TAHIUL᷊E 11:24 - WUKE SUSI WATTI'U AL᷊AL᷊USASSA

²⁴ Suapan wageangngu leta'a apan amatanni yamiu sarun mabbal᷊i pussaanu. Letangngu mawannadda wuassu wadda'a su samba'an timukka maddatingngu Panenteannu Libanon su samba'an sawannakka, wuṛṛu wuassu Sal᷊ukku Efrat su samba'an da'i maddatingngu Tahal᷊oangngu Tangngane su samba'an baṛṛatta.

TAHIUL᷊E 11:24 Referans Kwoze

YOSUA 14:9

Wuṛṛu ana waugu udde, i Musa naddiandi manungku leta'a apan ta'u niamatanna sarun ionggolla si ya'u wuṛṛu al᷊aṛṛana'u maola'a pussa'a kami saran mal᷊annu-l᷊annu.

SASABANGNGA 23:31

Manga passarannu wanuannu sarun Ta'u iatokka wuassu Tongokku Akaba maddatingngu Sal᷊ukku Efrat, wuṛṛu wuassu Tahal᷊oangngu Tangngane maddatingngu wadda'a lol᷊okka. I yamiu Ta'u onggol᷊annu taṛṛino su tumana'u wanua udde, na'oman sara i mangitou wotongnge limbuaṛṛanni yamiu su tempo i yamiu inaite mangaṛṛo leta'a udde.

1 MARARATU 4:21

Suapan amonanna uatahuanna waillu anggore wuṛṛu waillu ara. Su al᷊o'engngu pabbiaṛṛanni Salomo tumana'a su ahewallu Yehuda wuṛṛu Israel wuassu Dan maddatingngu Bersyeba mabbiakka ringannu matammudda wuṛṛu mal᷊angnganna. Ana waugu, anambon datu su samba'an waṛṛattu Efrat uasuṛṛubawa si tou, wuṛṛu anambon balahanna wuassu manga araratuanna maranin araratuanne uahahawen tou. Leta'a su samba'an waṛṛattu Sal᷊ukku Efrat wuṛṛu Tifsah su wiwikku Sal᷊ukku Efrat masal᷊a su waṛṛata watukku soa Gaza su Filistin maddatingngu passarannu Mesir, sarangkanambone paparentanni Salomo. Manga walahanna su wanua udde uasuṛṛubawa si tou wuṛṛu mammaekka wose. Manga anna apan pappandumanni Salomo suapan allo eteudde 5.000 litere taponna al᷊ussa, 10.000 litere taponna hal᷊agga, 10 sapi sulal᷊ummu tanda'a, 20 sapi su wadda'a, wuṛṛu 100 domba. Wal᷊ine wua isudde lai rusa, kijang, menjangan wuṛṛu manga manu'u winalanganna.

2 TAWARIKH 9:26

I Tou uataṛṛino anambon ratu su wageangngu leta'a apan uapannatta wuassu Sal᷊ukku Efrat maddatingngu wanua Filistin wuṛṛu passarannu Mesir.

TAHIUL᷊E 1:7

Orassa indi hohaṛṛa'e paddasanannu wuṛṛu roote watukku wageangngu panenteannu taumatan Amori wuṛṛu su ahewallu wageangngu leta'a maranine, eteudde Wawal᷊annu Yordan, wageangngu wuidda wuṛṛu leta'a ratakke, wageangngu leta'a su samba'an timukka wuṛṛu su apannu Tahal᷊oangngu Tangngane. Inaite pamanua su leta'u Kanaan wuṛṛu Panenteannu Libanon maddatingngu sal᷊ukka wahewalla Efrat.

TAHIUL᷊E 1:8

I Ya'u, Mawu, buatte naddiandin ahewallu leta'a udde su al᷊amonanu i Abraham, i Ishak wuṛṛu i Yakub see lai papapulunni mangitou. Nariaddi roote pamanua su leta'a udde.’ ”

TAHIUL᷊E 12:20

Napawe Mawu Ruatanu buatte nanggewalla manga passarannu wanuanu ere buatte niriandi-Ne, i yamiu wotongnge uminassa ṛemessa ringannu walate apulun naungngu.

TAHIUL᷊E 34:2

ahewallu wageangngu leta'i Naftali; wageangngu leta'i Efraim wuṛṛu Manasye, wageangngu leta'i Yehuda watukku waṛṛatta araune sara Tahal᷊oangngu Tangngane;

YOEL 2:20

Ammul᷊annu saṛṛappalanna wuassu sawannakka sarun Ta'u limbuaṛṛanna, sambageanganna Ta'u ul᷊uhanna watukku wadda'u anne. Watukku Tahal᷊oangnga Nate Ta'u itol᷊a'a warisanna su monane, watukku Tahal᷊oangnga Tangngane Ta'u limbuaṛṛanna warisana su liudde. Manga winal᷊unanne sarun mahal᷊uru. I mangitou Ta'u pateanna ana waugu buatte nanansara si yamiu.