TAHIUL᷊E 10:12 - WUKE SUSI WATTI'U AL᷊AL᷊USASSA

¹² “Orassa indi manga tuṛṛangnga, paddaringikke apa darorongngu Mawu Ruatanu wuassi yamiu: Pangaddate Mawu Ruatanu wuṛṛu paatuṛṛutte su al᷊awo'u parenta-Ne. Pandangngute si Tou wuṛṛu pattaṛṛamawute si Tou ringannu ahewallu lal᷊ummu naungngu.

TAHIUL᷊E 10:12 Referans Kwoze

TAHIUL᷊E 6:5

Pandangngute Mawu Ruatanu ringannu ahewallu naungngu: Papal᷊iattaa'e udde sulal᷊ummu pabbiaṛṛannu wuṛṛu sulal᷊ummu inolaannu.

MIKHA 6:8

Tawe! Mawu buatte napal᷊iatta'a si ite apa apan apianne. Apan raddorongan-Ne wuassi ite eteudde tadea'u i ite mabbiakka matul᷊idda, sidutu uararangngu, wuṛṛu ringannu masaṛṛionto'a mabbiakka uaaukka ringannu Ruatan kite.

LUKAS 10:27

Taumata udde sinumimbakka, “ ‘Pandangngute Mawu Ruatanu ringannu ahewallu naungngu wuṛṛu ringannu ahewallu apendammu, ringannu al᷊awo'u auatannu, wuṛṛu ringannu anambon apandenu,’ wuṛṛu ‘Pandangngu sansul᷊ungngu ere lai i'o mandangngu wadangngu sassane.’ ”

TAHIUL᷊E 5:33

Ola'e sarangkanambone apan nititan Mawu Ruatanu si yamiu tadea'u i yamiu su lal᷊umanna'a wuṛṛu sidutu mattatana'a su wanua apan sarun atanaanni yamiu.”

TAHIUL᷊E 11:13

Nariaddi paatuṛṛutte manga parenta apan ta'u niapasingkata si yamiu allo indi; pandangngute Mawu Ruatanu wuṛṛu pattaṛṛamawute si Tou ringannu ahewallu lal᷊ummu naungngu.

MATIUS 22:37

Mawu Yesus sinumimbakka, “Pandangngu Mawu Ruatanu ringannu ahewallu naungngu wuṛṛu ahewallu apulunu wuṛṛu ringannu al᷊awo'u apandenu.

ZEFANYA 3:9

Arawe wua'udde i Ya'u sarun mamal᷊u naungngu manga walahanna udde, na'oman sara i mangitou tumba'u u'al᷊iomanna si Ya'u, wuṛṛu tawe su manga monganna waine. Manga walahanna udde sarangkanambone sarun tumuṛṛutta si Ya'u.

DARALO 34:9

Pendamete sassane aroddi apiane Mawu, lal᷊umanna'a taumata apan uasirungnga si Tou.

TAHIUL᷊E 4:29

Ana see i yamiu sarun maddea'a Mawu Ruatanu, wuṛṛu amungkangngu i yamiu maddea'a si Tou ringannu ahewallu naungngu, i yamiu sarun maasomba si Tou.

IBRANI 12:28

Ana waugu udde, ṛinone i ite ma'adiangkamanna su Ruata, ana waugu i ite nanengkamma wuassi Tou sambau araratuanna apan tawe umio'a. Ṛinone i ite ma'adiangkamanna wuṛṛu mattaṛṛamawu Ruata ringannu addata wuṛṛu atata'utta, tumuṛṛuttu pallal᷊agu apan ipa'apulu-Ne sassane.

YEHEZKIEL 11:20

Ne i mangitou sarun matuṛṛutta su manga atorang-Ku wuṛṛu mararingikka anambon parenta-U. I mangitou sarun maola'a uma-U wuṛṛu i Ya'u sarun maola'a Ruata mangitou.

DARALO 145:20

I Tou mallu'adda suapan taumata apan marangngu si Tou, arawe taumata lal᷊eo nipate-Ne.

DARALO 128:1

Aantarin patatembo. Lal᷊umanna'a su taumata apan ma'imanna wuṛṛu mabbiakka tuttuṛṛutta parentan Duata.

DARALO 81:13

Ana waugu udde i mangitou niwala'u tawe maddaringikka; wala'e i mangitou mappaamattu apulun naungnge sassane.

YOSUA 22:5

Wuṛṛu paariagai tadea'u i yamiu sidutu tuttuṛṛutta tita apan nirolokki Musa si yamiu, eteudde: Pandangngute Mawu Ruatanu, tantalongke apulu-Ne, tantuṛṛutte manga parenta-Ne, pa'ala'e apulu-Ne, ringannu ahewallu naungngu wuṛṛu ahewallu.”

TAHIUL᷊E 30:20

Pandangngute Mawu Ruatanu, paatuṛṛutta si Tou, wuṛṛu paatammuda tumuṛṛutta si Tou. Ne i yamiu wuṛṛu papapulunnu sarun mabbiakka wuṛṛu uukka mal᷊o'engnga su wanua apan nipa'iren Mawu su iupungngu al᷊amonanu, i Abraham, i Ishak wuṛṛu i Yakub.”

TAHIUL᷊E 30:16

Allo indi ya'u mamarenta si yamiu tadea'u mandangngu Mawu Ruatanu wuṛṛu tumuṛṛutta si Tou apiddu tumuṛṛutta al᷊awo'u tita wuṛṛu parenta-Ne tadea'u i yamiu maala wuṛṛu maola'a sambau walahanna apan wahewalla. Mawu Ruatanu sarun mangal᷊amatta si yamiu su wanua apan tate mal᷊annu lai pamanuanni yamiu.

1 YOHANES 5:5

Isai wotongnge maaroappa runia? Tumba'u taumata apan mangngimanna manungku Yesus udde Ana'u Ruata.

1 YOHANES 2:15

Ariete mandangngu runia indi, ara'e al᷊awo'u sarannapa apan sulal᷊ummu runia indi. Amungkangngu i yamiu mandangngu runia, i yamiu tawe mandangngu Iamangnga.

ROMA 8:28

I ite masingkata manungku Ruata mangngatokku al᷊awo'u inolaanna indi, na'oman sara mabbua mapia hunane su manga taumata apan marangngu si Tou wuṛṛu apan niwagoan-Ne ringannu apulu-Ne sassane.

LUKAS 11:42

Nasilakate i yamiu manga taumatan Farisi! Wuan sinuanannu ere salasih wuṛṛu inggu wuṛṛu rampa-rampa waine, i yamiu mangngagillu sambageanganna su Ruata, arawe atatul᷊idda wuṛṛu darangngu su Ruata tawe ia'ola'i yamiu. Sumbal᷊i eteudde ṛinone olaanni yamiu, ringannu tawe manantangngu atoranna waine lai.

AYUB 36:11

Amungkangngu i mangitou tuttuṛṛutta Ruata wuṛṛu mattaṛṛamawu si Tou, i mangitou mabbiakka su paddarame wuṛṛu ala ma'oman sara panginsueannu pabbiaṛṛanne.

TAHIUL᷊E 6:13

Pangaddate Mawu Ruatanu, wuṛṛu tumba'u pattaṛṛamawu si Tou, wuṛṛu amungkangngu i yamiu massalu, passalute tumba'u sulal᷊ummu aran-Ne.

WATTI'U MANGA RASUL 9:31

Ne jamaatta su ahewallu Yudea, Galilea, wuṛṛu Samaria nadamete. Ringannu pammamanaran Ghaṛṛahon Ruata, wuṛṛu matta'uttu Mawu, manga jamaatta udde lembo natohassa wuṛṛu a'atambanna anambone.

ROMA 1:9

I ya'u sidutu uanaungnga si yamiu amungkangngu i ya'u umal᷊iomanna. Ruata matatialane manungku apa apan iwabbatti'u udde atonna. Tumba'u i Tou Ruata apan sassubbangku ringannu ahewallu naungku ringannu namasingkattu Watti'u Al᷊al᷊uassa su ola'u Anang-Nge.

DARALO 18:1

Su piaṛṛa'u mangangantari. Daralon Daud, allangu Mawu. Niantari ipaddalo Mawu sutempo i Daud nipallosa wuassi Saul wuṛṛu wuassu manga seenne.

1 TIMOTIUS 1:5

Pandumannu tatantiro'u udde tadea'u taumata wotongnge maatahuanna naungnga waresi, wuṛṛu lal᷊ummu naungnga apan susi, ana see atonna-tonna mangngimanna Mawu, wuṛṛu ringannu aroddi, wotongnge uararangngu sansul᷊ungnge.

SASABANGNGA 23:25

Amungkangngu i yamiu massubba si Ya'u, Ruatanu, i yamiu sarun Ta'u al᷊amatannu anna wuṛṛu ua'e, wuṛṛu al᷊awo'u radda'a sarun Ta'u iapaarau wuassi yamiu.

TAHIUL᷊E 6:2

Ṛinone i yamiu wuṛṛu papapulunnu su al᷊o'engngu pabbiaṛṛanna mangaddata Mawu Ruatanu wuṛṛu tuttuṛṛutta anambon tita-Ne apan ta'u niapasingkatta si yamiu tadea'u uukku malo'engnga mabbiakka su wanua udde.

TAHIUL᷊E 6:24

Mawu Ruatan kite nandolokki ite tumuṛṛutta anambon tita udde wuṛṛu mangaddata si Tou. Amungkangngu inolaanni ite aroddi, i Tou sidutu mammadul᷊i walahanni ite tadea'u sidutu mabbiakka su al᷊al᷊uassa.

TAHIUL᷊E 10:11

Ana see i ya'u nirolokki Tou inai mamiaṛṛa'i yamiu tadea'u i yamiu wotongnge manahuanna leta'a apan pina'ire-Ne su iupungngu al᷊amonanu.”

TAHIUL᷊E 10:13

Paatuṛṛute al᷊awo'u parentan Mawu apan allo indi iwabbal᷊oru si yamiu ana wa'augu apapianu sassane.

TAHIUL᷊E 11:1

“Pandangngute Mawu Ruatanu, wuṛṛu paatuṛṛutte al᷊awo'u parenta-Ne.

YOSUA 24:14

“Nariaddi, orassa indi,” unni Yosua nanassukku wisarane, “pangaddate Mawu. Pattaṛṛamawute si Tou ringannu naungnga mal᷊uassa wuṛṛu matammuda. Paaraua'a manga passasubba Mawu waine apan sassubannu iunpungngu al᷊amonanu tiwatta su Mesopotamia wuṛṛu su Mesir. Pattaṛṛamawute tumba'u su Mawu sassane.

1 MARARATU 3:3

I Salomo marangngu Mawu wuṛṛu tuttuṛṛutta manga tatantiro wuassu iamangnge, arawe i tou ta'e maṛṛata wuṛṛu mangngonggollu sasamba winatangnga su al᷊awo'u tampa.

DARALO 119:2

Lal᷊umanna'a su taumata apan mappaamattu parenta-Ne, wuṛṛu ringannu ahewallu naungnge maddea'a ma'illal᷊a Mawu.

MANNANASE 12:13

Napewe sarangkanambone buatte ta'u niṛṛingidda, eteindi aunne apan ta'u niasombanganna. Ata'utten Duata wuṛṛu tuṛṛutte al᷊awo'u parenta-Ne. ana waugu tumba'u udde taumata niriaddi-Ne.

TAHIUL᷊E 5:29

Ore amungkangngu i mangitou sidutu uapendamma aroddi! Ore amungkangngu i mangitou sidutu mangngadatta si Ya'u wuṛṛu tuttuṛṛutta anambon tita-U, na'oman sara i mangitou wuṛṛu papapulunni mangitou su al᷊al᷊uassa saran mal᷊annu-l᷊annu!

TAHIUL᷊E 26:16

“Allo indi Mawu Ruatanu namarenta si yamiu iapatuṛṛutta al᷊awo'u parenta indi; ola'e sarangkanambone udde ringannu matuṛṛutta wuṛṛu ringannu ahewallu naungngu.

TAHIUL᷊E 27:10

Ana waugu udde paatuṛṛutte Mawu Ruatanu wuṛṛu daringiṛṛete anambon parenta-Ne apan ta'u nionggola si yamiu allo indi.”

1 SAMUEL 12:20

I Samuel sinumimbakke lai, “Arie mata'utta, salaiwe i yamiu buatte na'ola'a al᷊al᷊eo udde, imbaṛṛangnga manantangngu Mawu, ewe'e sidutu pattaṛṛamawu si Tou ringannu ahewallu naungngu.

2 MARARATU 18:3

I Hizkia pallal᷊agune ma'al᷊uassa naungngu Mawu ere lai i Daud al᷊amonane.

2 MARARATU 18:6

wuṛṛu matuṛutta si Tou. Tawe saran paassa i tou nilumawanga Mawu. Al᷊awo'u parentan Mawu apan nionggola wuassi Musa, iapaamatti Hizkia ringannu atonna-tonna.

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

2 TAWARIKH 15:12

I mangitou naddiandi su Mawu manungku ringannu ahewallu naungnga wuṛṛu niawa, i mangitou sarun mabbiakka tuttuṛṛutta apulun Mawu Ruatan al᷊amonan mangitou.

DARALO 81:14

Eh, unnuwisara al᷊aṛṛana-U maddaringikka si Ya'u, unnuwisara i mangitou maapulu tumuṛutta si Ya'u,