SONDAPPA 17:17 - WUKE SUSI WATTI'U AL᷊AL᷊USASSA

¹⁷ Ana waugu Ruata suete nangal᷊ore naungngi mangitou mapaamattu pandumannu Ruata. Ruata suete na'ola'a si mangitou sangkire ipanantillu taṛṛino mangitou su winatangnga udde, tadea'u winatangnga udde mamarenta ma'oman sara matipussa apa apan suete niapaasingkatu Ruata.

SONDAPPA 17:17 Referans Kwoze

SONDAPPA 10:7

Arawe napawe mala'ekatta appitune nattiuppa trompeti tou, Ruata sarun ma'ola'a ṛiin-Ne apan uawuni, ere suete niwatti'a su manga allang-Nge eteudde manga nabi.”

2 KORINTUS 8:16

Lembon maadiangkamanna i yami su Ruata ana waugu i Tou suete na'ola'a si Titus maṛṛimadda ere i yami mantul᷊ungngi yamiu.

YOHANES 13:2

Mawu Yesus wuṛṛu manga mallal᷊aṛṛenggen-Ne tantal᷊anna u'anna annu ṛabbi. Setanna suete napaasuttam pandumanne sulal᷊ummu naungngi Yudas ana'i Simon Iskariot ipamate Mawu Yesus.

YEREMIA 32:40

I Ya'u sarun ma'ola'a paaire apan tawe pattaal᷊anne ringanni mangitou. I Ya'u tawe mangillol᷊o ma'ola'a apapia si mangitou. I Ya'u sarun ma'ola'a si mangitou matta'utta wuṛṛu maaddatta si Ya'u ringannu ahewallu naungnga tadea'u i mangitou tawe mangindau-U.

AMSAL 21:1

Uasul᷊ungngu ere Mawu nangatokku ua'en sal᷊ukka tadea'u mangelekka tumuṛṛuttu apulu-Ne, aroddi lai i Tou mangngehetta ṛingirannu ratu.

EZRA 7:27

Ana see Ezra nabbisara, “Paddalote Mawu, Ruata apan sassubbannu iupungngu al᷊amonan kite! I Tou buatte nangal᷊oren naungngu ratu na'oman sara i tou nangonggollu sasumbala pina'ola'a Wal᷊en Mawu su Yerusalem.

SONDAPPA 17:13

Sire mapul᷊o ratu udde sarangkanambone pia pandumanne apan uasul᷊ungnga; i mangitou sarangkanambone nanantillu atatohassa wuṛṛu taṛṛino mangitou su winatangnga udde.

YOHANES 13:18

Apa apan Ta'u niwisara indi wal᷊inewe su ola'i yamiu sarangkanambone. I Ya'u masingkatta isai-sai apan suete nipile. Arawe apa apan uawoṛṛetta sulal᷊ummu Wuke Susi ṛinone matipussa, eteudde ‘Taumata apan u'anna su sambau ringang-Ku sarun lumawangnga si Ya'u.’

LUKAS 22:22

Ana'u Taumata sarun mate su ereapa suete tinantunnu Ruata, arawe nasilakate taumata apan mamate si Tou!”

DARALO 105:25

I Tou namal᷊u naungngu taumatan Mesir na'oman sara narantinnu al᷊aṛṛanang-Nge, wuṛṛu nakkagissa manga allang-Nge.

SONDAPPA 15:1

Wua'udde i ya'u naasilo su langitta sambau apan maatiangnga wuṛṛu tawe sul᷊ungnge. Pia sire pitu mala'ekatta wuṛṛu pitu asasusa apan panginsueanne. Ete indi panginsueanne Ruata mappaarantan asasa'u-Ne.

YOHANES 19:28

Mawu Yesus masingkatta manungku orassa udde sarangkanambone natipusse, wuṛṛu tadea'u apa apan uawoṛṛetta sulal᷊ummu Wuke Susi wotongngete mariaddi, i Tou nabbisara, “I Ya'u marou.”

YOHANES 19:24

Manga tantara udde nabbisara sangkatou ringannu waine, “Arie i ite mamonggo'a jubah indi, wette i ite masasi'atta asinginne isai wotongnge maabba'a.” Hatto udde mariaddi tadea'u natipusse apa apan uawoṛṛetta sulal᷊ummu Wuke Susi, eteudde: “I mangitou mattahia lau-U, wuṛṛu nasasi'attu jubah-U.” Wuṛṛu atonna manga tantara udde na'ola'a aroddi.

YOHANES 10:35

I ite masingkatta manungku apa apan uawoṛṛetta sulal᷊ummu Wuke Susi ipappaatta sarangkal᷊o'engnge. Nariaddi, amungkangngu Ruata mangonggolu aranna ‘mawu’ su manga taumata apan madaringikka wisara-Ne,

LUKAS 22:37

Ana waugu, pangimante, wageangngu Wuke Susi tingikke arendi, ‘I Tou sassunnanna ere sangkatou taumata lal᷊eo,’ ṛinone mariaddi su riri-U. Ana waugu apan uawoṛṛetta su Wuke Susi matataṛṛino si Ya'u tantal᷊anna mattipusse orassa indi.”

LUKAS 22:3

Wua'udde Setanna nangintaṛṛo si Yudas apan isassago lai Iskariot, eteudde sangkatou wuassu sire mapul᷊o dua mallal᷊aṛṛenggennu Mawu Yesus.

DANIEL 12:7

Taumata waine udde namatte na ta'iakke ruan ba'a watukku langitta. I ya'u naaringikka i tou nassalu ringannu arannu Ruata apan awasa wuṛṛu nabbisara, “Manga arariadianna udde umamatta al᷊annune tatallu setenga su tonnane. Napawe pandal᷊al᷊eo su saruannu umattu Ruata nasuete, ne masuete lai manga arariadianna apan maatiangnga udde.”

YESAYA 45:17

Arawe Israel niapasal᷊amattu Mawu; asasal᷊aman-Ne sarun mattaṛṛangnga. I ya'u sarun tawe pansilianna wuṛṛu al᷊uandahanna saran mal᷊annu-l᷊annu.’ ”

AMSAL 19:21

Taumata pia manambo ṛiinna, arawe tumba'u laṛṛawessu Mawu apan maola'a.

SONDAPPA 6:11

I mangitou sangkatou-sangkatou nionggol᷊annu jubah mawira sambau. See i mangitou nirolokka niapaillol᷊o tal᷊ang kadio'a lai, ma'oman sara masuungnga reengannu manga hawe sangkamanaranna wuṛṛu manga tuṛṛangi mangitou apan sarun pateanna lai ere i mangitou.

SONDAPPA 19:9

See mala'ekatta udde nabbisara si ya'u, “Woṛṛetta'a indi: ‘Lal᷊umanna'a su taumata apan niwagoanna su andeangngu awingngu Ana'u Domba udde.’ ” See mala'ekatta udde nanamba apia, “Ete indi watti'a atonna wuassu Ruata.”