SONDAPPA 17:14 - WUKE SUSI WATTI'U AL᷊AL᷊USASSA

¹⁴ I mangitou sarun mamangalo lumawanna Ana'u Domba udde. Arawe Ana'u Domba udde wuṛṛu mallal᷊aṛṛenggen-Ne apan matuṛṛuta apan suete niwagoan-Ne wuṛṛu nipile-Ne udde sarun mapaarugi manga ratu udde, ana waugu ete i Tou Mawun al᷊awo'u tuangnga, wuṛṛu Ratun al᷊awo'u ratu.”

SONDAPPA 17:14 Referans Kwoze

ROMA 8:30

Ete aroddi Ruata namaggo si mangitou apan buatte nipile paarorone; wuṛṛu i mangitou apan niwagoanne udde, niwala maaukka apia ringanni Tou. Wuṛṛu i mangitou apan niwala apia maaukka ringannu Ruata, nanganu wageangnge sulal᷊ummu awawantugu Ruata sassane.

1 TIMOTIUS 6:15

Daranta-Ne sarun itantunnu Ruata sassane su tempone apan naṛṛino. Tumba'u i Tou sassane uatahuanna; i Tou mawantuga, Ratu wuassu al᷊awo'u ratu, wuṛṛu Mawu wuassu al᷊awo'u mawu.

MATIUS 22:14

See Mawu Yesus nanginsue sasumandingnga udde ereindi: “Manambo apan wagoanna, arawe mattul᷊ungnga atonna apan mapile.”

SONDAPPA 3:21

I mangitou apan naauntunga, sarun Ta'u iwala uma'ianna su adderan araratuang-Ku su sambau ringang-Ku, ere i Ya'u sassane lai suete na'auntunga wuṛṛu orassa indi ua'ianna suadio'a ringannu Iamang-Ku su adderan araratuan-Ne.

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,

DANIEL 2:47

Ratu nabbisara, “Attonna, Daniel, Ruatanu udde ahewal᷊anne suwallattu al᷊awo'u Ruata. I tou uddewe utaṛṛino al᷊awo'u ratu, wuṛṛu manani'attu al᷊awo'u addapingnga. I ya'u masingkattu olangnge udde ana waugu i'o buatte nanala'an atappasannu addapingnga indi.”

TAHIUL᷊E 10:17

Mawu Ruatanu roso su wowon al᷊awo'u Mawu wuṛṛu nilumebbe wuassu al᷊awo'u taṛṛino. I Tou Mawu Ruata mawantuga wuṛṛu mataṛṛino apan ṛinone subbanna. I Tou tawe mangempe wuṛṛu tawe lai manengkamma aonggola sasal᷊o'a.

SONDAPPA 2:10

Arie matta'uttu asasusa apan tate mal᷊annu lai apendamanni yamiu. Paanaunge, Setanna sarun mantaṛṛon sangkawageanganna wuassi yamiu sulal᷊ummu tuttupanna, ana waugu ipamono'a si yamiu. I yamiu sarun matataṛṛanga mapul᷊o allo al᷊annune. Ṛinone i yamiu matuṛṛuta si Ya'u ma'oman sara mate, ne i Ya'u sarun mangonggola si yamiu wiakka tutune wuṛṛu saran mal᷊annu-l᷊annu apan maola'a sambau lal᷊antaku naauntunga.

SONDAPPA 16:14

I mangitou eteudde manga ghaṛṛaho lal᷊eo apan ma'ola'a manga al᷊aṛṛindu'a. Tatallu ghaṛṛaho udde inaite su anambon manga ratu su ahewallu runia wuṛṛu nangammule mangitou mapapangalo su Allo apan wahewalla, eteudde Allo wuassu Ruata Lembon Taṛṛino.

1 KORINTUS 15:24

Wua'udde mariaddite Kiamatta. Su tempo udde Kristus sarun mangagassa al᷊awo'u araratuanna, al᷊awo'u taṛṛino, wuṛṛu al᷊awo'u atatohassa; wua'udde i Tou sarun manantillu taṛṛino-Ne ere sangkatou ratu, su Ruata Iamangngi ite.

ROMA 8:37

Tawe! Ewe'e sulal᷊ummu sarangkanambone udde i ite naasomba auntunganna apan nasuungnga ana waugu i Tou apan niumakkani ite!

MATIUS 28:18

Mawu Yesus nangundani mangitou wuṛṛu nabbisara, “Anambon taṛṛino su surga wuṛṛu su runia suete tinantilla si Ya'u.

SONDAPPA 11:7

Napawe i mangitou suete nabbatti'u watti'i mangitou, winatangnga apan sinumabanga wuassu rampisu papate sarun lumawanna si mangitou.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

2 TIMOTIUS 2:4

Sangkatou tantara apan tantal᷊anna mammanara, maddiri mammanara hausanne sassane, ana waugu i tou maapulu malluassa naungngu tembonanne.

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

DARALO 110:5

Mawu udde su samba'a uanannu, napawe i Tou masa'u, manga ratu iwaddo-Ne.

YOHANES 15:16

Wal᷊ine i yamiu namile si Ya'u. Ete I Ya'u apan namile si yamiu, wuṛṛu nandolokki yamiu tadea'u mabua manambo – manga wua apan tawe mal᷊al᷊eo. Ne Iamangnga sarun mangonggolla si yamiu al᷊awo'u apa apan radoronganni yamiu si Tou sulal᷊ummu arang-Ku.

MATIUS 25:40

Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

ZAKARIA 2:8

Isai apan mamangalo si yamiu, namangalo tatuno naungku.” Ne Mawu Apan Lembontaṛṛino nandalo'u mamasingkattu tanata indi su manga walahanna apan buatte nangaṛṛo uman-Ne,

YEREMIA 50:44

Ere singa apan sinumabbangnga wuassu mahurangnge maappalla maranin Sal᷊ukku Yordan wuṛṛu nirumanta su wadda'a tampa manga domba mannioma, aroddi lai Ya'u, Mawu, sarun dumanta wuṛṛu ma'ola'a taumatan Babel tumal᷊angnga wuassu manga soa mangitou ringannu namaṛṛoro. Wua'udde i Ya'u sarun mamile sangkatou piaṛṛa'a iapaparenta walahanna udde. Isai apan botongnge isul᷊ung-Ku? Isai waṛṛani ma'ola'a parakara ringang-Ku? Apa pia piaṛṛa'a apan botongnge mando'appa si Ya'u?

DANIEL 7:21

Sutempo i ya'u mannutukka tandu'a udde, tandu'a udde uapapangalo mando'appa umattu Ruata wuṛṛu namaddon mangitou.

YEREMIA 1:15

I Ya'u sarun mandolokku anambon walahanna su samba'an sawannakka rumanta mangaṛṛo Yerusalem. Manga darandungnga apan uapal᷊iwutta soa indi see lai manga ngaran pasallangannu wahewalla wuṛṛu anambon soa su Yehuda sarun aṛṛoanni mangitou.

ROMA 1:6

Pandumannu wisara al᷊awo'u walahanna eteudde i yamiu lai apan uatana'a su Roma; i yamiu lai buatte niwagoanna maola'a taumatan Mawu Yesus Kristus.

SONDAPPA 2:13

I Ya'u masingkata suapa i yamiu uatana'a, eteudde su araratuannu Setanna. I yamiu matuṛṛuta si Ya'u. Ewe'e su tempo i Antipas, matatiala-U apan matuṛṛuta udde, nipate su saruannu su tampan Setanna, i yamiu tawe naddandila manungku i yamiu mangngimanna si Ya'u.