SONDAPPA 21:24 - WUKE SUSI WATTI'U AL᷊AL᷊USASSA

²⁴ Manga walahanna su runia sarun umamatta sulal᷊ummu asasemakke, wuṛṛu manga ratu lai sarun mangapiddu pa'a'ala mangitou watukku soa udde.

SONDAPPA 21:24 Referans Kwoze

SONDAPPA 22:2

su pattangngannu lal᷊anna su soa udde. Su winggin sal᷊ukka udde, su ruam baane pia alu punnu wiakka, apan mabbua paapul᷊o dua santonna, eteudde paassa sambul᷊anna. Rongngane ipappaatta ipangngundama manga walahanna.

SONDAPPA 21:26

Awawantuga wuṛṛu paa'ala manga walahanna sarun iapidda watukku lal᷊ummu soa udde.

ZAKARIA 2:11

Sutempo udde manambo walahanna sarun dumanta ringannu Mawu tadea'u maola'a uman-Ne. I Tou sarun matana'a suwallatti yamiu, wuṛṛu i yamiu sarun maasingkatta manungku Mawu buatte nandolo'u ringanni yamiu.

YESAYA 66:18

I Ya'u masingkattu ṛingiranna wuṛṛu inolaanni mangitou. I Ya'u nirumanta tadea'u mangammullu manga taumata wuassu al᷊awo'u walahanna. Sutempo i mangitou uaammulle, i mangitou sarun maasilo taṛṛino-U.

YESAYA 60:16

I'o sarun paddul᷊ianannu manga walahanna wuṛṛu manga ratu, ere sangkatou inangnga mappadul᷊i anangnge. Ne i'o maasingkatte manungku i Ya'u Mawu, Mananal᷊amannu, wuṛṛu manungku Ruatan Israel apan matohassa Mamamallonnu.

YESAYA 55:5

I yamiu sarun mamaggo manga walahanna waine, wuṛṛu i mangitou sarun dumanta ringanni yamiu, ana waugu i Ya'u, Mawu Ruatanu, Ruata na'ukkassu Israel, ana waugu i Ya'u buatte namantuga si yamiu.”

YESAYA 52:15

Arawe orassa indi manambo walahanna apan niolangnge tinumiangnga, manga ratu nimoune tinangngone. I mangitou sarun maasilo wuṛṛu maasunna, apan dorone awagananni mangitou.”

ROMA 15:16

I Tou buatte na'ola'a si ya'u mangangimben Kristus Yesus tadea'u irolokka su manga walahanna apan wal᷊ine Yahudi. Wuṛṛu i ya'u naola'a sangkatou imam, apan mammasingkattu Watti'u Al᷊al᷊uassa wuassu Ruata, tadea'u manga taumata apan wal᷊ine Yahudi maola'a sambau sasamba su Ruata apan wotongnge sengkamanni Tou. Doronganna Ghaṛṛahon Duata ma'ola'a si mangitou sambau sasamba apan apianne su Ruata sassane.

DARALO 22:27

Taumata asiangnga sarun umanna ma'oman sara mal᷊aidda; taumata apan rumanta ringannu Mawu sarun maddalo si Tou. Antimanna i yamiu su lal᷊umanna'a saran mal᷊annu-l᷊annu!

ROMA 15:26

Ana waugu manga jamaatta su Makedonia wuṛṛu Akhaya maapulute mangonggolu sasumbala su manga tuṛṛangnga apan asiangnga su wallattu jamaattu Ruata su Yerusalem.

YEREMIA 4:2

Amungkangngu i yamiu massalu ringannu arang-Ku wuṛṛu i yamiu mabbiakka su atatul᷊idda su apapia wuṛṛu atonna, ne anambon balahanna sarun sumal᷊ande si Ya'u tadea'u i Ya'u mangal᷊amatta si mangitou, wuṛṛu i mangitou sarun maddalo si Ya'u.”

YESAYA 2:2

Wuassu manga allo addantane wuidda tampan Bal᷊en Mawu apan uapasi'a matanggakka wuṛṛu uarisikka matohassa roso su manga wowone wuṛṛu manga wuidda. Anambon walahanna mangngelekka inai poiaroddi,

YESAYA 60:13

Al᷊al᷊uassu mahurangngu Libanon sarun ṛuwoanna ringannu alu berangan, cemara wuṛṛu eru ipa'ola'a Wal᷊e-U apan maṛṛansanga, wuṛṛu ipalloggakka tampa i Ya'u uarisikka.

YESAYA 55:10

Naal᷊ihidda uranna nangansalla wuassu langitta, wuṛṛu tawe mabbelengnga, ewe'e namokka runia, nanuwukka wuṛṛu napaatuwo manga sasuanna, nangonggollu wuane tadea'u isuanna wuṛṛu annananna,

YESAYA 2:5

Ei, papapulunni Yakub, wette i ite umamatte sulal᷊ummu asasemakku Mawu!

TAHIUL᷊E 32:43

Wette manga walahanna, paddalote al᷊aṛṛana'u Mawu, ana waugu Mawu makkuumannu sarangkanambone apan namate si mangitou. I Tou nabbal᷊issa taddu'u naungnga su manga se'en-Ne arawe nangampungnga rosan manga al᷊aṛṛanang-Nge.”

YESAYA 49:23

Manga ratu ere iamangngi yamiu, wuṛṛu manga wo'i ere inangnga. I mangitou sarun umal᷊intudda mangaddatta si'o wuṛṛu sumallungngu watanganne si'o. Ne i'o sarun maasingkatta manungku i Ya'u Mawu; taumata apan uaantimma si Ya'u tawe sumassilla.”