SONDAPPA 3:4 - WUKE SUSI WATTI'U AL᷊AL᷊USASSA

⁴ Arawe su pattangngani yamiu su Sardis ta'e pia taumata uariaga tadea'u laungnge sidutu waresi. I mangitou udde sarun umamatta suadio'a ringang-Ku ringaannu uapedettu mawira, ana waugu i mangitou su ṛinone mappaattu udde.

SONDAPPA 3:4 Referans Kwoze

SONDAPPA 7:9

Wua'udde i ya'u na'ellega apia, see niasiloanna taumata tumanite manambo – tawe saran sangkatou taumata apan wotongnge maareengngu anambone. I mangitou udde manga taumata wuassu al᷊awo'u walahanna, ṛuanganna, araratuanna, wuṛṛu wahasa. Ringannu uapeddetu jubah mawira-wira wuṛṛu ringannu uaaggasa manga rannang kalu palem su limane, manga taumata manambo udde dirumarisikka sinumaruanna adderan araratuanna wuṛṛu sinumaruanna Ana'u Domba udde.

SONDAPPA 3:5

Si mangitou apan naauntunga sarun luṛṛeannu jubah mawira. Aranni mangitou tawe Ta'u pappasanna wuassu Wuken Taumata Wiakka. Wuṛṛu su saruannu Iamang-Ku wuṛṛu manga mala'ekan-Ne i Ya'u sarun manga'u manungku i mangitou udde pussa'a-U.

SONDAPPA 6:11

I mangitou sangkatou-sangkatou nionggol᷊annu jubah mawira sambau. See i mangitou nirolokka niapaillol᷊o tal᷊ang kadio'a lai, ma'oman sara masuungnga reengannu manga hawe sangkamanaranna wuṛṛu manga tuṛṛangi mangitou apan sarun pateanna lai ere i mangitou.

MANNANASE 9:8

Wala'e hatinu matilangnga wuṛṛu mal᷊aukka.

SONDAPPA 19:14

Tantaram pangalo wuassu surga uatantalongnga si Tou ringannu uasa'e manga awal᷊o mawira, wuṛṛu uapeddetu lenan mawira wuṛṛu waresi.

SONDAPPA 4:4

Sulal᷊ummu atokke mal᷊imbulunna apan uapal᷊iwutta adderan araratuanna udde, pia ruam pul᷊o appata adderan araratuanna waine. Isudde ua'ianna ruam pul᷊o appata piaṛṛange apan uapedettu mawira, wuṛṛu ual᷊uṛṛen araposa wul᷊awanna.

SONDAPPA 3:18

Ana waugu udde i Ya'u manantiro si yamiu tadea'u mamalli wul᷊awanna wuassia-U, eteudde wul᷊awanna apan apianne, tadea'u i yamiu maola'a ala. Pamallite lai laubba mawira wuassia-U tadea'u i yamiu pia peddeta wuṛṛu ipami'unte wadangi yamiu apan tantol᷊e wuṛṛu ma'asili. Wuṛṛu pamallite lai undama ipamuṛṛa matanu tadea'u i yamiu wotongnge maasilo.

SONDAPPA 19:8

Peddeta lenan apan sussal᷊endapa suete nionggolla si tou iapaal᷊uṛṛe.” (Peddeta lenanna udde eteudde manga inolaanna apan mapia apan niola'u al᷊aṛṛana'u Ruata.)

YUDAS 1:23

Wol᷊engke taumata udde paasabbanga'a wuassu lal᷊ummu putungnga ana see i mangitou masal᷊amatta. Su saruannu manga taumata waine ṛinone i yamiu mapaal᷊iatta'u darangngu rarundinganannu apendama matta'utta, arawe arantinten sara lai laubbi mangitou apan napenen luhudu al᷊al᷊eo mangitou apan marosa.

LUKAS 21:36

Paariagate, wuṛṛu sidutu a'al᷊iomanna tadea'u i yamiu matohassa mamipen al᷊awo'u hatto apan sarun mariaddi wuṛṛu i yamiu wotongnge sumaruanna Ana'u Taumata.”

MARKUS 16:5

See i mangitou sinumuttate su lal᷊abinganna udde. Sulal᷊umme su samba'a aikkatanna i mangitou naasilo sangkatou umbasanna ual᷊uṛṛen jubah mawira tantal᷊anna ua'ianna, ne i mangitou mangke niṛṛumoro.

LUKAS 20:35

arawe manga taumata apan wotongnge iapawangunna napawe suete nate, wuṛṛu mabbiakka su tempo addantane, i mangitou tawe ma'awingnga.

MATIUS 10:11

Amungkangngu i yamiu na'omate su soa ara'e su ampungnga, paddea'e sangkatou apan maapulu manarimmatta si yamiu. Atana'e ringanni tou ma'oman sara i yamiu umamatta apia.

SONDAPPA 11:13

Ne su tempo udde nariaddite linukka apan masaddata. Sepermapul᷊o wuassu soa udde naṛṛimunsa'a, wuṛṛu pitu ṛiwu taumata nate ana waugu linukka udde. Manga taumata waine lembon matta'utta, see i mangitou nadalote awawantugu Ruata su surga.

2 TESALONIKA 1:5

Isindi nasemakke aroddi atul᷊idde pamamarikissu Ruata: I yamiu suete natataṛṛanga ana waugu Runia Wakkun Duata, ana waugu udde i yamiu wotongnge sumutta sulal᷊umme.

YESAYA 64:6

I yami sarangkanambone uddewe taumata marosa, ewe'e lai inolaanni yami apan mapia udde lal᷊eo wuṛṛu tawe waresi. I yami sarun mawul᷊i ana waugu al᷊al᷊eong kami naal᷊ihidda rongnga tinumolangnga nitalla'u anginna.

YESAYA 61:10

Yerusalem nabbisara, “I ya'u lulluassa ana waugu Mawu, naungku lullal᷊a'a ana waugu Ruata. Naal᷊ihidda ma'aawingnga esakka wuṛṛu wawine uapa'attu lal᷊oggakka mangkaṛṛansanga, etearoddi Mawu nameddetta si ya'u laubbu asasal᷊amatta wuṛṛu auntunganna.

YESAYA 52:1

Pabbangunte, ei Yerusalem, pabbangunte! Tohasse naungngu! Luṛṛea'e laubbu awawantugu! Ei Yerusalem, soa apan susi, taumata marosa tate lai maasutta sumabbi su ngaranu.

ESTER 8:15

Wua'udde Mordekhai nanantangngu wal᷊en araratuanna ringannu nalluṛṛen laubbu awawantuga kalurene ma'elomma wuṛṛu mawira, juba ungu wuassu linen al᷊ussa wuṛṛu mahkota wul᷊awanna apan maṛṛansangnga atonna. Soa Susan huggio ana waugu lulluassa.

WATTI'U MANGA RASUL 1:15

Su allo sambau, su tempo i mangitou tantal᷊anna uaammulla – iraṛṛangngo pia maṛṛasutta ruam pul᷊o su atoune nirumanta – i Petrus dirumarisikka mabbisara. I tou nabbisara,

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

YESAYA 1:9

Unnuwisara Mawu Apan Lembontaṛṛino, tawe mandalukka manga pira taumata hunan kite, i ite lai nasuete abbi, ere Sodom wuṛṛu Gomora.

1 MARARATU 19:18

Arawe 7.000 su atoune su Israel sarun Ta'u iapasal᷊amatta, eteudde manga taumata apan sidutu matuṛṛutta si Ya'u wuṛṛu tawe saran paassa niumal᷊intudda massuba paal᷊uanni Baal ara'e nangari'a.”

SONDAPPA 1:11

Tingikka udde nabbisara, “Woṛṛetta'a apa apan niasiloannu, wuṛṛu onggol᷊a'a wuke udde su pitu jamaatta apan isassago indi: Efesus, Smirna, Pergamus, Tiatira, Sardis, Filadelfia, wuṛṛu Laodikia.”

SONDAPPA 14:4

I mangitou udde manga taumata apan sidutu na'ukkassa ere maṛṛuala susi, ana waugu tawe uaaukka suadio'a ringannu wawine. I mangitou uatantalongnga Ana'u Domba udde suapan tampa i Tou inai. Wuassu wallatu anambon taumata, tumba'u i mangitou apan suete nipallosa maola'a sasamba apan paarorone su Ruata wuṛṛu su Ana'u Domba.

IMAMATTA 13:48

ara'e su pisi ara'e sarangkanambone apan niola'a wuassu pisi,