SONDAPPA 3:3 - WUKE SUSI WATTI'U AL᷊AL᷊USASSA

³ Nariaddi, naungete apia-apa apan suete niaṛṛa'a si yamiu rorone wuṛṛu apa apan suete niaringiṛṛani yamiu. Ola'e udde wuṛṛu awal᷊ute wuassu manga rosanu. Amungkangu i yamiu tawe maatimpu'o, i Ya'u sarun rumanta ringanni yamiu ere sangkatou taṛṛa ta'o; wuṛṛu i yamiu wagga tingngerate tempone i Ya'u rumanta.

SONDAPPA 3:3 Referans Kwoze

SONDAPPA 2:5

Ana waugu udde, paanaungete tumaniten marau i yamiu nanawo! Awal᷊ute wuassu manga rosanu, wuṛṛu pa'ola'e ere inolaanni yamiu rorone. Amungkangu tawe, ne i Ya'u sarun rumanta ringanni yamiu wuṛṛu manawutta leddan sol᷊onu udde wuassu tampane.

2 PETRUS 3:10

Arawe Allo darantan Mawu sarun rumanta ere darantan taṛṛa ta'o. Su Allo udde langitta sarun mawul᷊i ringannu tingikka ruddallu'a, wuṛṛu manga saranapa su langitta sarun masue matutungnga, wuṛṛu runia ringannu al᷊awo'u lal᷊oṛṛone sarun mawul᷊i.

1 TESALONIKA 5:2

Ana waugu i yamiu sassane masingkatta ringannu masemakka manungku allon darantan Mawu udde sarun rumanta ere taṛṛa ta'o su tempo ṛabbi.

SONDAPPA 16:15

“Daringiṛṛete! I Ya'u rumanta ere taṛṛa ta'o! Al᷊al᷊uassa su taumata apan sidutu uataṛṛapa wuṛṛu uariaga peddene, ma'oman sara i tou tawe umamatta tantol᷊e wuṛṛu masili su saruannu awadaalla!”

MATIUS 25:13

See Mawu Yesus nanginsuete sasumandingnga udde arendi, “Ana waugu udde paariaga, ana waugu i yamiu wagga allone ara'e oranne.”

IBRANI 2:1

Ana waugu udde i ite ṛinone lembon mangaggasa atonna-tonna manga al᷊aṛṛa'a apan suete niaringiṛṛani ite, tadea'u i ite tawe manantangngu pangangimanni ite.

1 TIMOTIUS 6:20

Apa apan suete tinantilla si yamiu, paariagai udde mapia-pia, Timotius! Paarau manga hatto apan tawe gunane wuṛṛu patatatiakka su ola'u inolaanna apan mangngal᷊iwu isassago “Asingkata”.

MARKUS 13:36

Amungkangngu i tou nirumanta awagananna, arie ma'oman sara i tou maaratingnga si yamiu tantal᷊anna mattiilla.

MARKUS 13:33

Nariaddi yamiu ṛinone paariaga ana waugu i yamiu wagga tingngerate tempone.

YEHEZKIEL 36:31

I yamiu sarun maanaungnga pallal᷊agunu apan dal᷊eo wuṛṛu inolaannu apan tawe suṛṛinone udde, ana see i yamiu mabbal᷊i mammuta batangannu sassane ana waugu manga rosa wuṛṛu al᷊al᷊eonu udde.

SONDAPPA 3:19

Manga taumata apan arangnguang-Ku, ete i mangitou apan Ta'u tagguanna wuṛṛu wabbal᷊anna. Ana waugu udde ṛinone i yamiu maṛṛimadda mammanara, wuṛṛu awal᷊ute wuassu manga rosanu.

2 PETRUS 3:1

Manga tuṛṛangnga apan arangnguanna! Ete indi sura'u aruane si yamiu. Sulal᷊ummu suratta darua indi, ya'u mangke mappandumma mapaasabangu manga ṛingiranna apan mapia si yamiu.

SONDAPPA 3:11

I Ya'u mal᷊ihakke rumanta! Paariagai paapia-pia apa apan tatahuananni yamiu, tadea'u tawe saran sangkatou mangaṛṛo lal᷊antaku auntungannu.

SONDAPPA 2:25

Arawe ma'oman sara i Ya'u rumanta apia, ṛinone i yamiu sidutu tuttuṛṛuta apa apan suete niatahuananni yamiu.

2 PETRUS 1:13

Tantal᷊anna i ya'u ta'e wiakka, i ya'u mangke mapaanaungngi yamiu su olangnge udde.

2 TIMOTIUS 1:13

Tantuṛṛute ringannu atonna-tonna al᷊aṛṛa'a mapia indi apan suete ta'u nionggolla si yamiu. Wuṛṛu ṛinone i'o sidutu uaagasa pangangimanna wuṛṛu darangngu apan naola'a tatahuananni ite ana waugu uaaukka ringanni Kristus Yesus.

YEHEZKIEL 20:43

Poiaroddi i yamiu sarun maanaungnga anambon inolaanna apan maarantinna apan buatte naarosa watangannu. Ne i yamiu sarun maddantinna maanaungnga anambon arariadianna udde.

SONDAPPA 3:2

Ana waugu udde apu'ote, wuṛṛu panohasse apa apan ta'e pia si yamiu tantal᷊anna udde taambe nate abbi. Ana waugu i Ya'u naaratingnga manungku inolaanni yamiu, taambe saran sambau apan nasuungnga su saruannu Ruata.

SONDAPPA 22:7

“Panutukke indi!” wisara Mawu Yesus, “I Ya'u sarun mal᷊ihakka rumanta. Lal᷊umanna'a su taumata apan tuttuṛṛuta manga ṛengetanna sulal᷊ummu wuke indi!”