SONDAPPA 3:17 - WUKE SUSI WATTI'U AL᷊AL᷊USASSA

¹⁷ I yamiu mabbisara, ‘I yami ala wuṛṛu al᷊awo'a mangke pia; i yami tawe urangnge apa-apa.’ Arawe i yamiu wagga aroddi aasiangnge wuṛṛu aroddi maasusa ririnu! I yamiu asiangnga, tantol᷊e wuṛṛu wuta.

SONDAPPA 3:17 Referans Kwoze

AMSAL 13:7

Piaddu mattanno ere taumata ala, arawe tawe darotongnge; piaddu mattanno ere taumata asiangnga, wutte'e ala marasai.

HOSEA 12:8

Mawu nabbisara su walahannu Israel, “I yamiu mallinga ere taumatan Kanaan; manga maddaragangnga apulune mammahia mamamalline ringannu timbanganna apan tawe su ṛinone.

SONDAPPA 2:9

I Ya'u masingkatu manga asasusanu; i Ya'u masingkata i yamiu asiangnga arawe wutte'e yamiu ala! I Ya'u masingkatu manga aal᷊uandaga apan ipangal᷊uandaga si yamiu wuassu manga taumata apan mangnga'u ririne Yahudi, wutte'e wal᷊ine; ete i mangitou udde walahannu Setanna!

ROMA 7:24

Ne, aroddite ola'u riri'u: i ya'u tuttuṛṛutta tita Duata ringannu ṛingiṛṛangku, arawe ringannu pallal᷊agu'u ere sangkatou taumata, i ya'u uasuṛṛubawa su rosa. Tumanite nal᷊ongonna i ya'u indi! Isai maapulu manal᷊amatta si ya'u wuassu wadangnga indi apan mangngapi'u su papate? Adiangkamanna su Ruata! I Tou maapulu manal᷊amatta si ya'u sulal᷊ummu Mawu Yesus Kristus.

LUKAS 1:53

Taumata mal᷊unussa niapaal᷊aidu al᷊awo'u apapia, taumata ala nillimbuaṛṛanna tawe ul᷊ene.

MATIUS 9:12

Mawu Yesus naaringikka aiwal᷊o mangitou see sinumimbakka, “Taumata apan tawe maradda'a, tawe mappandumma doktere, tumba'u taumata apan maradda'a.

SONDAPPA 16:15

“Daringiṛṛete! I Ya'u rumanta ere taṛṛa ta'o! Al᷊al᷊uassa su taumata apan sidutu uataṛṛapa wuṛṛu uariaga peddene, ma'oman sara i tou tawe umamatta tantol᷊e wuṛṛu masili su saruannu awadaalla!”

ROMA 12:3

Ruata buatte nangonggolu al᷊amatta si ya'u. Ana waugu udde i ya'u manantiro su tuṛṛangnga sarangkanambone; imbaṛṛangnga mamendama ririnu mattanggaṛṛana wuassu apan ṛinone. Ṛinone i yamiu mattiala watanganni yamiu ringannu awawawon naungnga; sangkatou-sangkatou mattiala watanganne tumuṛṛuttu asingkata apan suete nionggolu Ruata si tou ana waugu mangngimanna Mawu Yesus.

PANDARIADDI 3:7

Tawe nal᷊annu wua niumanna wua'udde, ṛingiranni tarua nawu'a wuṛṛu itarua naatutukka manungku itarua tantol᷊ete. Ana waugu udde itarua nallindumma watanganni tarua ringannu rongngu alu ara apan niatokki tarua mapia-mapia.

2 PETRUS 1:9

Arawe taumata apan tawe pallal᷊agu ereudde, ṛingiranne maautta; i tou tawe maasilo wuṛṛu i tou naabul᷊i manungku manga rosane apan nal᷊iu suete niwaresi.

MATIUS 5:3

“Lal᷊umanna'a su taumata apan uapendamma tawe atatohassa wuṛṛu tumba'u uaantimma Mawu sassane; ete i mangitou udde lal᷊oṛṛon araratuannu Ruata!

LUKAS 6:24

Arawe nasilakate i yamiu taumata ala su orassa indi; ana waugu i yamiu naapendampe al᷊al᷊uassa!

ZAKARIA 11:5

Manga mamamalline mammate manga domba udde ringannu tawe naasomba ṛuumanna. I mangitou apan mabbalu'u ṛemessu manga domba udde mabbisara, ‘Dalo su Mawu! Orassa indi niatambante paa'alan kite!’ Manga mallal᷊u'udda udde tawe maapendamma umakkanna su manga domba papadul᷊iananni mangitou.

SASABANGNGA 32:35

Ana see Mawu nandantan asasusa su manga taumata udde ana waugu i mangitou namata'i Harun na'ola'a paal᷊uanna sapi wul᷊awanna udde.

ROMA 11:25

Manga tuṛṛangnga! I ya'u mangantimma yamiu arie mamendamma manungku yamiu masingkaten sarangkanambone. Ana waugu pia sambau apan ipaapulun Duata, arawe taambe niasingkatannu taumata. Wuṛṛu i ya'u maapulu i yamiu maasingkata; eteudde indi: Sangkawageanganna wuassu taumatan Yahudi apan mal᷊awangnga, arawe pallal᷊agu mangitou udde tumba'u ma'oma su tempone, napawe anambon taumata apan wal᷊ine Yahudi apan rudanta ringannu Ruata udde natimute.

ROMA 11:20

Udde mangke atonna. Arawe i mangitou niramme ana waugu i mangitou tawe mangimanna, arawe tuṛṛangnga tinarimmatta ana waugu tuṛṛangnga mangimanna. Nariaddi imbaṛṛangnga tuṛṛangnga mamunga ana waugu udde; arawe ṛinone i'o pia apendamma mata'utta.

YEREMIA 2:31

Ei umattu Israel, paddaringikke manga wisara-U indi. Apa i Ya'u buatte na'ola'a Israel ere wadda'u anne su saruanni yamiu ara'e leta'a apan wasa tuudda? Arawe anio i yamiu mabbisara manungku i yamiu mappulu mapallossa, wuṛṛu maddirite mabelengnga ringang-Ku?

YESAYA 42:19

Isaite apan mabbutanna wuassu Israel allang-Ku? Isaite apan mabbengel᷊anna wuassu daroloṛṛang-Ku?

AMSAL 30:9

Ana waugu, amungkangngu i ya'u ala, asinungka i ya'u sarun mabbisara manungku i ya'u tate mappandumma si'o. Wuṛṛu napawe i ya'u asiangnga, asinungka i ya'u sarun manna'o ma'oman sara mandal᷊eote aran-Nu.”

SONDAPPA 3:16

Arawe i yamiu ma'ihamma; tawe mal᷊oso, tawe lai masunge. Ana waugu udde i yamiu sarun Ta'u imuta iapaasabanga wuassu lal᷊ummu moṛṛong-Ku.