SONDAPPA 19:12 - WUKE SUSI WATTI'U AL᷊AL᷊USASSA

¹² Mata-Ne naal᷊ihidda ṛenggamu putungnga wuṛṛu su pua-Ne i Tou ual᷊uṛṛe manambo araposan araratuanna. Su wada-Nge uawoṛṛetta sambau aranna; wuṛṛu tumba'u i Tou sassane masingkatu aranna udde.

SONDAPPA 19:12 Referans Kwoze

SONDAPPA 19:16

Su jubah-Ne wuṛṛu su palang-Nge uawoṛṛetta aranna indi, “Ratun al᷊awo'u ratu, wuṛṛu Mawun al᷊awo'u mawu.”

LUKAS 10:22

Sarangkanambone suete tinantillu Iamangnga si Ya'u. Tawe saran sangkatou ma'aillal᷊a Ana'a tumba'u Iamangnga. Tawe saran sangkatou maaillal᷊a Iamangnga tumba'u Ana'a, wuṛṛu su manga taumata ete sisai Ana'a udde iapaasingkattu Iamangnga.”

SONDAPPA 1:14

Utang-Nge mawira ere wambul᷊un domba, awirane ere sangarenna ana'e wungkassa. Mata-Ne luṛṛenggama ere putungnga;

MATIUS 11:27

See Mawu Yesus nabbisara, “Sarangkanambone suete tinantillu Mawu Iamangnga si Ya'u. Tawe sangkatou masingkattu Ana'a, tumba'u Mawu Iamangnga. Tawedu lai apan masingkattu Mawu Iamangnga, tumba'u Ana'a, wuṛṛu manga taumata, ete sisai Ana'a udde mamasingkattu Mawu Iamangnga.

MATIUS 28:18

Mawu Yesus nangundani mangitou wuṛṛu nabbisara, “Anambon taṛṛino su surga wuṛṛu su runia suete tinantilla si Ya'u.

SONDAPPA 3:12

Taumata apan naa'untunga, sarun Ta'u olaanna ere sambau diṛṛi sulal᷊ummu Wal᷊e Susi Ruata-U, wuṛṛu i tou sarun matana'a su tampa udde saran mal᷊annu-l᷊annu. Arannu Ruata-U, wuṛṛu arannu soan Ruata-U – eteudde Yerusalem wakku apan sarun umonto'a wuassu surga, wuassu Ruata-U – sarun Ta'u iwoṛṛeta su wadangu taumata udde. Wuṛṛu lai arang-Ku apan wakku sarun Ta'u iwoṛṛeta su waddange.

IBRANI 2:9

Arawe i ite suete naasilo Mawu Yesus uataṛṛino! I Tou niwawo adio'a wuassu mala'ekatta tumba'u tal᷊ang kadio'a, tadea'u su apapia naungngu Ruata i Tou wotonge mate ana waugu anambon taumata. I ite ma'ellega i Tou orassa indi nionggol᷊annu aiananna apan mawantuga wuṛṛu lembon aaddatanna, ana waugu i Tou suete natataṛṛanga na'oman sara nate.

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

DARALO 8:5

apate taumata udde na'oman sara I'o mannaungnga si tou, isai i tou, na'oman sara I'o mappadul᷊i si tou?

SONDAPPA 12:3

See niasiloante apia su langitta sambau apan ma'aṛṛindu'a. Pia sambau naga maṛṛamu apan wahewalla atonna pia puane pitu wuṛṛu tatandunge mapul᷊o. Suapan puane pia araposan araratuanna.

ZAKARIA 9:16

Napawe allo nia'omante, Mawu sarun manal᷊amatta uman-Ne, naal᷊ihidda mallal᷊u'adda manal᷊amatta dombane wuassu asasilaka. I mangitou sarun lumansiangnga su leta'u Mawu, naal᷊ihidda permata mahkota apan sussal᷊endappa.

MAL᷊AṚṚUUNGNGA 13:18

Mala'ekattu Mawu udde naiwal᷊o, “Anio i'o mangke ma'apulu ma'asingkatta arangku? Arangku udde aranna apan ma'atiangnga.”

SASABANGNGA 23:21

Paddaringikka wuṛṛu paatuṛṛutta si tou. Imbaṛṛangnga lumawangnga si tou ana waugu i tou daroloṛṛang-Ku, wuṛṛu i tou tawe mangampungnga pasasal᷊anu.

PANDARIADDI 32:29

I Yakub nabbisara, “Wal᷊oa'e aranni Tuangnga.” Arawe taumata udde sinumimbakka, “Tawe su ṛinone i'o maiwal᷊on arangku!” Ana see i Tou nangal᷊amatte si Yakub.

SONDAPPA 6:2

Ne i ya'u naasilo, see niasiloanna sambau awal᷊o mawira. Sumasa'ene uaaggasa sambau anaanna wuṛṛu i tou nionggol᷊annu sambau mahkota. I tou u'amatta ere sangkatou apan naauntunga inai mangaṛṛo auntunganna.

YESAYA 62:3

I'o naola'a ere mahkota maṛṛamaga si lima Mawu, mahkotan araratuanna su liman Duatanu.

SONDAPPA 13:1

Wua'udde i ya'u naasilo sambau winatangnga nilumapputa wuassu lal᷊ummu tahal᷊oangnga. I tou pia tatandunge mapul᷊o wuṛṛu puane pitu. Suapan tatandunge pia araposan araratuanna, wuṛṛu suapan puane uawoṛṛetta sambau aranna aal᷊uandaga su Ruata.

MATIUS 21:5

“Wal᷊oa'a su Sion, Ratunu tantal᷊anna rudanta ringanni yamiu I tou masaṛṛionto'a wuṛṛu uasa'e sambau keledai, sambau ana'u keledai saṛṛen tumuwo.”

ANTARI MAWANTUGA 3:11

Sabbangke, ei manga maṛṛualan Sion, pa'ellege si Ratu Salomo ringannu mahkota apan niluṛṛen inangngene, su allo nipaawinganne, su allo i tou lulluassa.

AMSAL 30:4

Taumata suapane apan buatte napapal᷊ele su surga? Buattewe i tou nakkangkumma anginna sulal᷊ummu limane, wuṛṛu nami'unna ua'e sulal᷊ummu laungnge, ara'e nanantunnu manga passarannu runia? Isai i tou, wuṛṛu isai anangnge? I'o sarun masingkatta!

DANIEL 10:6

Waddangnge lukkena ere permata, hatine ere semakku sawallo, wuṛṛu matane lukkenggamma naal᷊ihidda putungnga.

YOHANES 17:11

Orassa indi i Ya'u nirumanta ringannu Iamangnga. I Ya'u tate lai matana'a su runia; arawe i mangitou su runia. Iamangnga apan naukkassa! Lu'arete i mangitou ringannu taṛṛinon arannu Iamangnga, eteudde aranna apan suete nionggolu Iamangnga si Ya'u – tadea'u i mangitou maola'a sambau, ere Iamangnga wuṛṛu i Ya'u sambau.

YOHANES 17:12

Su tempo i Ya'u ta'e su sambau ringanni mangitou, i Ya'u suete nallu'adda si mangitou ringannu taṛṛinon arannu Iamangnga – aranna apan suete nionggolu Iamangnga si Ya'u. I Ya'u suete nallu'adda si mangitou, wuṛṛu tawe saran sangkatou wuassi mangitou nawul᷊i; tumba'u i tou apan ṛinone sarun mawul᷊i; tadea'u ringannu aroddi matipusse apa apan uawoṛṛetta sulal᷊ummu Wuke Susi.

EFESUS 1:21

Aiananni Kristus udde mattanggaṛṛane marau wuassu al᷊awo'u aianannu pamarenta, al᷊awo'u tembonanne, al᷊awo'u piaṛṛangnge, al᷊awo'u manga tuangnga wuṛṛu isai lai apan buatte nionggol᷊annu aiananne apan matanggakka, mawae udde mabbiakka su tempo indi, ara'e mabbiakka su tempo addantane.