SONDAPPA 20:9 - WUKE SUSI WATTI'U AL᷊AL᷊USASSA

⁹ Ne i mangitou nassal᷊iawukke su ahewallu runia, see nattalliwunte atatana'annu al᷊aṛṛana'u Ruata wuṛṛu soa arangnguannu Ruata. Arawe putungnga nonto'a wuassu langitta wuṛṛu namate si mangitou.

SONDAPPA 20:9 Referans Kwoze

YEHEZKIEL 38:16

Wua i'o namangalo uma-U Israel naal᷊ihidda anginna lakkuti nanggohakka runia. Napawe tempone nia'omante, i'o sarun Ta'u irolokka mamanua su leta-U. Ringannu inolaang-Ku nirolokka si'o ei Gog, manga walahanna sarun maasingkatta isai i Ya'u, eteudde Ruata apan na'ukkassa.

YEHEZKIEL 39:6

I Ya'u sarun mandatan soṛṛobba su leta'u Magog wuṛṛu su manga apanne, suapa tumanangnge mabbiakka ringannu matammuda. Ne i mangitou sarangkanambone masingkatte manungku ete i Ya'u Mawu.

YEHEZKIEL 38:22

I tou sarun Ta'u iṛṛuumanna ringannu al᷊aṛṛusa'itta wuṛṛu uapapate. Uranna masassaga wuṛṛu uranna eisse, putungnga wuṛṛu beleranga sarun Ta'u iwoso si tou wuṛṛu tantarane wuṛṛu su anambon balahanna apan buatte naammulli tou.

YEHEZKIEL 38:9

I tou wuṛṛu tantarane see manambo walahanna apan uatantalongnga si tou rumanta mamangalo ere tandi'a wuṛṛu nanaappa wanua udde ere winabbawa.”

2 TESALONIKA 1:8

wuṛṛu ringannu putungnga apan mabbanala. I Tou sinumossoka maṛṛuumannu manga taumata apan tawe mangngimanna Ruata wuṛṛu maddiri mabbiakka su apulun Watti'u Al᷊al᷊uassa su ola'u Mawun kite Yesus Kristus.

DARALO 106:18

Putungnga niumonto'a nanametta ammul᷊anni mangitou, nangepoddu sarangkanambone apan buatte na'ola'a al᷊al᷊eo.

DARALO 97:3

Putungnga nilumewa su saruan-Ne, nagepoddu seetta apan uapal᷊iwutta si Tou.

SONDAPPA 13:13

Winatangnga aruane udde na'ola'a manga al᷊aṛṛindu'a apan wahewalla. Su saruannu awada'alla i tou na'ola'a putungnga niumonto'a wuassu langitta watukku runia.

SONDAPPA 11:5

Amungkangu taumata ma'annama ma'ola'a inolaanna apan lal᷊eo si mangitou, ne wuassu moṛṛongi mangitou sumabbangke putungnga apan maapate manga seenne. Ringannu olangnge aroddi, anambon taumata apan ma'apulu mannansara si mangitou sarun iapate.

LUKAS 17:29

Arawe napawe i Lot sinumabangnga wuassu Sodom, allo udde putungnga wuṛṛu belerangnga nanawo wuassu langitta wuṛṛu namate si mangitou sarangkanambone.

LUKAS 9:54

Ne su tempo manga mallal᷊aṛṛenggennu Mawu Yesus, eteudde i Yakobus wuṛṛu i Yohanes naasingkatta olangnge udde, i mangitou nabbisara, “Mawu, apa Mawu ma'apulu, i yami madorongnga putungnga sumossokka wuassu langitta ipamate manga taumata indi?”

YESAYA 37:36

Ṛabbi udde lai mala'ekattu Mawu nirumanta su paddasanannu taumatan Asyur wuṛṛu namate 185.000 su atoune tantara. Tiṛṛabbine marua allo manga winal᷊unanni mangitou uatal᷊eṛṛonga.

REENGANNA 16:35

Ana see Mawu nandantan putungnga nanoṛṛobba 250 su atoune apan nangonggolu sasamba amania udde.

REENGANNA 11:1

Su sambau allo walahanna udde manattakke sussal᷊iomanna su Mawu su ola'u asasusa mangitou. Naaringikka manga sasal᷊iomanna udde, Mawu nasa'u wuṛṛu nandantan putungnga si mangitou. Putungnga udde nilumewa su wallati mangitou wuṛṛu nanutungnga sambageanganna wuassu paddasananna.

IBRANI 13:13

Ana waugu udde, wette i ite inai ringanni Tou su liuddu padasananna wuṛṛu mamendama aal᷊uandaga suadio'a ringanni Tou.

HABAKUK 1:6

Walahanna Babel apan dal᷊eo wuṛṛu maṛṛagissa udde sarun Ta'u olaanna walahanna apan uataṛṛino. I mangitou mabbarissa sumabbangnga wuassu wanuane wuṛṛu mamal᷊intaddu ahewallu runia tadea'u mamaddon manga walahanna waine.

MIKHA 2:13

I Ya'u sarun mamu'a lal᷊anna wuṛṛu mangapiddi yamiu sumabbangnga wuassu pamamuanganna. I yamiu sarun manggohakku manga ngara wahewalla wuṛṛu umamatta ringannu tawe singkal᷊one. I Ya'u, Mawu sassane, uddewe Ratunu, wuṛṛu i Ya'u sarun mamiaṛṛa'i yamiu sumabbangnga.”

YESAYA 30:33

Ro'en dorone buatte niriahi tampa panutunganna si ratun Asyur. Tampa udde mal᷊al᷊umma wuṛṛu mal᷊alakka, loṛṛone alum putungnga apan ua'ombo. Mawu sarun makkenggamma ringannu maniuppu singangu-Ne apan naal᷊ihidda sal᷊ukku belerangnga.

2 MARARATU 6:15

Tiṛabbine, marua allo atonna sutempo allangi Elisa napu'o wuṛṛu sinumabbanga, i tou naasilo tantaran Siria uapal᷊iwutta soa udde nasuunga ringannu awal᷊o wuṛṛu keretan pangalon mangitou. Ne i tou nabelengke ringanni Elisa wuṛṛu nabbisara, “Nasilakate i ite, Tua! Apa ṛinone olaanni ite?”

PANDARIADDI 19:24

Inaṛṛombanganne Mawu nanossokku uranna belerangnga pia putungnge su Sodom wuṛṛu Gomora.

LUKAS 21:20

“Napawe i yamiu naasilo Yerusalem tatalliwunannu tantara, i yamiu sarun maasingkatta manungku soa udde tate mal᷊annu lai mahohakka.

LUKAS 19:43

I'o sarun maapendamma su sambau tempo, suapan manga seennu ma'ola'a anambon asasusa su pabbiaṛṛannu miallo-miallo; i mangitou sarun mamangalo malliwunna si'o wuṛṛu manessengngu wuassu al᷊awo'u pabbuuanne.

TAHIUL᷊E 23:14

Mawu Ruatanu uarundinganna si yamiu sulal᷊ummu paddasanannu, mallu'adda si yamiu wuṛṛu mangonggolu auntunganna wuassu manga seennu. Ne paariagaite paddasanannu tadea'u sidutu waresi. Imbaṛṛangnga asombanganna pia sambau apan tawe natataṛṛino si yamiu, tadea'u Mawu tawe manantangngi yamiu.”

DARALO 87:2

Wuassu anambon soa su Israel, Yerusalem apan arangnguan-Ne.

AYUB 38:18

Wotongngewe i'o maṛṛangngon ahewallu runia? Simbakke amungkangngu i'o masingkatta.