TAHIUL᷊E 10:22 - WUKE SUSI WATTI'U AL᷊AL᷊USASSA

²² Su tempo iupungngu al᷊amonanu inaite watukku Mesir, reenganni mangitou tumba'u pitun pul᷊o su atoune. Arawe Mawu Ruatanu buatte na'ola'a reengannu anambone ere anumpitanna su langitta.”

TAHIUL᷊E 10:22 Referans Kwoze

PANDARIADDI 46:27

Al᷊aṛṛana'i Yusuf apan nasungkanga su Mesir ruan katou, na'oman sara amonanni Yakub su Mesir sarangkanambone pitun pul᷊o su atoune.

SASABANGNGA 1:5

Papapulunni Yakub udde sarangkanambone pitun pul᷊o su atoune. I Yusuf doronete uatana'a su Mesir.

PANDARIADDI 15:5

Mawu nangapiddi Abram su liudde ana see nabbisara si tou, “Paningngarate langitta, wuṛṛu annama'o pandeengngu manga anumpitanna; i'o sarun manahuanna papapulunna anambone ere manga anumpitanna udde.”

TAHIUL᷊E 1:10

Mawu Ruatanu buatte na'ola'a reengannu a'atambana anambone ere anumpitanna su langitta.

NEHEMIA 9:23

I'o na'ola'a papapulunni mangitou anambone ere manga anumpitanna su winalanganna. I'o nangonggollu leta'a si mangitou maola'a tampa atatanaanne, leta'a apan buatte nipa'ire-Nu su iupungngu al᷊amonane.

TAHIUL᷊E 28:62

Salaiwe reengannu anambone erete anumpitanna su langitta, tumba'u matul᷊unga suwallatti yamiu apan ta'e wiakka, ana waugu i yamiu tawe tumuṛṛutta Mawu Ruatanu.

WATTI'U MANGA RASUL 7:14

Wua'udde i Yusuf nananatan watti'a su iamangnge, eteudde i Yakub tadea'u i Yakub wuṛṛu manga tuṛṛangnge mangingkatta watukku Mesir – sarangkanambone pitum pul᷊o l᷊ima su atoune.

REENGANNA 26:51

Esakku Israel sarangkanambone 601.730 su atoune.

IBRANI 11:12

Salaiwe i Abraham su tempo udde ere taumata apan wadange natete, arawe i tou naasomba walahanna, apan anambone tawe iareengnga – ere anambon anumpitanna su langitta wuṛṛu anne su winggin apanne.

REENGANNA 26:62

Esakka wuassu ṛuanganni Lewi apan uukke sambul᷊anna ire'e sarangakanambone 23.000 su atoune. I mangitou niwoṛṛetta ual᷊aṛṛae wuassu manga taumata sambalahanne, ana waugu i mangitou tawe naasomba leta'a pussa'a su Israel.

PANDARIADDI 22:17

i Ya'u sarun mangal᷊amatta si'o ringannu lumambalanna wuṛṛu ma'ola'a papapulunnu anambone naal᷊ihidda anumputanna su langitta wuṛṛu anambone naal᷊ihidda anne su apannu tahal᷊oangnga. Anangngu pulunnu sarun malluṛṛugu manga seetti mangitou.

TAHIUL᷊E 26:5

Wua'udde su saruannu Mawu Ruatanu, i'o ṛinone mabbisara manga wisara indi: ‘Oh Mawu, iupungngu al᷊amona'u sangkatou taumatan Aram apan lullalele. I tou nangapiddu amonanne watukku Mesir natana'a poiaroddi ere tumatal᷊angnga. Su tempo inai poiaroddi reenganni mangitou tumba'u addio'a, arawe i mangitou naola'a walahanna apan bahewalla wuṛṛu matohassa.

PANDARIADDI 46:26

Papapulunni Yakub apan nabatukku Mesir sarangkanambone annumu pul᷊o annumma su atoune, tawe nasutta manga mananambone.

TAHIUL᷊E 1:11

Antimanna Mawu, Ruatan iupungngu al᷊amonanu sidutu mannamba anambonu ma'oman sara paasaṛṛiwu lappuanna anambone, wuṛṛu ma'ola'a si yamiu walahanna apan ala ere lai buatte nipa'ire-Ne!