SONDAPPA 19:5 - WUKE SUSI WATTI'U AL᷊AL᷊USASSA

⁵ See niaringiṛṛana wuassu adderan araratuanna udde tingikku wisara apan mabbisara, “Paddalote Ruata, ei manga allangngu Ruata, wuṛṛu anambon taumata – timmade dario'a – apan massubba Ruata!”

SONDAPPA 19:5 Referans Kwoze

DARALO 134:1

Aantarin patatembo. Wette, paddalote Mawu, ei anambon allangngu Mawu, sarangkanambone apan mattaṛṛamawu su Wal᷊en-Ne sutempo ṛabbi.

DARALO 150:6

Ṛinone anambon riaddianna wiakka maddalo Mawu. Paddalote Mawu!

DARALO 135:1

Paddalote Mawu! Paddalote arannu Mawu, ei i yamiu manga allang-Nge

SONDAPPA 7:15

Ana waugu udde i mangitou uarisikka su saruannu adderan araratuannu Ruata, wuṛṛu mattaṛṛamawu si Tou allo ṛabbi su Wal᷊e Mawu. Wuṛṛu i Tou apan ua'ianna su adderan araratuanna udde sarun masemodda ringanni mangitou wuṛṛu manirungnga si mangitou.

DARALO 22:23

Inolaan-Nu sarun ta'u iwatti'a su manga tuṛṛangku; sulal᷊ummu pangalon al᷊aṛṛang-Ngu i ya'u sidutu maddalo Si'o.

SONDAPPA 20:12

Wuṛṛu i ya'u naasilo manga taumata nate, timmade dario'a, uarisikka su saruannu adderan araratuanna udde. Ne manga wuke niwu'ate. See sambau wuke apan baine niwu'ate, eteudde Wuken Taumata Wiakka. Wua'udde ṛuumanna niema'a su taumata nate, uasul᷊ungngu pallal᷊agune tumuṛṛuttu apan uawoṛṛetta sulal᷊ummu manga wuke udde.

SONDAPPA 16:17

Napawe wua'udde mala'ekatta appitune nallal᷊innu lal᷊oṛṛon cawanne su winalanganna. Ne niaringikke tingikka apan ma'ikkatta wuassu adderan araratuannu Wal᷊e Mawu, apan nabbisara, “Nasuete!”

DARALO 115:13

I Tou sarun mangal᷊amatta manga taumata apan ma'imanna, mawae ete maradio'a aroddi lai wahewalla.

SONDAPPA 13:16

Anambon taumata, timmade wuṛṛu dario'a, ala wuṛṛu asiangnga, allangnga wuṛṛu tawe allangnga, niwata'u winatangnga udde iapasengkama tatiala su lima aikkatanni mangitou ara'e su pakkani mangitou.

SONDAPPA 19:18

Wette uminassa manga ṛemessu manga ratu, wuṛṛu ṛemessu manga panglima, wuṛṛu ṛemessu taumata apan nate su pangalo; wette uminassa ṛemessu manga sumasa'e awal᷊o wuṛṛu ṛemessu manga awal᷊one wuṛṛu ṛemessu anambon taumata, timmade ara'e dario'a, allangnga wuṛṛu tawe allangnga!”