TAHIUL᷊E 12:14 - WUKE SUSI WATTI'U AL᷊AL᷊USASSA

¹⁴ arawe tumba'u su tampa apan nipilen Mawu suwallatu sambau tampa wageangngu walahannu. Tumba'u isudde i yamiu ṛinone mangonggolu sasamba itattambunna wuṛṛu ma'ola'a manara wal᷊ine apan ta'u niparenta si yamiu.

TAHIUL᷊E 12:14 Referans Kwoze

2 KORINTUS 5:19

I yami namasingkata manungku sulal᷊ummi Kristus, Ruata napaaukku taumata apia ringannu watangan-Ne. Ruata na'ola'a udde ringannu tawe naṛṛingiddu pasasal᷊a apan buatte niola'u taumata su saruannu watangan-Ne. Wuṛṛu i yami suete nirolokku Ruata iapapasingkatu Watti'a udde.

TAHIUL᷊E 12:11

Wua'udde Mawu Ruatanu sarun mamile sambau tampa suapa i Tou ṛinone subbanna. Ete isudde i yamiu ṛinone inai mangapiddu al᷊awo'a apan buatte niparenta, eteudde sasamba itattambunna wuṛṛu manga sasamba waine, sasamba sepere mapul᷊o wuassu inasaharannu wuṛṛu sasamba al᷊aṛṛaene apan buatte nipa'irenu su Mawu.

TAHIUL᷊E 12:5

Wuassu ahewallu wageangngu leta'u ṛuangannu Israel, Mawu Ruatanu sarun mamile sambau tampa tadea'u walahanni ite wotongnge rumanta su saruan-Ne wuṛṛu massubba si Tou.

IBRANI 13:15

Ana waugu udde, ringannu tatangngannu Mawu Yesus, ṛinone i ite sidutu maddalo Ruata; udde maola'a sambau aonggolu a'adiangkamanni ite si Tou, apan nionggoli ite ringannu wisaram wiwikka ipaddalo aran-Ne.

DARALO 9:11

Taumata apan maailal᷊a Si'o uaantimma Si'o, oh Mawu, taumata apan massubba Si'o sarun tawe itantang-Ngu.

DARALO 5:7

I'o mammate manga taumata taṛṛa wahia, taṛṛa l᷊inga wuṛṛu taṛṛa pate aellehan-Nu addio'a.

TAHIUL᷊E 12:13

I yamiu imbaṛṛangnga mangongolu sasambanu su al᷊awo'u tampa apan nipilenu sassane,

TAHIUL᷊E 12:15

Arawe walate i yamiu mamate winatangngi yamiu wuṛṛu uminassa su al᷊awo'u tampa i yamiu uatana'a. I yamiu wotongnge umanna al᷊awo'u anna apan nionggolu Mawu Ruatanu si i yamiu. Su al᷊awo'u taumata, mawae waresi ara'e marosa, wotongnge uminassa ṛemessa udde, ere lai yamiu wotongnge uminassa ṛemessu kijang ara'e rusa.

IMAMATTA 17:3

Amungkangngu sangkatou taumatan Israel mangonggolu sapi, domba ara'e ambinga su Mawu, winatangnga udde ṛinone pototanna su saruannu ngaran Dasanna Mawu. Amungkangngu udde nipototti tou su tampa waine, i tou nilumawangnga tita ana waugu napanawon daṛṛa. I tou tate lai mareengnga al᷊aṛṛana'u Ruata.

TAHIUL᷊E 12:18

I yamiu wuṛṛu manga anangngu, suadio'a ringannu manga allangngu wuṛṛu manga taumatan Lewi apan utana'a su manga soanu, ṛinone umanna sasamba udde su saruannu Mawu Ruatanu, su tampa apan nipilen Mawu Ruatanu. Wuṛṛu su tampa udde i yamiu ṛinone lulluassa ana waugu al᷊awo'u inasaharannu.

TAHIUL᷊E 14:23

Su saruannu Mawu Ruatanu, su tampa apan nipile maola'a tampa patataṛṛamawuanna, i yamiu ṛinone umanna sasamba sepere mapul᷊o wuassu gandumma, ua'e anggore, lanan zaitun see lai ana'u sapi wuṛṛu ambinga dombanu apan paarorone niasungkanga. Ola'e olangnge udde, tadea'u saran mal᷊annu-l᷊annu i yamiu masingkatta mangaddata Mawu Ruatanu.

TAHIUL᷊E 15:20

Suapan tonna i yamiu sangkamonanna ṛinone uminassa ṛemessa su saruannu Mawu Ruatanu, su tampa apan nipilen Mawu.

TAHIUL᷊E 16:2

Roote watukku tampa apan nipilen Mawu inai mamototta suwallatu sambau wuassu ambinga domba ara'e sapinu, maola'a sasamban Paskah ipangaddata Mawu Ruatanu.

TAHIUL᷊E 17:8

Amungkangngu pia ghatto apan tawe iainsue manga mallaṛṛuungnga isudde ana waugu tumaniten masahadda, erenai manga hatton pamamate nipattatudda ara'e tawe nipattatudda, patatiakka su ola'u leta'a ara'e ual᷊alessa awa'a, i yamiu ṛinone inai watukku tampa apan nipilen Mawu Ruatanu.

TAHIUL᷊E 18:6

Amungkangngu sangkatou taumatan Lewi apan darantane wuassu al᷊awo'u soa su Israel nirumanta su tampa apan nipilen Mawu wuṛṛu mappulu matana'a isudde,

TAHIUL᷊E 31:11

i yamiu ṛinone mabbasa manga tita indi ringannu tingikka ma'ikkata su manga taumatan Israel apan dumanta massubba Mawu Ruatanu su tampa apan nipile-Ne.

YOSUA 9:27

Arawe i mangitou niola'a allanga eteudde mallaṛṛappo alu wuṛṛu mamasanna ua'en taumatan Israel wuṛṛu mezbah Mawu. Na'oman sara orassa indi i mangitou ta'e mammanara manara udde su tampa apan nipile Mawu maola'a tampa patataṛṛamawuanna su Mawu.

YOSUA 22:29

Pangimante, yami madiri lumawanna Mawu ara'e mangillol᷊o mattaṛṛamawu si Tou ringannu manamba mezbah waine ara'e sasamba itattambunna ara'e sasamba gandumma, ara'e tumba'u aonggola, arawe mezbah Mawu Ruatan kite piate su saruannu Rasannu Darantan Mawu.”

1 MARARATU 8:29

Antimanna allo ṛabbi I'o ual᷊u'adda wal᷊en indi apan buatte nipile-Nu maola'a tampa patataṛṛamawuanna Si'o. Antimanna wuassu tampa atatanaan-Nu su surga I'o maddaringikka wuṛṛu mangampungnga si ya'u see lai uman-Nu napawe yami sumaruanna wal᷊en indi wuṛṛu umal᷊iomanna Si'o.

2 MARARATU 18:22

Wua'udde tembonannu tantaran Asyur udde nabbisara, “Ara'e asinungka i yamiu mabbisara manungku i yamiu uaantimma Mawu, Ruatanu? Sutempo i Hizkia namarenta tadea'u taumatan Yehuda wuṛṛu Yerusalem tumba'u mattaṛṛamawu su saruannu mezbah su Yerusalem, wal᷊inewe apan nihohakke udde mezbah wuṛṛu manga tampa passubbanna Mawu sassane?

1 TAWARIKH 22:1

Ne i Daud nbbisara, “Ete sutampa indi ṛinone iapararisikka Wal᷊en Mawu Ruata. Wuṛṛu ete su mezbah indi taumatan Israel ṛinone mangonggolu sasamba itattambunna hunane su Mawu.”