SONDAPPA 22:14 - WUKE SUSI WATTI'U AL᷊AL᷊USASSA

¹⁴ Lal᷊umanna'a su taumata apan nabbansala jubahne na'oman sara nawaresi, ana waugu i mangitou wotongnge umanna wuassu alum pabbawiakka wuṛṛu sumutta sulal᷊ummu soa udde sumabbi ngarane.

SONDAPPA 22:14 Referans Kwoze

SONDAPPA 21:27

Arawe taumata apan inolaanne ma'arantina, ara'e taumata taṛṛa wahia – aunne al᷊awo'u alal᷊eo, tawe maasutta sulal᷊umme. Apan botongnge maasutta tumba'u taumata apan aranne uawoṛṛetta sulal᷊ummu Wuken Taumata Wiakka, Wuken Ana'u Domba udde.

1 YOHANES 5:3

Ana waugu, mandangngu Ruata atapasanne tuttuṛṛuta manga parenta-Ne. Wuṛṛu manga parenta-Ne tawe maawakkata si ite,

SONDAPPA 22:7

“Panutukke indi!” wisara Mawu Yesus, “I Ya'u sarun mal᷊ihakka rumanta. Lal᷊umanna'a su taumata apan tuttuṛṛuta manga ṛengetanna sulal᷊ummu wuke indi!”

1 YOHANES 3:3

Anambon taumata apan pia antimma indi su saruanni Kristus, mandiagga ririne tadea'u atonna-tonna susi, waresi wuassu rosa ere lai Kristus udde lai susi.

YOHANES 14:15

“Amungkangngu i yamiu marangngu si Ya'u, i yamiu sarun tumuṛṛutta manga parenta-U.

SONDAPPA 2:7

Isai-sai apan ma'aringikka, ṛinone manutukka apa apan iapaasingkatu Ghaṛṛahon Ruata su manga jamaatta! I mangitou apan naauntunga, sarun Ta'u iwala umanna wua wuassu punnu pabbawiakka apan tuttuwo su Waillu Ruata.”

1 KORINTUS 7:19

Ana waugu tuttuṛṛutta titan sunatta ara'e tawe tumuṛṛutta, sarangkanambone tawe gunane. Ahunanne tumba'u tumuṛṛutta manga titan Duata.

SONDAPPA 22:2

su pattangngannu lal᷊anna su soa udde. Su winggin sal᷊ukka udde, su ruam baane pia alu punnu wiakka, apan mabbua paapul᷊o dua santonna, eteudde paassa sambul᷊anna. Rongngane ipappaatta ipangngundama manga walahanna.

YOHANES 10:7

Ne Mawu Yesus nabbisara paassa lai, “Mangke atonna wisara-U indi: Ete i Ya'u ngara suttannu domba.

YOHANES 10:9

Ete i Ya'u ngara. Isai apan sumutta sumabbi si Ya'u, sarun masal᷊amatta; i tou sumabangnga wuṛṛu sumutta sarun maasomba wiakka.

DARALO 112:1

Paddalote Mawu! Lal᷊umanna'a su taumata apan ma'imanna, apan sidutu maddaringikka manga parentan Mawu.

SONDAPPA 7:14

“I ya'u wagga Tuangnga. I Tuangnga sassane masingkata,” sasimba'u. Ne i tou nabbisara si ya'u, “Ete indi manga taumata apan suete ringannu sal᷊amatta naralukka wuassu pananansara apan wahewalla. I mangitou suete nabbansala jubah mangitou wuṛṛu niola'i mangitou nabbal᷊i mawira ringannu ṛaṛṛan Ana'u Domba udde.

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

SONDAPPA 21:12

Darandunge uapal᷊iwutta matanggaka wahewalla, ringannu ngarane mapul᷊o dua, wuṛṛu rariagannu sire mapul᷊o dua mala'ekatta. Suapan ngarane uawoṛṛetta manga arannu mapul᷊o dua walahannu Israel.

1 KORINTUS 9:5

Apa i ya'u tawe wotongnge mangapiddu sangkatou awingnga taumatan Saṛṛani ringangku sulal᷊ummu amatangku, ere lai niola'u manga tuṛṛangngu Mawu Yesus wuṛṛu manga rasul waine, nasutta lai Petrus?

1 KORINTUS 8:9

Arawe paatehamma, arie ma'oman sara mariaddi manungku taumata waine maola'a marosa – ana waugu pangangimanne ta'e lome – ana waugu i'o walate apulu ma'inolaanna sarangkanambone.

YOHANES 14:6

Mawu Yesus sinumimbakka, “Ete i Ya'u lal᷊anna ipa'illal᷊a Ruata wuṛṛu see maasomba wiakka. Tawe saran sangkatou wotongnge rumanta ringannu Iamangnga, amungkangngu tawe umamatta lumiu si Ya'u.

YOHANES 4:12

I Yakub, iamangngi yami al᷊amona, nanantillu paṛṛihi indi si yami. I tou sassane mangngal᷊appa ua'e wua isindi; aroddi lai manga al᷊aṛṛanangnge see manga winatangnge. Apa Mawu massunna manungku Mawu magewal᷊anna wuassi Yakub?”

DANIEL 12:12

Lal᷊umanna'a si mangitou apan sidutu satia maddatingngu allo 1.335.

PANDARIADDI 2:9

Ruata napatuwon al᷊awa'u hatin aaluanna apan maṛṛansanga wuṛṛu maggessi manga wua apan mapia. Su pattangngannu wailla udde tinumuwote alu apan mangngonggollu wiakka, wuṛṛu alu apan mangngonggollu asingkatta su ola'u apapia wuṛṛu al᷊al᷊eo.

PANDARIADDI 3:22

Ruata nabbisara, “Orassa indi taumata nabbal᷊ite ere i ite wuṛṛu uatahuanna asingakatta su ola'u apapia wuṛṛu al᷊al᷊eo. Nariaddi mappianne isingadde i tou umanna wuan kalu apan mangngonggolu wiakka, tadea'u arie i tou mabbiakka saran mal᷊annu-l᷊annu.”

SASABANGNGA 19:10

Orassa indi sombaite manga taumata udde, wuṛṛu doloṛṛa'e i mangitou allo indi wuṛṛu tiṛṛabbi mandiahi watanganne mattaṛṛamawu. I mangitou ṛinone mabbansalla laubbi mangitou.

DARALO 118:20

Indite ngara wahewallu Mawu, tumba'u taumata matul᷊idda maasutta.