SONDAPPA 5:5 - WUKE SUSI WATTI'U AL᷊AL᷊USASSA

⁵ See sangkatou wuassu manga piaṛṛange udde nabbisara si ya'u, “Arie palluai! Pa'ellege! Singa wuassu walahannu Yehuda, papapulunni Daud apan wahewalla, suete naauntunga! I tou wotongnge mamesangnga pitu segele udde wuṛṛu mamu'a wuke udde.”

SONDAPPA 5:5 Referans Kwoze

YESAYA 11:1

Pallaṛṛiten Ratu Daud ere alu apan buatte nituwangnga. Arawe su ereapa wuassu tuidde tinumuwo solla wakku, aroddi lai wuassu pallaṛṛiten Daud sarun sumabbangnga sangkatou ratu.

SONDAPPA 22:16

“I Ya'u, Mawu Yesus, suete nandolokku malaeka-U si yamiu tadea'u i tou mamasingkatu manga olangnge indi su manga jamaatta. I Ya'u indi papapulunni Daud; ete i Ya'u aṛṛusuallo apan masemakka udde.”

IBRANI 7:14

Anambon taumata masingkata manungku Mawung kite niarantanne wuassu walahanni Yehuda; wuṛṛu i Musa tawe saram paassa nanaggom walahanna udde su tempo i tou mabbisara su ola'u manga imam.

ROMA 15:12

Wuṛṛu indi lai apan niwal᷊on Yesaya, “Wuassu papapulunni Isai sarun rumanta sangkatou taumata apan sarun mamarenta manga walahanna; wuṛṛu ete si Tou manga walahanna udde sarun mangantimma.”

ROMA 1:3

Watti'u Al᷊al᷊uassa udde mabbatti'u Ana'u Ruata, eteudde Mawun kite Yesus Kristus. Su ola'u saṛṛene ere taumata, i Tou walahanni Daud,

YESAYA 11:10

Tempone sarun dumanta sangkatou ratu pallaṛṛiten Daud maola'a punnu aellegu manga walahanna. I mangitou sarun dumanta ringanni tou, wuṛṛu tampa atatanaanne mangke raddaloanna.

SONDAPPA 6:1

Wua'udde i ya'u naasilo Ana'u Domba udde namesangnga segele paarorone su wallatu segele pitu udde. See ya'u naaringikka sambau su wallatu riadianna udde nabbisara, “Wette!” Tingikke naal᷊ihidda ere tingikku rallu'a.

SONDAPPA 4:4

Sulal᷊ummu atokke mal᷊imbulunna apan uapal᷊iwutta adderan araratuanna udde, pia ruam pul᷊o appata adderan araratuanna waine. Isudde ua'ianna ruam pul᷊o appata piaṛṛange apan uapedettu mawira, wuṛṛu ual᷊uṛṛen araposa wul᷊awanna.

YEREMIA 31:16

Illol᷊oa'e lal᷊uainu wuṛṛu peddate allo matanu! Sahaddu sarun pia lal᷊antakke su al᷊aṛṛanangngu. Si'o sarun pia bawal᷊inne, manga anangngu sarun mapul᷊e wuassu wanuan seetta.

SONDAPPA 7:13

Sangkatou wuassu wallatu manga piaṛṛange udde naiwal᷊o si ya'u, “Manga taumata apan ual᷊uṛṛen juba mawira indi, isai i mangitou wuṛṛu wuassuapa i mangitou nirumanta?”

SONDAPPA 4:10

sire ruam pul᷊o appata piaṛṛange udde uaaruutta su saruannu taumata apan ua'ianna su adderan araratuanna udde, see massubba si Tou apan wiakka saran mal᷊annu-l᷊annu. Wua'udde i mangitou nanuntungngu manga araposan araratuanni mangitou su saruannu adderan araratuanna udde lapiddu nabbisara,

SONDAPPA 1:1

Lal᷊oṛṛon wuke indi mabatti'a su ola'u apa apan suete niapaal᷊iatta'u Mawu Yesus su ola'u manga arariaddianna apan sarun mariaddi. Ruata namasingkata Mawu Yesus tadea'u i Tou mamasingkata su manga allangngu Ruata, apa apan ṛinone mal᷊ihakke mariaddi. Kristus nandolokku mala'ekan-Ne si Yohanes, allang-Nge, iapapasingkatu manga arariaddianna udde si tou.

YOHANES 20:13

Manga mala'ekatta udde naiwal᷊o, “Inangnga, anio lulluai?” I Maria sinumimbakka, “Mawu'u suete nianu, wuṛṛu i ya'u wagga i Tou niaddo suapa.”

LUKAS 7:13

Napawe Mawu Yesus naasilo wawine wal᷊u udde, i Tou inumakkannu wawine udde see nabbisara, “Arie palluai Inangnga!”

REENGANNA 24:9

Walahanna udde naal᷊ihidda singa esakka wuṛṛu singa wawine, apan uarammangnga wuṛṛu uatattere. Isai waṛṛani mamu'o si tou? Doronganna taumata apan mangal᷊amatta si'o sarun al᷊amatanna, wuṛṛu taumata apan mamontoga si'o sarun wontohanna.”

LUKAS 23:28

Arawe Mawu Yesus nanaile wuṛṛu nabbisara, “Ei, manga wawinen Yerusalem! I Ya'u arie palluaie. Luaiten watanganni yamiu sassane wuṛṛu al᷊aṛṛanangngu.

LUKAS 8:52

Anambon taumata tantal᷊anna lulluai wuṛṛu massusa ana waugu apapaten ana'a udde. Arawe Mawu Yesus nabbisara, “Arie palluai. Ana'a udde tawe nate, i tou tumba'u mattiilla!”

DANIEL 7:16

Wua'udde nangundanin suwallattu sangkatou apan uarisikka poiaroddi wuṛṛu i ya'u naddorongnga tal᷊aane su ola'u sarangkanambone udde. Ne i tou lai namasingkattu udde.

SONDAPPA 3:21

I mangitou apan naauntunga, sarun Ta'u iwala uma'ianna su adderan araratuang-Ku su sambau ringang-Ku, ere i Ya'u sassane lai suete na'auntunga wuṛṛu orassa indi ua'ianna suadio'a ringannu Iamang-Ku su adderan araratuan-Ne.

SONDAPPA 5:4

Ne i ya'u nilumuai atonna-tonna ana waugu tawe saran sangkatou apan wotongnge maawu'a wuke udde, wuṛṛu ma'ellega lal᷊umme.

1 MARARATU 10:20

Su pentakke aiṛṛi wuṛṛu su pentakke aikkatanna suapan tal᷊ataddu tuadda udde pia paal᷊uannu singa – sarangkanambone mapul᷊o dua su waune. Tawe saran paassa pia adderan araratuanna ereudde su al᷊awo'u araratuanna.

2 TAWARIKH 9:18

Addera udde pia tata'iakke wuṛṛu su ruan baane pia paal᷊uannu singa. Addera udde lai pia tal᷊attaddu tuadde, annumma, wuṛṛu sambau pangangandangannu ledda apan nioosannu wul᷊awanna. Tampan ledda udde niṛṛaiddu adderane.

AYUB 41:15

Naal᷊ihidda allungnga ual᷊al᷊apissa, uddewe liudde uareetta matohassa, naal᷊ihidda watu langgikka.