TAHIUL᷊E 12:28 - WUKE SUSI WATTI'U AL᷊AL᷊USASSA

²⁸ Panutukke ringannu mapia al᷊awo'a apan buatte ta'u nirolokka si yamiu, ne i yamiu ma'ola'a apan apianne wuṛṛu ipaapulun Mawu Ruatanu, na'oman sara i yamiu wuṛṛu pappapulunnu masal᷊amatta wuṛṛu su lal᷊umanna'a saran mal᷊annu-l᷊annu.”

TAHIUL᷊E 12:28 Referans Kwoze

YOHANES 15:14

Ete i yamiu manga hawe-U, amungkangngu i yamiu tuttuṛṛutta apa apan ipaparenta-U si yamiu.

YOHANES 15:10

Amungkangngu i yamiu tuttuṛṛutta manga parenta-U, i yamiu sidutu matammuda su darangngu-U ere lai sidutu matuṛṛutta su darangngun Iamangnga ana waugu tuttuṛṛutta manga parenta-Ne.

TAHIUL᷊E 4:40

Paatuṛṛutte anambon tita apan ta'u nionggola si yamiu allo indi, ne i yamiu wuṛṛu papapulunnu sarun mal᷊uassa wuṛṛu sidutu mabbiakka su wanua apan nionggolu Mawu Ruatanu maola'a pussaanu saran mal᷊annu-l᷊annu.”

YOHANES 15:3

I yamiu nal᷊aukke, ana waugu al᷊aṛṛa'a apan Ta'u nionggolla si yamiu.

YEHEZKIEL 37:24

I mangitou sarun i'aukka su al᷊ungngu sangkatou ratu ere i Ratu Daud apan sarun mamarenta saran mal᷊annu-l᷊annu. Ringannu satia i mangitou sarun tumuṛṛutta manga tita-U. Wuṛṛu saran mal᷊annu-l᷊annu i mangitou see papapulunni mangitou sarun mamanua su leta'a udde, leta'a apan Ta'u nionggolla si Yakub wuṛṛu niwanuannu iupungngu al᷊amona mangitou.

DARALO 105:45

tadea'u al᷊aṛṛanang-Nge udde matuṛutta su manga tita-Ne wuṛṛu maddaringikka manga parenta-Ne. Paddalote Mawu!

NEHEMIA 1:5

“Oh Mawu Ruata uataṛṛino su surga. I'o Ruata apan Wahewallua wuṛṛu i yami sumaruanna Si'o ringannu napenen apendamma matta'utta. I'o sidutu satia wuṛṛu uaagassa paaire-Nu su taumata apan marangngu Si'o wuṛṛu matuṛṛutta parenta-Nu.

2 TAWARIKH 7:17

Amungkangu i'o, ere i Daud iamangngu, mabbiakka tuttuṛutta apulu-U wuṛṛu mappaamattu manga tita-U wuṛṛu ma'ola'a sarangkanambone apan niparenta-U si'o,

TAHIUL᷊E 24:8

Amungkangngu niasombanganna pia radda'a su pisi apan ma'ata'utta, paatutuṛṛe ringannu mapia apa apan nirolokku manga imam Lewi si yamiu; daringiṛṛe manga tatantiro apan ta'u nionggola si mangitou.

TAHIUL᷊E 12:25

Amungkangngu i yamiu tumuṛṛutta parenta udde, Mawu sarun mal᷊uassa, wuṛṛu i yamiu see lai papapulunnu sarun su lal᷊umanna'a.

IMAMATTA 19:37

Paatuṛṛutte su manga tita wuṛṛu parenta-U. Ete i Ya'u Mawu.”

SASABANGNGA 34:11

Paatuṛṛute manga tita apan Ta'u nionggola si yamiu allo indi. i Ya'u sarun mallimbuakka balahannu Amori, Kanaan, Het, Feris, Hewi wuṛṛu Yebus su tempo i yamiu umamatte.

TAHIUL᷊E 5:33

Ola'e sarangkanambone apan nititan Mawu Ruatanu si yamiu tadea'u i yamiu su lal᷊umanna'a wuṛṛu sidutu mattatana'a su wanua apan sarun atanaanni yamiu.”

MANNANASE 8:12

Salaiwe maṛṛasutta al᷊al᷊eo a'olaannu sangkatou marosa, i tou sidutu mabbiakka ewe'e lai uukke mal᷊o'engnga. Naudde, isai apan matuṛṛutta Ruata, al᷊awo'u pabbiaṛṛanne mangke mal᷊uassa.

2 MARARATU 17:31

taumatan Awa paal᷊uanni Nibhas wuṛṛu Tartak, wuṛṛu taumatan Sefarwaim mangonggolu al᷊aṛana'i mangitou maola'a sasamba itattambuna su Monganna Adramelekh wuṛṛu Anamelekh.