SONDAPPA 3:15 - WUKE SUSI WATTI'U AL᷊AL᷊USASSA

¹⁵ I Ya'u masingkatu apa a'olaanni yamiu; i Ya'u masingkata i yamiu tawe masunge wuṛṛu lai tawe lai mal᷊oso. Ṛinone i yamiu sambau su wallatu darua udde!

SONDAPPA 3:15 Referans Kwoze

ROMA 12:11

Pammanarate ringannu maṛṛimadda. Arie mangkete wolo'a. Pammanara su Mawu ringannu atatohassa wuassu Ghaṛṛahon Ruata.

MATIUS 6:24

“Tawe saran sangkatou taumata maamanara su ruang katou mawu. Ana waugu i tou sarun lembo marangngu sangkatou wuassu sangkatou apan baine. Ara'e i tou lembo matuṛṛutta su mawune apan sambau wuassu mawune apan baine. Aroddi lai matataṛṛino si yamiu. I yamiu tawe maappammanara manara su Ruata wuṛṛu su darotongnga lai.

1 MARARATU 18:21

Ana see i Elia nangundanin tumana'a udde wuṛṛu nabbisara, “Ma'oman sara tingngera i yamiu sidutu naungnga uapapaddua? Amungkangngu Mawu udde Ruata, passubbate Mawu! Amungkangngu Baal udde Ruata, passubbate si Baal!” Tumana'a apan uasemodda isudde mangke mal᷊annabba.

SONDAPPA 2:4

Arawe indi sasimba-U si yamiu: I yamiu tate mandangngu si Ya'u ere rorone.

MATIUS 24:12

Al᷊al᷊eo sarun ṛumite aroddi ahewalle ma'oman sara manambo taumata tate lai maddarangngu.

AMSAL 23:26

Panutukke paapia-pia wuṛṛu pattannote ola'u pabbiaṛṛangku, ana'u!

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

FILIPI 1:9

Ete indi aal᷊iomangku si yamiu: doronganna i yamiu lembon mandangngu Ruata wuṛṛu sansul᷊ungngu taumata wuṛṛu sidutu aatambanna sulal᷊ummu asingkatta apan ṛinone wuṛṛu ṛingiranna apan pande.

2 KORINTUS 12:20

I ya'u sussinggawangnga manungku su tempo i ya'u mattembo si yamiu, i ya'u naaratingnga tawe ere apa apan aantimangku. Aṛṛengenne aratinganna piaddu uawawul᷊o, naungnge lal᷊eo, naungnge mal᷊oso, tumba'u madea'a hausannu watanganne, uaaumbilangnga, mappawawul᷊o, mawunga wuṛṛu ma'ola'a patatatiakka.

MATIUS 10:37

Taumata apan marangngu iamangnge ara'e inangnge manampal᷊iu wuassia-U tawe maola'a mallal᷊aṛṛenggeng-Ku. Aroddi lai taumata apan marangngu anangnge esakka ara'e wawine manampal᷊iu wuassia-U.

TAHIUL᷊E 5:29

Ore amungkangngu i mangitou sidutu uapendamma aroddi! Ore amungkangngu i mangitou sidutu mangngadatta si Ya'u wuṛṛu tuttuṛṛutta anambon tita-U, na'oman sara i mangitou wuṛṛu papapulunni mangitou su al᷊al᷊uassa saran mal᷊annu-l᷊annu!

SONDAPPA 3:1

“Su mala'ekattu jamaatta su Sardis, woṛṛetta'a arendi: Ete indi tanata wuassi Tou apan uatahuanna pitu ghaṛṛaho wuassu Ruata wuṛṛu anumpitanna pitu udde. I Ya'u masingkata apa apan a'olaanni yamiu. Unni Tou i yamiu wiakka, wutte'e nate!

SONDAPPA 2:2

I Ya'u masingkatu apa apan a'olaanni yamiu: I yamiu mammanara maṛṛimadda wuṛṛu yamiu matammuda atonna. I Ya'u masingkata manungku i yamiu tawe mangonggolu naungnga su taumata lal᷊eo. Wuṛṛu manga taumata mangnga'u watanganne rasul, wutte'e wal᷊ine, suete niannamanni yamiu wuṛṛu niasombanganni yamiu, manungku i mangitou taṛṛa awusu.

2 TESALONIKA 1:3

Manga tuṛṛangnga, i yami siddutu ma'adiangkamanna su Ruata ana waugu i yamiu. Wuṛṛu mangngimanna si Kristus, wuṛṛu i yamiu lembon uararangngu sangkatou ringannu waine.

HOSEA 10:2

Manga taumata apan naungnge taṛṛa l᷊inga udde, orassa indi ṛinone mamasanna pangillul᷊eannu rosane. Ruata sarun makkimunsa'a mezbah i mangitou, wuṛṛu mapaṛṛa'a manga palen paal᷊uanni mangitou.

1 KORINTUS 16:22

Taumata apan tawe mandangngu Mawu, wala'e i tou awontohanna! Maranatha – Mawun kami, rantate!

HOSEA 7:8

Mawu nabbisara, “Walahannu Israel nassanggal᷊oma ringanu manga walahannu ual᷊indonganni mangitou, na'oman sara i mangitou nabbal᷊i ere roti apan nal᷊aha tumba'u samba'a.

SONDAPPA 3:16

Arawe i yamiu ma'ihamma; tawe mal᷊oso, tawe lai masunge. Ana waugu udde i yamiu sarun Ta'u imuta iapaasabanga wuassu lal᷊ummu moṛṛong-Ku.