatte namile Yerusalem maola'a tampa i Tou sassubbanna, mamate suapan ratu ara'e walahanna apan waṛṛani lumawangnga parenta indi wuṛṛu wuṛṛu mannalu'atta makkimunsa'a Wal᷊en Mawu su Yerusalem udde. I ya'u, Darius, buatte nangonggollu parenta indi. Amata'e parenta udde ringannu mapia.”

EZRA 7:17

Paata'e roitta udde ringannu mapia su ipamalli sapi esakka, domba esakka, ana'u domba, gandumma wuṛṛu anggore. Ola'e sasamba sarangkanambone udde su wowon mezbah Wal᷊en Mawu su Yerusalem.

YEREMIA 7:14

Ne, Wal᷊e-U apan pangngantinanni yamiu, wuṛṛu tampa apan Ta'u nionggolla su al᷊amonanu wuṛṛu si yamiu indi sarun Ta'u olaanna lai ere su Silo dorone.

YEREMIA 26:2

Mawu nabbisara si ya'u, “Roote darisikka su rallakku Wal᷊e-U wuṛṛu pabbisarate su tumana'u Yehuda apan uddanta mattaṛṛamawu isudde. Wal᷊oa'a si mangitou sarangkanambone apan Ta'u nirolokka si'o tadea'u iapasingkatta si mangitou. Arie hainganna sarang kaddio'a.

TAHIUL᷊E 16:7

Lahate ṛemessa udde wuṛṛu inasse su tampa apan nipilen Mawu Ruatanu, ana see apul᷊ete watukku wal᷊enu tiṛṛabbine marua'allo.

TAHIUL᷊E 16:11

Su saruannu Mawu Ruatanu su tampa apan buatte nipile-Ne, i yamiu ṛinone lulluassa susampunna ringannu manga anangngu, manga allangngu wuṛṛu taumatan Lewi, taumata raho, ana'a asisitimpal᷊ussa wuṛṛu manga inawal᷊uanna apan uatana'a su manga soanu.

TAHIUL᷊E 16:15

Pitu allo al᷊annune i yamiu ṛinone maddamean Andeangnga udde ipangaddata Mawu Ruatanu su tampa apan nipilen Mawu. Lalluasse, ana waugu Mawu Ruatanu buatte nangal᷊amatta inasaharannu wuṛṛu manaranu.

TAHIUL᷊E 18:6

Amungkangngu sangkatou taumatan Lewi apan darantane wuassu al᷊awo'u soa su Israel nirumanta su tampa apan nipilen Mawu wuṛṛu mappulu matana'a isudde,

2 MARARATU 18:22

Wua'udde tembonannu tantaran Asyur udde nabbisara, “Ara'e asinungka i yamiu mabbisara manungku i yamiu uaantimma Mawu, Ruatanu? Sutempo i Hizkia namarenta tadea'u taumatan Yehuda wuṛṛu Yerusalem tumba'u mattaṛṛamawu su saruannu mezbah su Yerusalem, wal᷊inewe apan nihohakke udde mezbah wuṛṛu manga tampa passubbanna Mawu sassane?

NEHEMIA 1:9

Arawe amungkangngu i yami mabbelengnga apia ringan-Nu wuṛṛu tumuṛṛutta manga parenta-Nu, ne i yami apan nassal᷊iawukke udde sarun iammullu Mawu apia, salaiwe i yami uatana'a su manga pentakku runia. See i yami sarun iweleng-Ngu watukku tampa apan buatte nipile-Nu maola'a tampa patataṛṛamawuanna Si'o.

YEREMIA 7:12

Roote watukku Silo, soa apan paarorone nabbal᷊i tampan patataṛṛamawaunna si Ya'u. Pa'ellege apa apan buatte Ta'u niola'a su tampa udde ana waugu rosan uma-U Israel.