SONDAPPA 19:8 - WUKE SUSI WATTI'U AL᷊AL᷊USASSA

⁸ Peddeta lenan apan sussal᷊endapa suete nionggolla si tou iapaal᷊uṛṛe.” (Peddeta lenanna udde eteudde manga inolaanna apan mapia apan niola'u al᷊aṛṛana'u Ruata.)

SONDAPPA 19:8 Referans Kwoze

YESAYA 61:10

Yerusalem nabbisara, “I ya'u lulluassa ana waugu Mawu, naungku lullal᷊a'a ana waugu Ruata. Naal᷊ihidda ma'aawingnga esakka wuṛṛu wawine uapa'attu lal᷊oggakka mangkaṛṛansanga, etearoddi Mawu nameddetta si ya'u laubbu asasal᷊amatta wuṛṛu auntunganna.

SONDAPPA 3:18

Ana waugu udde i Ya'u manantiro si yamiu tadea'u mamalli wul᷊awanna wuassia-U, eteudde wul᷊awanna apan apianne, tadea'u i yamiu maola'a ala. Pamallite lai laubba mawira wuassia-U tadea'u i yamiu pia peddeta wuṛṛu ipami'unte wadangi yamiu apan tantol᷊e wuṛṛu ma'asili. Wuṛṛu pamallite lai undama ipamuṛṛa matanu tadea'u i yamiu wotongnge maasilo.

ROMA 13:14

Wala'e Mawu Yesus Kristus mangatokku apa apan sarun olaanna. Wuṛṛu imbaṛṛangnga tumuṛṛutta pallal᷊agun taumata marosa ipamatu'a apulun naungnga.

MARKUS 9:3

Laung-Nge nabal᷊i mawira lullendapa. Tawedu sangkatou mabawansalla su runia indi wotongnge maawaresi aroddi awirane.

MATIUS 22:12

See i tou naiwal᷊ote taumata udde, ‘Hawe, ereapa i'o wotongnge sumutta isindi tawe ual᷊uṛṛen laubbu andeangnga?’ Taumata udde tawe naawisara saran addio'a.

DARALO 132:9

Antimanna al᷊aṛṛanang-Ngu humio lullala'a, wuṛṛu manga imam tatahuanan-Nu sidutu mabbiakka tuttuṛṛutta apulu-Nu.

SONDAPPA 15:4

Isai apan tawe matta'uttu, Mawu? Isai maddiri mamasingkatu awawantu-Gu? Tumba'u I'o apan na'ukkassa. Al᷊awo'u walahanna sarun rumanta massubba Si'o ana waugu manga parenta-Nu apan matul᷊idda suete niaasiloannu anambon taumata.”

YEHEZKIEL 16:10

Wua'udde Ta'u niluṛṛe si'o laubba apan nikarawanga, sapatu wuassu pisi apan aal᷊usanne, wawa'issu pua wuassu linen wuṛṛu juba sutra.

WATTI'U MANGA RASUL 1:10

Tantal᷊anna i mangitou ta'e uatingngara langitta, su tempo Mawu Yesus nasengkengnga, inaṛṛombanganne ruang katou uapedettu mawira uarisikka su samba'a mangitou.

LUKAS 24:4

Tantal᷊anna i mangitou uarisikka isudde wuṛṛu tuttatiangnga maṛṛingiddu olangnge udde, inaṛṛombanganne ruang katou ringannu laungnge sussal᷊endappa nirumarisikka marani mangitou.

ROMA 3:22

manungku Ruata ta'e mangngonggolu tempone su taumata maaukka ringanni Tou, tumba'u amungkangngu taumata mangngimanna Mawu Yesus Kristus. Ruata na'ola'a indi hunane su anambon taumata apan mangngimanna si Kristus, ana waugu tawe paṛṛalanne:

MATIUS 17:2

Su saruanni mangitou, Mawu Yesus nawal᷊u saṛṛene: Hati-Ne nabal᷊i masemakka ere matannallo wuṛṛu laung-Nge mawira lullendapa.

AMSAL 31:22

I tou sassane apan na'ola'a permadanine; laungnge wuassu mal᷊aṛṛenessa linen ungu apan maarega.

YEHEZKIEL 44:17

Sutempo i mangitou sumutta su ngara pasallanganna mattuddan rallakku lal᷊umme, i mangitou ṛinone malluṛṛen laubba linen. Imbaṛṛangnga i mangitou malluṛṛen laubba wol amungkangngu tantal᷊anna mammanara su rallakku lal᷊umme, ara'e sulal᷊ummu Wal᷊e-U.

SONDAPPA 15:6

See sire pitu mala'ekatta wuṛṛu pitu asasusa udde sinumabbanga wuassu Wal᷊en Ruata. Peddeti mangitou wuassu linen apan waresi wuṛṛu sussal᷊endapa. Wuṛṛu i mangitou ual᷊uṛṛen lal᷊induma sabba'a apan niola'a wuassu wul᷊awanna.

SONDAPPA 19:14

Tantaram pangalo wuassu surga uatantalongnga si Tou ringannu uasa'e manga awal᷊o mawira, wuṛṛu uapeddetu lenan mawira wuṛṛu waresi.

YESAYA 3:23

laubba manipissa, laubba linen, wawa'issa ullekka wuṛṛu tatindungnga mal᷊o'engnga.