TAHIUL᷊E 1:17 - WUKE SUSI WATTI'U AL᷊AL᷊USASSA

¹⁷ Makkawessa arie mangempen samba'a; suapan taumata ṛinone parikisanni yamiu ringannu olangnge apan uasul᷊ungnga, ringannu tawe mamile taumata udde. Arie pa'ata'utta su saruanni sai-sai, ana waugu laṛṛawessa apan niola'i yamiu udde darantane wuassu Ruata. Amungkangngu sambau hatto tumaniten masahadda si'o, apira'e ringang-Ku, tadea'u i ya'u wotongnge makkawessa.

TAHIUL᷊E 1:17 Referans Kwoze

TAHIUL᷊E 16:19

Sulal᷊ummu makkawessu hatto, i mangitou tawe wotongnge walate apulu mapaasal᷊a ara'e mangempen samba'a. I mangitou lai tawe wotongnge manengkamma roitta, ana waugu roitta udde maawuta taumata, ewe'e lai su taumata pande wuṛṛu matul᷊idda, na'oman sara i mangitou makkawessu hatto tawe su atatul᷊idda.

YAKOBUS 2:9

Arawe amungkangu i yamiu mammile taumata ana waugu ola'u ririne, i yamiu ma'ola'a rosa, wuṛṛu titan Duata napaal᷊iatta'a manungku eteudde i yamiu lumal᷊awangnga tita.

SASABANGNGA 18:26

I mangitou napaamattu manarane naola'a manga mallaṛṛuungnga su walahannu Israel. Manga hatto apan asaharanne iapiddi mangitou si Musa, arawe pattatatiakka maradio'a insueanni mangitou sassane.

AMSAL 24:23

Manga taumata pande buatte nabbisara ereindi: Mallaṛṛuungnga tawe wotongnge mangempe samba'a.

2 TAWARIKH 19:6

wuṛṛu nangonggolu parenta indi si mangitou, “Pammanarate ringannu asingkatta, ana waugu i yamiu makkuungnga wal᷊ine wuassu arannu taumata, ewe'e wuassu arannu Mawu. I tou mallu'adda si yamiu sutempo i yamiu makkawessu hatto.

IMAMATTA 19:15

I yamiu ṛinone matul᷊idda napawe makkuungnga; arie mangempen taumata asiangnga wuṛṛu mata'uttu taumata ala.

SASABANGNGA 18:22

Doloṛṛa'e i mangitou mammanara maola'a mallaṛṛuungngu walahanna indi, sangkatou-sangkatou su wageangnge. Manara indi ṛinone olaanni mangitou ringannu uaatokka. Manga hatto apan asaharanne wotongnge iapiddi mangitou ringannu, arawe pattatatiakka maradio'a wotongnge insuanni mangitou sassane. Olangnge udde ma'aṛṛanna manaranu ana waugu i mangitou niawuatannu manarane.

1 PETRUS 1:17

I yamiu mannagon Duata udde Iamangnga su tempo i yamiu u'al᷊iomanna si Tou. Ne, ete Ruata udde apan mamarikissa taumata tumuṛṛuttu inolaannu sangkatou-sangkatou ringannu tawe pilene. Ana waugu udde tantal᷊anna i yamiu ta'e su runia indi, ṛinone i yamiu mamantuga Ruata sulal᷊ummu wiakku.

1 TESALONIKA 2:4

Tawe! I yami tawe nabbisara see ipalluassa naungngu taumata, ewe'e ipalluassa naungngu Ruata, apan mannal᷊u'atta naungngi yami. Ana waugu i yami aellehannu Ruata wotongnge manal᷊iawukku Watti'u Al᷊al᷊uassa udde.

AMSAL 29:25

Matta'uttu addapattu taumata, pangillul᷊eanne asasusa. Pangimante Mawu, ne i'o sarun matammudda.

2 SAMUEL 14:14

I ite sarangkanambone sarun mate; i ite indi naal᷊ihidda ua'e apan nabboso su leta'a wuṛṛu tate iaammulla apia. Ruata lai tawe mapaawiakku taumata apan natete; ana waugu udde ṛinone doronganna i Tuangku maṛṛingida tadea'u taumata niwuangnga udde sarun mapul᷊e apia.

1 SAMUEL 16:7

Arawe Mawu nabbisara si Samuel, “Arie i'o umanggangu al᷊aṛṛamage wuṛṛu wadangnge mal᷊angkassa; wal᷊ine i tou Ta'u pileanna. I Ya'u tawe ma'ellega wa'ikke, arawe i Ya'u ma'ellega naungnge.”

TAHIUL᷊E 10:17

Mawu Ruatanu roso su wowon al᷊awo'u Mawu wuṛṛu nilumebbe wuassu al᷊awo'u taṛṛino. I Tou Mawu Ruata mawantuga wuṛṛu mataṛṛino apan ṛinone subbanna. I Tou tawe mangempe wuṛṛu tawe lai manengkamma aonggola sasal᷊o'a.

KOLOSE 3:25

Wuṛṛu isai-sai apan na'ola'a pasasal᷊a, sarun mamasanna manga pasasal᷊ane udde; ana waugu Mawu tawe mamile hati.

EFESUS 6:9

Manga tuṛṛangnga apan naola'a mawu! Ṛinone pallal᷊agun kamiu aroddi lai su saruannu manga allangngu. Ariete mappaattu wawansaga. Paanaunge manungku i yamiu wuṛṛu manga allangngu udde, uasul᷊ungnga pia sangkatou mawu, eteudde Mawu apan su surga. I Tou tawe mamile hati.

ROMA 2:11

Ana waugu Ruata ma'ellega anambon taumata udde nassul᷊ungnga.

LUKAS 20:21

Ne manga taumata apan suete nionggol᷊annu roitta udde nabbisara Mawu Yesus, “Iamangnga Huru, i yami masingkatta manungku anambon apa apan iwabbisara wuṛṛu iatantiron Iamangnga udde atonna. I yami masingkatta lai Iamangnga mangngaṛṛa'a ringannu masema-semakka su ola'u apulun Ruata su taumata, ana waugu Iamangnga tawe mamile taumata.

MARKUS 12:14

I mangitou nirumanta ringannu Mawu Yesus wuṛṛu nabbisara, “Iamangnga Huru, i yami masingkatta Iamangnga tawe mangawusu wuṛṛu tawe madaringikka ṛingiṛṛanni sai-sai. Iamangnga mangngaṛṛa'a ringannu masema-semakka su ola'u apulu Ruata su taumata, ana waugu Iamangnga tawe mamile taumata. Ne Iamangnga wotongnge mamasingkatta si yami, ‘Tumuṛṛuttu atorannu agaman kite, wotongnge i ite mamaekka wose su Kaisar ara'e tawe wotongnge? I ite mamaekka wose udde ara'e tawe?’ ”

MATIUS 22:16

Ne i mangitou nandolokku mallal᷊aṛṛenggenni mangitou ringannu Mawu Yesus su sambau ringannu manga pira taumata wuassu samba'an Herodes. Manga taumata udde nabbisara Mawu Yesus, “Iamangnga Huru, i yami masingkatta Iamangnga tawe mangawusu. Iamangnga mangngaṛṛa'a masema-semakka su ola'u apulun Ruata su taumata, tawe maddaringikka adapatti sai-sai. Ana waugu Iamangnga tawe mamile taumata.

YEREMIA 1:17

Pandiahite, Yeremia! Roote wuṛṛu pasingkata'a si mangitou, sarangkanambone apan Ta'u nirolokka si'o. Arie mata'utti mangitou, tadea'u i'o tawe Ta'u olaanna lembon matta'utta lai sumaruanna si mangitou.

AYUB 31:34

I ya'u tawe mata'uttu addapattu awadaalla, wuṛṛu aal᷊uandagu taumata, tawe pandumangku. Taambe saran paassa i ya'u natana'a su wal᷊en ara'e uatinnannangnga aroddi, ana waugu tumba'u matta'utta aal᷊uandahanna.

TAHIUL᷊E 24:17

Imbaṛṛangnga mangaṛṛo saranapa tatahuanannu taumata raho wuṛṛu ana'a asisitimpal᷊ussa, wuṛṛu imbaṛṛangnga manganu laubbu taumata inawal᷊uanna maola'a wataṛṛu.

SASABANGNGA 18:18

Ringannu olangnge aroddi i'o mallotakka watangannu sassane, wuṛṛu lai manga taumata udde. Manara udde tumaniten manambo agasannu sangkatou.

PANDARIADDI 18:25

Ariewe manga taumata apan tawe sal᷊ane udde pateanna suadio'a ringannu taumata pia sal᷊ane. Arie Mawu! Ana waugu amungkangngu udde olaannu Mawu, taumata apan tawe sal᷊ane sarun iṛṛuumanna suadio'a ringannu taumata nassal᷊a. Tawe mariaddi mallaruungngu ul᷊ilin pati'uppa makkungnga tawe su atatul᷊idda!”

TAHIUL᷊E 25:1

Unnu wisara pia darua taumatan Israel inai ringannu mallaṛṛuunga mangalaen sambau hatto, ana see sangkatou tawe niapaasal᷊a wuṛṛu waine niapaasal᷊a.

1 SAMUEL 2:25

Amungkangu pia taumata nassal᷊a su taumata waine, Ruata wotongnge manamba'a si tou; arawe amungkangu taumata na'ola'a rosa su Mawu, isai wotongnge mangontolla si tou?” Arawe i mangitou tawe maddaringikka tatantiron Eli iamangngi mangitou, ana waugu Mawu buatte nakkawessa sarun mamate si mangitou.

2 TAWARIKH 19:5

Su al᷊awo'u soa pia tanda'a watu su Yehuda i tou namile manga mallaṛuungnga,

DARALO 82:2

“Imbaṛṛangnga makkuungngu taumata ringannu mangngempe, wuṛṛu arie panamba'a taumata lal᷊eo.

AMSAL 18:5

Dal᷊eo manamba'a taumata lal᷊eo wuṛṛu mangallangnga taumata tawe sal᷊ane.

MALEAKHI 2:9

Ne i Ya'u sarun ma'ola'a si yamiu aaddio'annu umattu Israel ana waugu i yamiu tawe tumuṛṛutta apulu-U, wuṛṛu ana waugu i yamiu naṛṛaen taumata sutempo mannantiro uma-U.”

AMSAL 28:21

Dal᷊eo udde mammile taumata; arawe piaddu lai mallaṛṛuungnga apan mallinga tumba'u ana see maasomba roitta addio'a.