SONDAPPA 4:1 - WUKE SUSI WATTI'U AL᷊AL᷊USASSA

¹ Wua'udde ya'u naasomba aellega lai. I ya'u naasilo sambau ngara nawu'a su surga. Wua'udde inaringikka lai tingikka apan paarorone suete nabbisara si ya'u ere tingikku trompeta. Tingikka udde nabbisara, “Wette rangante isindi. I Ya'u sarun mamasingkata si'o apa apan sarun mariaddi murine.”

SONDAPPA 4:1 Referans Kwoze

SONDAPPA 11:12

Wua'udde ruang katou nabi udde naaringikka tingikka ma'ikkatta namago si tarua wuassu surga, “Wette rangante isindi!” See su saruannu aellegu seetti mangitou, itarua nirumangante su surga, aoopannu winabbawa.

SASABANGNGA 24:12

Wua'udde Mawu nabbisara si Musa, “Rantate ringang-Ku su puiddu wowone. Isudde sarun Ta'u ionggolla si'o watu darua apan buatte Ta'u niwoṛṛetannu anambon tita-U. Anambon tita udde Ta'u nionggolla maola'a al᷊aṛṛa'a su walahanna udde.”

SONDAPPA 1:19

Ana waugu udde woṛṛetta'a manga inolaanna apan niasiloannu, eteudde manga inolaanna apan sarun mariaddi orassa indi wuṛṛu manga inolaanna apan sarun mariaddi sal᷊immurine.

SONDAPPA 1:10

Su allo Mawu, i ya'u niaasuttannu Ghaṛṛahon Ruata, see i ya'u naaringikka tingikka apan ma'ikkatta – nassul᷊ungngu tingikku trompeta – mabbisara su liu'u.

MARKUS 1:10

Aroddi Mawu Yesus nilumapputta wuassu sal᷊ukka udde, i Tou naasilo langitta nawu'a wuṛṛu Ghaṛṛahon Ruata naal᷊ihida ere manu'a merpati inumonto'a si Tou.

SONDAPPA 22:6

See mala'ekatta udde nabbisara si ya'u, “Manga wisara indi atonna wuṛṛu wotongnge apangimananna. Mawu Ruata apan nangonggolu Ghaṛṛaho-Ne su manga nabi, suete nandolokku malaekan-Ne mamantingida su manga allang-Nge apa apan sarun mal᷊ihakke mariaddi.”

SONDAPPA 16:17

Napawe wua'udde mala'ekatta appitune nallal᷊innu lal᷊oṛṛon cawanne su winalanganna. Ne niaringikke tingikka apan ma'ikkatta wuassu adderan araratuannu Wal᷊e Mawu, apan nabbisara, “Nasuete!”

WATTI'U MANGA RASUL 7:56

“Pa'ellega” unni Stefanus, “i ya'u ma'asilo surga nawu'a wuṛṛu Ana'u Taumata uarisikka su samba'an uanannu Ruata!”

YOHANES 16:13

Arawe amungkangngu Ghaṛṛaho udde rumanta, eteudde i Tou apan napaal᷊iatta'u atatul᷊iddu Ruata i yamiu sarun ehetan-Ne iapaaillal᷊a anambon apan taṛṛino. I Tou tawe mabbisara wuassu riri-Ne sassane arawe mamasingkattu apa apan suete niaringiṛṛanne, wuṛṛu i Tou namasingkatta si yamiu apa apan sarun mariaddi su allon sal᷊immurine.

LUKAS 3:21

Napawe manga taumata udde nissaṛṛanite, Mawu Yesus lai nissaṛṛani. Wuṛṛu tantal᷊anna i Tou u'al᷊iomanna, langitta nati'akka,

SASABANGNGA 19:24

Mawu sinumimbakka, “Sossokke, ana see pabbelengke isindi suadio'a ringanni Harun. Arawe manga imam wuṛṛu manga tumanangnge tawe wotongnge malliu passaranna wuṛṛu rumanta ringang-Ku. Amungkangngu i mangitou malliu, i mangitou Ta'u iṛṛuumanna.”

WATTI'U MANGA RASUL 10:11

I tou naasilo langitta nawu'a wuṛṛu pia sambau naal᷊ihida ere mal᷊aṛṛenessa apan mal᷊al᷊akka, ia'ul᷊ukka watukku runia ua'ele su wuune appata.

MATIUS 3:16

Napawe suete nissaṛṛani, Mawu Yesus mal᷊iha-l᷊ihakka sinumapputta wuassu ua'en sal᷊ukka udde. Inaṛṛombanganne langitta nawu'a wuṛṛu Mawu Yesus naasilo Ghaṛṛahon Ruata niumonto'a ere manu'a merpati niumarunna si Tou.

SASABANGNGA 1:1

I Yakub apan isassago lai Israel, inaite watukku Mesir ringannu al᷊aṛṛanangnge wuṛṛu amonanni mangitou sambau-sambau. Manga ana'i Yakub eteudde:

YEHEZKIEL 1:1

Su allo al᷊imane wul᷊anna aiappanne su tonna tallun pul᷊o, sulal᷊ummu tonna al᷊imane ro'en i Ratu Yoyakhin niapidda su pamamuanganna, i ya'u, Imam Yehezkiel ana'i Busi, isudde su winggin Sal᷊ukku Kebar su Babel suadio'a ringannu manga taumatan Yahudi apan niwuangnga waine. Inaṛṛombanganne langitta nawu'a wuṛṛu i ya'u naasomba sondappa su ola'u Ruata. I ya'u naaringikka Mawu nabbisara si ya'u wuṛṛu i ya'u naapendamma atatohassu taṛṛino-Ne.

SONDAPPA 1:12

I ya'u nanaile watukku liudde ma'ellega isai udde mabbisara si ya'u. See i ya'u naasilo pitum bua leddan sol᷊o apan niola'a wuassu wul᷊awanna.

SONDAPPA 11:19

Ne, nawu'ate Wal᷊en Ruata su surga, wuṛṛu niasiloante Wantalu Pa'aire sulal᷊umme. See nariaddite sawallo ma'ilatta wuṛṛu tingikku rallu'a mappose wuṛṛu ruddallu'a, see lai linukka wuṛṛu uranna eissa apan masassaga.

SONDAPPA 19:11

Wua'udde i ya'u naasilo surga nawu'a, see niasiloanna sambau awal᷊o mawira. Sumasa'e-Ne aranne Matuṛṛuta wuṛṛu Atonna. I Tou matul᷊idda sulal᷊ummu mangema'u ṛuumanna wuṛṛu sulal᷊ummu pangalo apan niolang-Nge.

AMSAL 25:7

Mappianne iapasa'e su tampa apan lembon mawantuga wuassu irolokka mangonggollu aianannu taumata apan pangkanne matanggakka.