SONDAPPA 21:1 - WUKE SUSI WATTI'U AL᷊AL᷊USASSA

¹ See i ya'u naasilo langitta apan bakku wuṛṛu runia wakku. Langitta paarorone wuṛṛu runia paarorone nawul᷊ite, wuṛṛu tahal᷊oangnga lai nawul᷊i.

SONDAPPA 21:1 Referans Kwoze

2 PETRUS 3:13

Arawe i ite uaṛṛaddo apa apan suete pina'iren Duata, eteudde langitta wakku wuṛṛu runia wakku, isudde mangke pia atatul᷊idda.

YESAYA 66:22

Naal᷊ihidda langitta wakku wuṛṛu runia wakku sarun matatana'a ana waugu taṛṛino-U, aroddi lai pallaṛṛitenu wuṛṛu arannu sarun sidutu matatana'a.

SONDAPPA 21:5

See i Tou apan ua'ianna su adderan araratuanna udde nabbisara, “Orassa indi sarangkanambone Ta'u olaanna wakku!” I Tou nabbisara lai si ya'u, “Woṛṛetta'a indi, ana waugu manga wisara indi atonna, wuṛṛu wotongnge apangimananna.”

2 PETRUS 3:10

Arawe Allo darantan Mawu sarun rumanta ere darantan taṛṛa ta'o. Su Allo udde langitta sarun mawul᷊i ringannu tingikka ruddallu'a, wuṛṛu manga saranapa su langitta sarun masue matutungnga, wuṛṛu runia ringannu al᷊awo'u lal᷊oṛṛone sarun mawul᷊i.

SONDAPPA 20:11

Napawe wua'udde i ya'u naasilo sambau adderan araratuanna mawira apan bahewalla wuṛṛu i Tou apan ua'ianna su wowone. Langitta wuṛṛu runia nawul᷊i wuassu saruan-Ne na'oman sara tate lai iasilo.

YESAYA 27:1

Sutempo udde Mawu sarun mappaattu hal᷊ele-Ne apan matohassa wuṛṛu maṛṛoro ipakkuumannu Lewiatan, atoanna apan tuttundo wuṛṛu mammul᷊issa udde, wuṛṛu ipamate nagan tahal᷊oangnga.

DANIEL 7:3

Udde nilumapputa wuassu lal᷊ummu ua'e iapa sambau uapapaṛṛala ringannu waine.

SONDAPPA 13:1

Wua'udde i ya'u naasilo sambau winatangnga nilumapputa wuassu lal᷊ummu tahal᷊oangnga. I tou pia tatandunge mapul᷊o wuṛṛu puane pitu. Suapan tatandunge pia araposan araratuanna, wuṛṛu suapan puane uawoṛṛetta sambau aranna aal᷊uandaga su Ruata.

YESAYA 57:20

Arawe taumata lal᷊eo uddewe naal᷊ihidda tahal᷊oangnga apan mal᷊ua'a wuṛṛu tawe mal᷊enakka. Saggane mangngapiddu sapadda wuṛṛu labbo.

YESAYA 51:11

Ne manga taumata apan nipallossu Mawu sarun mapul᷊e i mangitou sumuttate su Yerusalem ringannu paggahahio hati mangitou matilangnga ana waugu al᷊al᷊uassa tutune. I mangitou lulluassa wuṛṛu lullala'a, asasusa wuṛṛu sasal᷊iomanna mangke nawul᷊ite.

ROMA 8:21

manungku su sambau tempo pati'uppu runia sarun iapaal᷊iu wuassu taṛṛino apan maawinasa wuṛṛu sarun mawal᷊i sumutta su al᷊al᷊uassa wuṛṛu wantuhanna su sambau ringannu al᷊aṛṛana'u Ruata.

SONDAPPA 6:14

Langitta nawul᷊i naal᷊ihidda ere suratta nilul᷊unna, wuṛṛu anambon bowone wuṛṛu manga taṛṛanusa niingkata wuassu tampane.