SONDAPPA 20:13 - WUKE SUSI WATTI'U AL᷊AL᷊USASSA

¹³ See tahal᷊oangnga nanantillu manga taumata nate sulal᷊umme. Papate wuṛṛu Runiam Papate lai nanantillu manga taumata nate sulal᷊ummi tou. Wuṛṛu manga taumata nate sarangkanambone udde niṛṛuumanna uasul᷊ungngu pallal᷊agu mangitou.

SONDAPPA 20:13 Referans Kwoze

SONDAPPA 6:8

I ya'u na'ellega, see niasiloangku sambau awal᷊o hatine namillosa. Sumasa'ene aranne Papate. Wuassu liudde, i tou tatantalongannu Runiam Papate marani-rani. Taṛṛino su wageangnge aiappane su runia indi tinantilla si mangitou, tadea'u i mangitou wotongnge mamate sulal᷊ummu pangalo, sulal᷊ummu ṛutumma, ara'e al᷊aṛṛusa'itta wuṛṛu wuassu manga winatangnga mal᷊aṛṛaga.

HOSEA 13:14

Walahanna indi sarun tawe Ta'u iapasal᷊amatta wuassu taṛṛinon runian taumata nate. Ei papate, paasabbarea'e raddangngu! Amata'e manaranu apan maaṛṛimunsa'a udde! I Ya'u sarun umakkannu walahanna indi apia.

SONDAPPA 20:14

Wua'udde Papate wuṛṛu Runiam Papate tinuntunga sulal᷊ummu tahal᷊oangngu putungnga. (Tahal᷊oangngu putungnga indi eteudde papate aruane.)

SONDAPPA 20:12

Wuṛṛu i ya'u naasilo manga taumata nate, timmade dario'a, uarisikka su saruannu adderan araratuanna udde. Ne manga wuke niwu'ate. See sambau wuke apan baine niwu'ate, eteudde Wuken Taumata Wiakka. Wua'udde ṛuumanna niema'a su taumata nate, uasul᷊ungngu pallal᷊agune tumuṛṛuttu apan uawoṛṛetta sulal᷊ummu manga wuke udde.

YESAYA 26:19

Uman-Nu apan natete sarun mabbiakka apia, manga winal᷊unanni mangitou sarun mabbangunna apia. Taumata apan buatte nilabbinga sulal᷊ummu leta'a sarun mabbangunna wuṛṛu lumala'a. Naal᷊ihidda wal᷊angngukka apan ma'al᷊uassa runia, I'o napawiakku uman-Nu apan mal᷊annute nate.

SONDAPPA 1:18

Ete i Ya'u i Tou apan wiakka! I Ya'u natete, arawe pa'elege, i Ya'u wiakka saran mal᷊annu-l᷊annu. I Ya'u uataṛṛino papate, wuṛṛu su wowon runian taumata nate.

MATIUS 11:23

Wuṛṛu i yamiu, Kapernaum! Apa i yamiu sarun iapaatanggakka ma'oman sara surga? Tawe! Ewe'e i yamiu sarun iwontolla su naraka! Ana waugu unnu wisara manga al᷊aṛṛindu'a apan niola'a su pattangnganni yamiu udde suete niola'a su Sodom, saran orassa indi ta'e pia Sodom!

MATIUS 16:27

Tate mal᷊annu lai Ana'u Taumata, su sampunna ringannu manga mala'ekanNe, sarun dumanta ringannu taṛṛinon IamangNge. Su tempo udde i Tou sarun mabbal᷊issa manga taumata tumuṛṛuttu inolaannu sangkatou-sangkatou.

1 KORINTUS 15:26

Seetta panginsueanne apan sarun iapasuṛṛubawa eteudde papate.

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.

SONDAPPA 21:4

I tou sarun mamappasa alawo'u allo mata wuassu mata mangitou. Papate sarun tate lai, asasusa, lal᷊uai, ara'e al᷊aṛṛusa'itta tate lai. Manga inolaanna tabbe nawul᷊ite!”