SONDAPPA 9:20 - WUKE SUSI WATTI'U AL᷊AL᷊USASSA

²⁰ Arawe lambem walahannu taumata apan tawe nipate manga asasusa udde, tawe lai manantangngu lanna'u lima mangitou sassane. I mangitou tawe illol᷊one massubba manga ghaṛṛaho lal᷊eo wuṛṛu manga paal᷊uanna wul᷊awanna, sal᷊a'a, witu'a, watu wuṛṛu alu apan tawe maasilo wuṛṛu tawe maaringikka, ara'e lai maa'amatta.

SONDAPPA 9:20 Referans Kwoze

DANIEL 5:23

Tuangku mammungan batanganne su saruannu Mawu su surga wuṛṛu waṛṛani mandolokka mangapiddu manga mangko apan buatte niaṛṛo wuassu Wal᷊en Mawu. Ana see Tuangku wuṛṛu manga tembonanne, manga awingnga wuṛṛu manga nia'in Tuangku na'inumma wuassu manga mangko wul᷊awanna, sal᷊a'a, witu'a atta'a, alu wuṛṛu watu, manga monganna apan tawe maasilo ara'e maaringikka ara'e tawe maasunna. Tuangku tawe mangaddatta Ruata apan mannantunnu pabbiarṛṛanna wuṛṛu papaten tuangku manantunnu amatannu pabiaṛṛanni Tuangku.

TAHIUL᷊E 31:29

I ya'u masingkatta manungku napawe i ya'u natete, manga taumata udde sarun mabbal᷊i lal᷊eo wuṛṛu maddiriten al᷊aṛṛa'a apan buatte ta'u niaṛṛa'a si mangitou. Wuṛṛu i mangitou sarun aṛṛiaannu asasusa, ana waugu naasa'u Mawu ringannu na'ola'a sarangkanambone apan isassingaddi Tou.”

SONDAPPA 9:21

I mangitou lai tawe manantangngu manga inolaanni mangitou apan lal᷊eo, eteudde pamamate, wal᷊iimmata, pasasandaga wuṛṛu panana'o.

1 TIMOTIUS 4:1

Ghaṛṛahon Duata ringannu masemakka nabbisara manungku su tempo apan sarun rumanta, sangkawageanganna taumata sarun massinaaddi Kristus. I mangitou sarun tumuṛṛutta manga ghaṛṛaho apan mangngal᷊iwu wuṛṛu tumantalonga manga al᷊aṛṛa'u ghaṛṛaho lal᷊eo,

WATTI'U MANGA RASUL 19:26

Orassa indi manga tuṛṛangnga naasilote wuṛṛu naaringikke sassane apa apan niola'i Paulus udde. I tou nabbisara manungku manga monganna apan niola'u taumata, wal᷊inewe monganna atonna. Wuṛṛu i tou namohete manambo taumata mangngimanna al᷊aṛṛangnge, wal᷊ine tumba'u isindi su Efesus, ewe'e maranin su ahewallu leta'u Asia.

WATTI'U MANGA RASUL 7:41

See su tempo udde i mangitou nallanginnu sambau paal᷊uanna ana'u sapi, wua'udde i mangitou nangonggolu sasamba su paal᷊uanna udde wuṛṛu na'ola'a andeangnga ipassubba paal᷊uanna apan nilanginni mangitou sassane.

YEREMIA 1:16

I Ya'u sarun makkuumannu uma-U, ana waugu i mangitou na'ola'a rosa wuṛṛu tinumal᷊iudda si Ya'u. I mangitou buatte nangonggollu manga sasamba su manga mawu waine, wuṛṛu nallanginnu manga paal᷊uanna lapiddu massubba si tou.

2 KORINTUS 12:21

I ya'u mata'utta amungkangngu su tempo i ya'u rumanta Ruata sarun mapaawawo'u su saruanni yamiu wuṛṛu i ya'u sarun lumuai ana waugu manambo su wallatti yamiu dorone marosa, tawe mawal᷊u, wuṛṛu tawe mangillol᷊o ma'ola'a manga inolaanni mangitou apan sussandaga, nagal᷊imutanna wuṛṛu tawe su ṛinone.

YEREMIA 51:17

Naasilo sarangkanambone udde naatutukke taumata, manungku i tou woddo wuṛṛu tawe passasunna. Manga mapapanden bul᷊awanna niawul᷊iannu aranne, ana waugu paal᷊uanna sassubbanna niolangnge palassu wuṛṛu tawe sasangngone.

WATTI'U MANGA RASUL 17:29

Ne, ana waugu ete i ite udde al᷊aṛṛana'u Ruata, i ite tawe wotongnge massunna manungku Ruata udde naal᷊ihida ere paal᷊uanna apan niola'a wuassu wul᷊awanna ara'e sal᷊a'a ara'e watu apan niola'a tumuṛṛuttu apanden taumata.

MATIUS 21:32

Ana waugu i Yohanes Mananaṛṛani nirumanta, wuṛṛu namasilo si yamiu ola'u mabbiakka apan ipaapulu Mawu, arawe i yamiu madiri mangngimanna al᷊aṛṛangnge; arawe manga mallal᷊uṛṛu wose wuṛṛu manga wawine masandaga mangngimanna si tou. Arawe salaiwe i yamiu suete naasilo sarangkanambone udde, i yamiu tawe namal᷊u ṛingiṛṛanni yamiu wuṛṛu tate mangngimanna lai Mawu.”

YEREMIA 44:8

Anio i yamiu ma'ola'a manga inolaanna apan maasa'u si Ya'u? I yamiu nirumanta wuṛṛu natana'a su Mesir, wanua apan awaganannu udde, wua'udde i yamiu nassubbate pa'al᷊uanna wuṛṛu nangonggollu sasamba su manga mongannu wanua udde! Apa i yamiu mappulu makkimunsa'a watangannu sassane tadea'u i yamiu heloannu anambon balahanna su runia wuṛṛu arannu ipaatta ipammontoga?

YEREMIA 25:6

Manga nabi udde manningaddi yamiu massubba wuṛṛu mattaṛṛamawu mawu waine. I mangitou manningaddi yamiu massubba manga paal᷊uanna lanna'u limanu sassane, ana waugu olangnge udde ma'asa'u Mawu. Amungkangngu i yamiu tuttuṛṛutta parenta Mawu udde, i Tou tawe makkuumanni yamiu.

YEREMIA 5:3

Mangke atonna raddorongannu Mawu eteudde tatuṛṛutta. Mawu namuulla si yamiu, arawe i yamiu ma'ielen bagga. I tou nakkimunsa'a si yamiu, arawe i yamiu maddiri aṛṛaanna. I yamiu puane maattikka, wuṛṛu maddiri mawal᷊u wuassu manga rosanu.

DARALO 106:37

I mangitou nangonggolu manga ana'i mangitou, su manga paal᷊uannu Kanaan.

2 TAWARIKH 34:25

I mangitou buatte nanantang-Ku wuṛṛu nangonggolu sasamba su manga mawu waine. Sarangkanambone apan buatte niola'i mangitou mangke naasa'u si Ya'u. I Ya'u nasa'u su Yerusalem, wuṛṛu asasa'u-U tawe umompo'a.

2 MARARATU 22:17

I mangitou buatte nanantangku wuṛṛu nangonggolu sasamba su manga mawu waine. Sarangkanambone apan niola'i mangitou naal᷊al᷊eo naung-Ku. I Ya'u nasa'u si Yerusalem, wuṛṛu asasa'u-U tawe al᷊imbatanna.

TAHIUL᷊E 32:17

I mangitou mangngonggolu sasamba su manga ghaṛṛaho lal᷊eo apan bal᷊ine Ruata, su manga Mawu apan awagananni mangitou, manga Mawu wakku apan tawe iata'uttu al᷊amona mangitou.

SONDAPPA 16:8

Napawe wua'udde mala'ekatta aippane nallal᷊innu lal᷊oṛṛon cawanne su matannallo, ne matannallo niwala mannutungnga taumata ringannu sal᷊ihangnge apan mal᷊oso udde.

YESAYA 41:7

Basen kalu mannohassa naungngu wasen bul᷊awanna, taumata apan mannassala atta'a ringannu sasewa, maddalo taumata manggorappa su wowon dansilanna. Wisarane, ‘Apiawe eteapa manaranu’; ana see nitohanne ringannu tadea'u tawe umio'a.

YESAYA 2:8

Suapan tampa pia passasubba monganna, wuṛṛu i mangitou massubba manga paal᷊uanna apan nilanginni mangitou sassane.

2 TAWARIKH 28:22

Sulal᷊ummu tempo apan masuṛṛippita udde, i Ahas ewe'e lai aatambanna rosane su saruannu Mawu.

IMAMATTA 17:7

Walahannu Israel ṛinone sidutu matuṛṛutta su Mawu wuṛṛu mangke imbaṛṛangnga mamototta winatangnga su manga wailla olaanna sasamba su manga ringnga lal᷊eo. Atoranna udde sidutu tattuṛṛutanna saran mal᷊annu-l᷊annu.

TAHIUL᷊E 4:28

Isudde i yamiu sarun mattaṛṛamawu su manga monganna apan niola'u liman taumata, manga monganna wuassu alu wuṛṛu watu apan tawe maasilo wuṛṛu maaringikka, tawe maanna wuṛṛu maasimbua.

DANIEL 5:4

Lapiddu ma'inumma i mangitou mangke maddalo manga monganna apan niola'a wuasu wul᷊awanna, sal᷊a'a, witu'a alu wuṛṛu watu.

MIKHA 5:13

Manga diṛṛin Mongannu Asyera su wunuanu sarun Ta'u iapaṛṛa'a, wuṛṛu manga soannu apan pia tanda'a watune sarun Ta'u ṛimunsaanna.

SONDAPPA 9:19

Atatohassu manga awal᷊o udde uaraddo su moṛṛonge wuṛṛu lai su tol᷊ene. Manga tol᷊ene naal᷊ihidda atoanna pia puane. Ringannu tol᷊ene udde, manga awal᷊o mannansara taumata.

SONDAPPA 15:1

Wua'udde i ya'u naasilo su langitta sambau apan maatiangnga wuṛṛu tawe sul᷊ungnge. Pia sire pitu mala'ekatta wuṛṛu pitu asasusa apan panginsueanne. Ete indi panginsueanne Ruata mappaarantan asasa'u-Ne.