SONDAPPA 6:14 - WUKE SUSI WATTI'U AL᷊AL᷊USASSA

¹⁴ Langitta nawul᷊i naal᷊ihidda ere suratta nilul᷊unna, wuṛṛu anambon bowone wuṛṛu manga taṛṛanusa niingkata wuassu tampane.

SONDAPPA 6:14 Referans Kwoze

YESAYA 34:4

Matannallo, wul᷊anna wuṛṛu manga anumpitanna sarun maṛṛimunsa'a. Langitta sarun lul᷊unanna ere lul᷊unnu suratta. Manga anumpitanna sarun manawo ere manga rongnga apan natontongnga wuassu alune.

SONDAPPA 16:20

Anambon taṛṛanusa nawontola, wuṛṛu anambon bowone nawul᷊ussa.

2 PETRUS 3:10

Arawe Allo darantan Mawu sarun rumanta ere darantan taṛṛa ta'o. Su Allo udde langitta sarun mawul᷊i ringannu tingikka ruddallu'a, wuṛṛu manga saranapa su langitta sarun masue matutungnga, wuṛṛu runia ringannu al᷊awo'u lal᷊oṛṛone sarun mawul᷊i.

DARALO 102:26

dorone I'o nandiaddi runia; langitta lai lanna'u lima-Nu.

SONDAPPA 20:11

Napawe wua'udde i ya'u naasilo sambau adderan araratuanna mawira apan bahewalla wuṛṛu i Tou apan ua'ianna su wowone. Langitta wuṛṛu runia nawul᷊i wuassu saruan-Ne na'oman sara tate lai iasilo.

YEHEZKIEL 38:20

Anambon inassa wuṛṛu manu'u winalanganna, anambon binatangnga wahewalla wuṛṛu maradio'a, wuṛṛu anambon taumata su runia sarun mangngindon atata'utta sumaruanna si Ya'u. Manga wowone sarun matannekka, manga rampissa sarun moṛṛotta wuṛṛu anambon darandungnga sarun maṛṛa'a.

YESAYA 54:10

Salaiwe manga wowone manga wuidda umio'a, i Ya'u tawe illol᷊one tumal᷊antummu. Pa'airen paddarame-U sidutu Ta'u aggasanna,” wisara Mawu apan mandangngu si'o.

SONDAPPA 21:1

See i ya'u naasilo langitta apan bakku wuṛṛu runia wakku. Langitta paarorone wuṛṛu runia paarorone nawul᷊ite, wuṛṛu tahal᷊oangnga lai nawul᷊i.

HABAKUK 3:6

Napawe I'o mattaalla, runia umio'a; napawe I'o ma'ellega, manga walahanna mangindo. Manga wowone apan mal᷊annute mangke napapesangnga; manga wuidda apan al᷊annuanne lai nattingkawawo, ete su manga wuidda udde I'o u'amatta ro'en tempo dorone.

NAHUM 1:5

Manga wowone mangngiladda su saruan-Ne; wuṛṛu wuidda lai nabbal᷊i niumolokka abbi. Napawe Mawu rumanta, runia mangngiladda, runia wuṛṛu anambon tumanangnge mangngindo.

YEREMIA 51:25

Ei Babel, i'o naal᷊ihidda wowone apan nanggohakku ahewallu runia. Arawe i Ya'u, Mawu, sarun mando'appa si'o. I'o sarun Ta'u wol᷊enganna wuṛṛu Ta'u ital᷊inggi see Ta'u iwala matambunna maola'a awu.

HABAKUK 3:10

Naasilo Si'o, manga wowone niumio'a wuassu langitta sinumossokka uranna ere nilal᷊inna. Ua'e sulal᷊ummu lete'a maddallu'a tingikke, luangnge wahahewalla wuṛṛu mabbasse.

YEREMIA 3:23

Mangke suadio'a i yami mangngelekka massubba paal᷊uanna su manga puiddu wowone! Aontolla su Israel tumba'u darantane wuassu Mawu Ruatang kami.