SONDAPPA 8:8 - WUKE SUSI WATTI'U AL᷊AL᷊USASSA

⁸ See mala'ekatta aruane nattiuppa trompeti tou, ne sambau apan tumanitem bahewalla niasiloanna naal᷊ihidda wowone apan lukkenggama niwontola su tahal᷊oangnga. See sepertiga wuassu tahal᷊oangnga, nawal᷊u nabbal᷊i ṛaṛṛa,

SONDAPPA 8:8 Referans Kwoze

YEREMIA 51:25

Ei Babel, i'o naal᷊ihidda wowone apan nanggohakku ahewallu runia. Arawe i Ya'u, Mawu, sarun mando'appa si'o. I'o sarun Ta'u wol᷊enganna wuṛṛu Ta'u ital᷊inggi see Ta'u iwala matambunna maola'a awu.

MARKUS 11:23

Atonna wotongnge yamiu mabbisara wuidda indi, ‘Awengkette wuṛṛu awontolle su tahal᷊oangnga!’ ne olangnge udde sarun mariaddi si yamiu; sambal᷊iate i yamiu tawe humago'a, wuṛṛu i yamiu mangngimanna manungku apa apan sarun iwisarang kamiu atonna-tonna mariaddi.

SONDAPPA 8:7

Mala'ekatta paarorone nattiuppe trompeti tou, ne uranna eisse wuṛṛu putungnga lal᷊o'annu ṛaṛṛa nangansala su runia. Sepertiga wuassu runia nasue natutungnga; aroddi lai sepertiga wuassu manga aaluanna, wuṛṛu al᷊awo'u nannal᷊o apan ma'elomma.

SONDAPPA 11:6

I mangitou pia taṛṛino ipanutubba langitta tadea'u tawe manguranna tantal᷊anna i mangitou mammasingkatu watti'u Ruata. I mangitou uatahuanna lai taṛṛino su anambon al᷊imatan ua'e, ipamal᷊u ua'e mabbal᷊i ṛaṛṛa. Wuṛṛu i mangitou uatahuanna lai taṛṛino ipamuulla runia ringannu al᷊awo'u hating kasasusa, suapan tempo ipaapulu mangitou.

AMOS 7:4

I ya'u naasomba sambau sondapa wuassu Mawu Apan Atanggaṛṛanne. I ya'u naasilo i Tou tantal᷊anna uasasaddia makkuumannu uman-Ne ringannu putungnga. Putungnga udde nangpodda na'oman sara nasue laudda su al᷊ungngu runia wuṛṛu mannattakke mangngepoddu wawail᷊anna.

YEHEZKIEL 14:9

Amungkangngu sangkatou nabi buatte niwahianna na'oman sara mangonggollu sasimbakka nassal᷊a, ete i Ya'u apan namahia si tou. I Ya'u Mawu Apan Atanggaṛṛanne sarun mallimbuakka si tou wuassu manga taumatan Israel.

ZAKARIA 13:8

wuṛṛu su ahewallu wanua darua per tatallu wuassu tumanangnge sarun mate.

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

SONDAPPA 9:15

See sire appata mala'ekatta udde nipallose. I mangitou suete nisaddia mandiaga orassa, allo, wul᷊anna wuṛṛu tonna, udde hunane ipamate sepertiga wuassu anambon taumata.

SONDAPPA 9:18

Sepertiga wuassu anambon taumata, nipaten tatallu asasusa udde; eteudde putungnga, timbula, wuṛṛu belerangnga apan sinumabbanga wuassu moṛṛongu manga awal᷊o udde.

SONDAPPA 12:4

Ringannu tol᷊ene i tou nanggemonnu sepertiga wuassu manga anumpitanna su langitta wuṛṛu nituntunga watukku runia. Naga udde uarisikka su saruannu wawine apan mangunsiwete udde ringannu panduma mangallupa anangnge, napawe i tou niasungkangke.